Daereksen we I Kam Tru long Insperesen
Kasem naoia, long taem blong presidensi blong Presiden Russell M. Nelson:
-
Oli jenisim strakja blong ol kworom blong prishud.
-
Wok blong Givhan i tekem ples blong hom tijing mo visiting tijing.
-
Oli stap krietem wan niu divelopmen program blong ol pikinini mo ol yut.
-
Oli stap rere wan niu edisen blong hymbuk mo Children’s Songbook (Singsing blong Ol Pikinini).
-
Oli putumaot ol niu gaedlaen blong ol bisop oli mekem intaviu wetem ol yut.
-
Oli toktok strong moa blong singaotem Jos wetem ful nem blong hem.
-
Ol koling blong ol misinari, oli stap putum onlaen nomo blong olgeta long Yunaeted Stet mo Kanada.
-
Mormon Tabenakol Kwaea i kasem niu nem, we i, Tabenakol Kwaea long Tempol Skwea.
-
Oli statem gospel stadi long hom olsem senta we Jos i sapotem, wetem wan jenis tu we i luk se ol Sandei miting taem i kam daon long tu (2) aoa.
-
Oli anaonsem twanteseven niu tempol.
-
Evri Jos drama, oli stopem, be oli holemtaet tri bigwan nomo.
-
Progres blong ol praemeri mo yut, ol prishud odinesen blong ol yang man, mo ol tempol rekomen blong ol yut, naoia oli tekem ples long Jenuware be i no folem ol deit we wan i bon long hem.
-
Naoia, ol sista misinari oli save werem ol traoses dres.
-
Oli stretem sam ditel we i go wetem tempol wok.
-
Oli krietem ol niu misin, mo oli stretem ol baondri, mo oli klosem tu misinari trening senta.
-
Ol pikinini blong ol papa o mama we oli ol LGBT (Lesbian, Gei, Biseksuol, Transjenda), naoia oli save kasem blesing mo kasem baptaes, mo polisi long saed blong ol sem seks mared, oli talemaot i klia bakegen.
Mo Presiden Nelson i promesem se, olsem we Lod i talemaot, !bae i gat moa i stap kam yet!