Te Uninga iaon te Timanti

Tamnei

cushion

Inanon ririki aika a bati, I a tia ni kawara mweengan tinau ni buokia n ana mwakuri. Ai 80 ana ririki ao bon kain ana Ekaretia Iesu Kristo Ibukiia Aika Itiaki Ni Boong aika Kaitira.

Tinau e a tia ni maeka n ti ngaia imwiin maten tamau. Kukurein nanona bon kawaran mweengaia natina aika teniman, ni kabanea ana tai mangaiia ao tibuna, ao kukanakin amwarake aika a kangkang.

Ni katoa tai are I kawara iai ana auti tinau bwa N na kaitiakia ao ni kakoaua bwa e barongaaki raoi, I kunea te uninga iaon te timanti. Ni katoa tai N na bae n anaia ao ni katoka iaon te kaintekateka, ni ngurengure ibon irou ibukin ana aki tarabwai tinau.

Are imwiina n okiu ni buoka tinau, N na bae ni manga kunea te uninga iaon te timanti. I aki kona n taekina te bwai teuana ibukin te uninga iaon te timanti, ma n te moaningabong teuana I a kunea bwa e kanga te uninga ni mena iaon te timanti n tainako.

Tinau e kainnanoa te bwai ae maraurau bwa e na katorobubua iaona n tataro. Te aine ae e a bon kara, ma ana onimaki ae e aki tiotio e kairia bwa e na katorobubua n tataro ni katoabong. E tataro ibukiia natina ao tibuna. E tataro ibukiia raraona. E tataro ibukiia naake a rang kainnano. Ao e tataro ibukiia naake e tangiriia n tainako, riki naake bon rorona, are e teimatoa n tabeakiniia.

N te bong aei, I aki manga ngurengure ibon irou ngkana I noora te uninga iaon te timanti. N tabetai, I bon katorobubua iaon te tabo ae maraurau n tataro nakon Tamau are i Karawa, ni kaota au kakaitau ibukin ana onimaki tinau ao ana banna ni katoto.