Te mau uira’a nō te parau fa’ati’a i fa’a’āfarohia ’e te tahi atu mau parau ’āpī nō te hiero

Nā te peresideni Russell M. Nelson i vauvau mai i te mau fa’a’āfarora’a o te mau uira’a nō te uiuira’a parau fa’ati’a nō te hiero, i roto i te ’āmuira’a rahi nō ’Ātopa 2019 (hi’o ’api 121). ’Aita i taui te mau tītaura’a nō te hiero, terā rā, ’ua taui-ri’i-hia te mau parau o te tahi mau uira’a ’ia māramarama a’e te reira. E fāri’i te feiā fa’atere o te ’Ēkālesia i te hō’ē rata nā te Peresidenira’a Mātāmua i te 6 nō ’Ātopa 2019, tei roto i reira te mau uira’a i fa’a’āfarohia.

’Ua fa’aara ato’a te peresideni Nelson i te mau fa’anahora’a nō nā hiero ’āpī e va’u (hi’o ’api 79). E patuhia te mau hiero ’āpī i Freetown, Sierra Leone ; Port Moresby, Papua Niu Guinea ; Bentonville, Arkansas, Marite ; Bacolod, fenua Philipino ; McAllen, Texas, Marite ; Coban, Guatemala ; ’e Orem ’e Taylorsville, Utaha, Marite.

Mai te ’āmuira’a rahi nō ’Ēperēra 2019, ’ua ha’amo’ahia te mau hiero i Kinshasha, Hau Repupirita Manahune nō Congo ; Lisbon, Potiti ; Port au Prince, Haiti ; ’e i Fortaleza, Peretīria ; ’e e ha’amo’a-fa’ahou-hia i Oakland, California, Marite ; i Memphis, Tennessee, Marite ; i Frankfurt, Helemani ; ’Oire nō Oklahoma, Oklahoma, Marite ; ’e Raleigh, North Carolina, Marite.

’Ua ravehia te tāpūra’a repo i Yigo, Guam ; Praia, Cabo Vert ; San Juan, Puerto Rico ; Lima, Peru (Los Olivos) ; ’e i Belem, Peretīria, ’e ’ua mā’itihia te mau vāhi nō te mau hiero i Auckland, Niu Terani, ’e i Layton ’e i Saratoga Springs, Utaha, Marite.

’Ua fa’a’itehia te mau ’ōpuara’a nō te fa’a’āpī i te hiero nō Roto Miti, ’o tē tāpirihia i te ’āva’e Tītema ’e e ’īriti fa’ahou i te matahiti 2024, ’e te hiero nō St. George Utaha, te ’ōpani i te ’āva’e novema 2019, ’e e ’īriti fa’ahou i te matahiti 2022.