Sau, Mulimuli Mai Ia Te Au: Mataupu Faavae ma Feagaiga
O le a se molimau sili atu e mafai ona e maua mai lo lena mai le Atua?
Mataupu Faavae ma Feagaiga 6–9
25–31 Ianuari
Faaliliuga o le Tusi a Mamona, saunia e Gary Ernest Smith; Ata o le faafanua mai le Getty Images
O ai na aofia ai i nei faaaliga mai le Atua?
-
Iosefa Samita
-
Oliva Kaotui. Sa ia aoao e uiga ia Iosefa Samita ma papatusi auro ma ofo atu e avea o se tusiupu a o faaliliuina e Iosefa le Tusi a Mamona.
O Fea na tupu ai?
-
O nei faaaliga na tupu i Haramoni, Penisilevania.
O anafea na tutupu ai?
-
O nei faaaliga na tuuina mai i le 1829.
E mafai faapefea ona faatatau nei faaaliga ia i tatou i aso nei?
A o lei avea Oliva ma tusiupu a Iosefa, na ia tatalo ia iloa pe moni le galuega a Iosefa. Ina ua tatalo Oliva, sa ia lagonaina le filemu ma le faamautinoaga.
Sa i ai pea ni fesili a Oliva a o fesoasoani ia Iosefa e faaliliu. Sa toe fesili atu o ia i le Atua pe moni lenei mea.
Sa faamanatu mai e le Alii ia Oliva ua uma ona ia mauaina se tali i lana tatalo:
“Ou te lei tautala atu ea le filemu i lou mafaufau e uiga i le mataupu? O le a se molimau sili atu e mafai ona e maua mai lo lena mai le Atua?” (Mataupu Faavae ma Feagaiga 6:23).
E pei lava o Oliva, e tatau ona tatou taofimau i aafiaga faaleagaga ua tuanai ma tuu atu ia i latou e faamalosia i tatou i taimi faigata.