Bootaki n Reirei iaon Kiribati a Ongo ‘Naako ao Karaoia’ e Taetae te Mitinare

Unimwaane Theo Magalogo ao toana ni mitinare, ae Unimwaane Applegarth, n Ana Ekaretia Iesu Kristo ibukiia aika Itiaki ni Boong aika Kaitira, e taetae n tain aia taromauri ataein te reirei ao taan ni mwakuri n te Moroni High School i Kiribati n 12 Beberuare.

Unimwaane Magalogo ngaia ae kakawaki n aia botoniango kairake n te Ekaretia 2020 n te witeo iaon te katangitang, are e karaoaki nakon te tamnei i New Zealand.

E taekina ana taneiai ngke e katamneia te witeo ao ni kaewenakoia kairake bwa a na namakina ana kairoro te Tia Kamaiu inanon maiuia.

Te kabanea n nakoraoi n itera n tain te taromauri bon ongoraeakinan aia kuaea kaain te Moroni High School n anenea “Go and Do” n te taetae n Imatang ao ni Kiribati.

N aron are e taekinna te tia reirei n te Moroni High School, Ataake Tekanene, “Te ruu e onrake irouia ataein te reirei ae raka iaon 700 ao taan mwakuri aika (e raka iaon 30), n raonaki ma te burintibo ao te kauoman n ni burintibo.”

Unimwaane Magalogo “e katiki mataia ao taningaia aomata ni kabane man moan ana taetae ni karokoa banena.”

E reitianako Tekanene: “E bon rangin ni kakaongora n te moan n tai bukina bwa akea ae a tia n noora te aekita (ae te titaa) n rabwatana. Aki kakoaua ae temanna man te birim ae na tei n rabwatana imataia!”

“E bon rangin ni kakaongora naba,” e taku, “ngke e kabwarabwara nakoia ataein te reirei ao taan ni mwakuri bwa e kanga n rineaki mai ibuakoia aomata aika e raka iaon 700 mwaitia aika a tangiria n riki bwa taan kamataku n te witeo kiribi anne. E kanga n rinanon te ingainga n nano ao te raraoma ngke karaoan te kauarereke ke katukaia aomata aika e raka iaon 700 mwaitiia e a waaki, bwa aonga n reke aman aomata ni koaua aika ana karaoia inanon aua karinanna.

“E kekeiaki n taotaona nanona n tataningai mwiin te rinerine ao e rangin n rotaki n te kukurei ngke e rineaki bwa e na karaoa taben temanna te tia kaotioti n te witeo kiribi anne.”