Tamusuki Tikoga na Kune Vinaka

Ena gauna sa tuvanaki kina na parokaramu ni Kana Kakana Bulabula ka Daucakacaka ena dua na iteki voleka, sa dau kauwai tiko mai o Sister Sinafoailuga Rifat Taatiti Leiataua baleta na tiko bulabula. O koya kei na vica na itokani mai na nona iKa 6 ni Tabanalevu o Apia Samoa Pesega a laki curu kina—me laurai ke rawa ni vukei iratou na kalasi me ratou cakava na veisau bibi ki na nodratou ivakarau ni bula.

“Au a vinakata meu vulica vakalevu cake na veika e baleta na kakana bulabula kei na vakalutu bibi,” e kaya o Sinafoailuga, “ka vakakina noqu vinakata meu ivakaraitaki vinaka vei turaga watiqu kei na vuvale.”

Na vuli ni Kana Kakana Bulabula kei na Cakacaka (KKBC) a tauyavutaka na Lotu i Jisu Karisito ni Yalododonu Edaidai me wali kina na tubu cake tiko ni veivakaleqai ni mate ni suka kei na mate veitauvi eso e cakava ga na tamata vua ena Pasivika. Na vuli oqo e yavutaki tiko ena cakacaka ni tabana ni bula ena qaravi ni tiko bulabula kei na kakana me laukana, ka vakakina na idusidusi ni Lotu me baleta na tiko vinaka ni yago kei na yalo, sa vakatokai tiko me Vosa ni Vuku. E yaco na veituberi oqo ena gacagaca ni parokaramu ni Bula-Rawati Koya ka a tauyavu me baleti ira sara ga na lewenilotu ena iWasewase na Pasifika.

Ena loma ni 12 na macawa, na kalasi nei Sinafoailuga na KKBC e dau yaco na kena kalasi vakadua ena veimacawa, ka vakatolu ena veimacawa na kalasi ni vakaukauwa yago. Era gumatuataka na kena cokovata na Zumba kei na Tabata—e dua na vakaukauwa yago kaukauwa ena gauna ni vakacagicagi. Ena nona taleitaka sara oqo o Sinafoailuga sa dau tiko ena gauna kece ni vakaukauwa yago ka vakawasoma nona tiko tale me tomana nona vakaukauwa yago.

Ia e sega ni koya kece oqori. Na ilawalawa oqo KKBS sa qai solia na ibolebole vakai ira ga ena loma taucoko ni nodra parokaramu. Me vakataka, e dua na ibolebole me kakua ni laukana na lewe ni manumanu me 6 na macawa. Eso tale mera gunu wai ni moli kei na jinja ena veimataka, kania ga e dua na peleti kakana ena veigauna ni kana, ka katalau vakalevu ka kana sara vakalailai ena yakavi. Ia o Sinafoailuga sa yalodina sara me gunu wai vakalevu ka vakalailaitaka nona kana lewe ni manumanu.

“Au sa vulica me tiki ni noqu ivakarau ni bula meu dau kana kakana bulabula,” a kaya. “Au sa rawata meu kana kakana bulabula ka gunu wai vakalevu—sa sega tale na gunu jiusi—vakakina niu dau vakasaqa vei iratou noqu vuvale, au dau biuta kina na kakana draudrau baleta niu vinakata noqu vuvale me ratou kania talega na kakana [bulabula] vata ga au dau kania.”

E dua na ka vou sa vulica rawa o Sinafoailuga mai na kalasi oqo o ya na kena lewai vinaka na lomaocaoca. Na kania na kakana bulabula kei na vakaukauwa yago vakalevu e veivuke sara, ia a vulica talega o koya ni ena gauna ni lomaocaoca, sa rawa vua me “dabe ga vakamalua ka vakasamataka vakarua na [veika vakao ya]. Vakakina, me masu vua na Kalou me vukei.”

A rawata vakavinaka o Sinafoailuga na nona kalasi ni Kana Kakana Bulabula kei na Cakacaka ena cava ni yabaki 2020, ka sa tamusuka tikoga na kune vinaka ni veika kece sa vulica.

“Ia oqo au sa rawa sara ni [dara rawa] e vuqa na noqu isulu ka vakakina noqu sa rawa ni cakava na noqu cakacaka ni siga taucoko,” a kaya. “Ia e liu, au a sega mada ga ni vakaotia rawa e dua se rua na cakacaka, baleta niu vucesa na taubale kei na lolou sobu sa dredre sara.”

Se cakacaka tikoga o koya vata kei na nona vuvale—turaga watina, o tinana kei na rua na vugona tagine—e vakayaloqaqataki iratou me ratou muria na nona ivakaraitaki ni tiko bulabula cake kei na cakacaka gugumatua. E nuitaka ni tamata kece era na curu ka lewena na parokaramu ni Kana Kakana Bulabula kei na Cakacaka.

“Na kalasi oqo a vakalougatataki au sara ga vakalevu,” a kaya. “A vukei au sara ga meu sa vakaliuca na tiko bulabula kei na tiko vinaka vei au kei na noqu vuvale, ka sa vakaraitaka vei au na levu dina ni Nona lomani keda na Tamada Vakalomalagi.”