Stap Harem Voes blong Hem Antap long Noes

Plante yia i pas, ol efot blong yumi blong ridim Buk blong Momon stat long stat kasem en, i bin wan eksperiens we yumi evriwan i andastanem. Blong ridim stat ia blong plante taem, i letem yumi blong lanem moa abaot Nifae mo famli blong hem. Long japta 8 long buk blong Nifae, yumi faenem aot ol defren fasin blong wanwan memba blong famli. Wan mama mo papa we fasin blong tufala i stret moa gud oli tokbaot olsem ol gudfala mama mo papa,¹ wetem ol pikinini blong tufala we oli stap fesem ol jalenj long yangfala taem blong olgeta. Yumi luk olsem wanem ol joes blong ol pikinini oli defren, iven taem oli fesem ol semfala eksperiens.

Stori ia i moa long wan stori o wan pat blong wan jenol we wan pikinini boe i raetem abaot mama mo papa mo ol brata mo sista blong hem. Lihae, afta Nifae, tufala tugeta i ol profet. Save mo lav blong yumi long ol samting long saed blong spirit i kam antap, taem yumi kasem witnes blong Tabu Spirit, we i testifae long trutok, mo olsem wanem i kambak long yumi long tedei. Hem i moa long wan stori wetem ol man blong stori we oli mekem yumi biliv long hem. Yumi save filim mo harem voes blong God tru long ol toktok blong ol profet blong bifo.

Fet blong Nifae, blong go mo mekem ol samting we Lod i bin talem², i mekem yumi kam strong moa blong developem tras mo fet blong yumi long Lod Jisas Kraes. Long drim blong Lihae, Lihae i luk hemwan long fored blong tri blong laef. Frut ia we i karem, i ripresentem tu lav blong God.³ Afta we hem i kakae long frut ia, Lihae i tokbaot se, hem i fulumap sol blong hem wetem bigfala glad mo hem i save se i bin gud bitim tes blong evri samting⁴. Samtaem laef blong yumi bae i fasfas o bae yumi no glad. Tru long gospel blong Jisas Kraes we i kambak, i gat hop i stap. Elda David A. Bednar i talem, “Blong tekem mo kakae frut blong tri ia, i ripresentem blong kasem ol odinens mo ol kavenan, we tru long olgeta, Atonmen bae i save wok fulwan insaed long laef blong yumi. Frut ia oli tokbaot olsem “i gud bitim tes blong evri samting we mekem wan i stap glad” mo i givim bigfala glad mo blong wantem serem glad ia wetem ol narawan.”⁵

Drim ia i fulap long ol saen mo i helpem yumi blong komperem stori ia wetem laef blong yumi. Olgeta we oli wokbaot long rod ia, oli gat help blong aean rel, we hem i ripresentem toktok blong God⁶. Blong stap sef hem i no blong jes stap kolosap long aean rel, be hem i blong holem taet aean rel ia, we i givim strong sapot mo blong yu no muvmuv. Famli blong Lihae i ripresentem evri pikinini blong God we oli travel long rod long wol ia. Sapos yumi ol yangfala o olfala, i mared o i singgel, blong stap tru long tok blong God i provaedem yumi sefti mo wan save se evri samting bae i gud, iven sapos i gat wan jalenj i stap long rod long fored blong yumi.

Mi sua se yumi save gud stori blong drim blong Lihae. Taem yumi stap prea mo stadi olgeta skripja, Tabu Spirit i save givim long yumi andastaning long tingting blong yumiwan. Afta we hem i eksperiensem lav blong God, kwik taem nomo Lihae i go blong faenem famli blong hem mo invaetem olgeta blong glad long eksperiens blong hem olgetawan.⁷ Gudlaef blong famli blong yumi we i no save finis i sud kam wan nambawan praeoriti blong yumi. Oli no save wea oli sud go, Lihae i singaotem olgeta long wan bigfala voes blong hem i gaedem olgeta.⁸ Singaot strong ia i no semmak wetem singaot blong wan papa o iven blong wan profet. Be, voes blong Lihae i nidim blong oli harem antap long olgeta we oli stap long bigfala mo spes bilding, we oli stap givim aot ol rong mesej blong temtesen. Taem yumi folem daereksen blong ol lata-dei profet, ol hom blong yumi oli kam senta blong stap lan long gospel mo paoa blong enemi bae i kam daon.⁹

Tedei, Presiden Russell M. Nelson i karem sem laod voes ia. Olsem Lihae, hem i talem strong long yumi wetem wan filing blong wan mama mo papa¹⁰ blong lisin long voes blong Lod.¹¹ Presiden Nelson i talem, “Doktrin blong Kraes i helpem yumi faenem mo stap long kavenan rod ia.” Blong stap long smol mo stret rod bae i mekem yumi kwalifae blong kasem evri samting we God i gat. I nogat samting we i gat valiu moa long evri samting we Papa blong yumi i gat!”¹²

Taem yumi stap rere from Jeneral Konfrens blong nekis manis, ol voes blong ol profet blong yumi bae oli toktok moa strong mo klia. Ol voes blong olgeta bae oli no mesarem folem hamas oli toktok strong, so yumi mas blokem ol samting blong wol we i stap pulumaot tingting blong yumi blong yumi save givim wei long Tabu Spirit blong i oltaem gaedem, daerektem mo kamfotem yumi.¹³ Fas Presidensi, ol Kworom blong Olgeta Twelef Aposol, Ol Jeneral Atoriti mo Ol Jeneral Ofisa blong Jos, bae oli singaotem yumi olsem ol famli mo wanwan man mo woman, blong kam mo kakae long ol toktok Kraes.¹⁴ Toktok, glad mo prijim abaot Kraes,¹⁵ bae i helpem yumi eksperiensem bigfala glad¹⁶ we i kam from mo from Hem. Hem i stamba blong evri glad.¹⁷