សំណួរ និងចម្លើយ
« តើខ្ញុំអាចស្វែងរកមិត្តភក្តិដែលមានបទដ្ឋានល្អដោយរបៀបណា ? »
សន្តានចិត្តល្អគឺជាគន្លឹះ
សូមបង្ហាញសេចក្ដីស្រឡាញ់ និងចិត្តល្អចំពោះពួកគេ ។ សូមបង្ហាញថា អ្នកខ្វល់ខ្វាយពីពួកគេ និងសុភមង្គលរបស់ពួកគេ ។ ប្រសិនបើពួកគេពុំបង្ហាញថា ពួកគេខ្វល់ខ្វាយនឹងអ្នក ហើយគ្មានសន្តានចិត្តល្អនឹងអ្នក អ្នកប្រហែលជាពុំចង់បន្តមិត្តភាពនោះទៀតទេ ។
ម៉ាឌី ប៊ី អាយុ ១៥ ឆ្នាំ រដ្ឋអារីហ្សូណា ស.រ.អា.
រស់នៅតាមបទដ្ឋានរបស់អ្នក
ចូរធ្វើជាគំរូក្នុងការរស់នៅតាមបទដ្ឋានរបស់អ្នក ។ ហើយប្រសិនបើអ្នកមានមិត្តភក្តិដែលគ្មានបទដ្ឋានដូចអ្នក សូមបង្ហាញថា ពួកគេពិសេសនៅក្នុងព្រះនេត្ររបស់ព្រះ ។ ព្រះយេស៊ូវស្រឡាញ់មនុស្សគ្រប់រូប ហើយបានបង្រៀនពួកគេឲ្យធ្វើតាមមាគ៌ារបស់ទ្រង់ ។
ប៊ើណាត ប៊ី អាយុ ១៩ ឆ្នាំ ទីក្រុងផាឡាវ៉ាន់ ប្រទេសហ្វីលីពីន
ចែកចាយដំណឹងល្អ
អ្នកអាចរកឃើញមិត្តថ្មីដែលមានបទដ្ឋានល្អ តាមរយៈការទៅបង្រៀនជាមួយពួកអ្នកផ្សព្វផ្សាយសាសនា ។ ពួកគេស្គាល់យុវវ័យមួយចំនួនដែលត្រូវការមិត្តភក្តិនៅក្នុងសាសនាចក្រ ។
អែលឌើរ ឃ្វីនតានីឡា អាយុ ២០ ឆ្នាំ បេសកកម្ម បាបាដូស ប្រ៊ីដថោន
អធិស្ឋានឲ្យមិត្តភក្តិរបស់អ្នក
ខ្ញុំអធិស្ឋានច្រើន ដើម្បីដឹងថា តើមិត្តភក្តិរបស់ខ្ញុំគឺជាមិត្តភក្តិត្រឹមត្រូវដែរឬទេ ជាអ្នកដែលអាចជួយខ្ញុំឲ្យលើកកម្ពស់បទដ្ឋានខ្ញុំ និងទីបន្ទាល់ខ្ញុំអំពីព្រះយេស៊ូវគ្រីស្ទ ។
អ៊ីម៉ាណុល អិម អាយុ ១៨ ឆ្នាំ ទីក្រុងឈីហោហោ ប្រទេស ម៉ិកស៊ិក
ព្រះនឹងជួយអ្នក
ខ្ញុំបានឃើញថា ប្រសិនបើខ្ញុំខិតខំស្វែងរកមនុស្សដែលបង្ហាញពន្លឺរបស់ព្រះគ្រីស្ទ នោះបានធ្វើឲ្យមានការផ្លាស់ប្តូរទាំងស្រុង ។ ព្រះវរបិតាសួគ៌ជ្រាបដឹងពីបំណងប្រាថ្នារបស់អ្នក ហើយប្រសិនបើអ្នកធ្វើផ្នែករបស់អ្នក នោះទ្រង់នឹងឆ្លើយតបការអធិស្ឋានទាំងនោះ ។
អូលីវៀ ធី អាយុ ១៨ ឆ្នាំ រដ្ឋយូថាហ៍ ស.រ.អា