?Hemia I Ples We Mi Wantem Stap long Hem?

Taem mi gat 17 yia, sam long memba famli mo mi i mas draev long Oklan, Kalifonia i go long Potlan, Oregon blong faenem mo sevem wan trak we oli stilim . . . mo wan bebi nis we i lus. Trip ia i fraet mo i fulap long wari, be mifala i gat hop mo stap prea.

Tru long sam sore blong wan Papa long Heven we yumi lavem, mifala i save sevem tugeta bas ia mo bebi nis blong mi, we, hem i wan merikel, i stap sef mo saon.

Bas ia i wok gud nomo, be i wan toti wan. Mi glad tumas blong klinim, mo rere blong mifala i draev i gobak, be ol tingting ia long olgeta we oli no yusum gud trak blong mifala—mo kaen laef blong olgeta we i no stret—i mekem mi krae bigwan. I had blong mi andastanem olsem wanem wan i save mekem ol kaen krangke samting wetem laef blong olgeta mo wetem ol samting blong ol narafala man. I mekem mi harem nogud.

Mi no save wet blong gobak long Kalifonia. Mi save se mifala i gat wan longfala draev long fored blong mifala.

Be long taem we mifala i rere blong draev ia i bin let mo i tudak. Taem mifala i gobak long rod maen blong mi i fulap long trip blong mifala finis. Mi tingting long evri wei we Papa long Heven i bin helpem mifala. Mi tingbaot ol krae blong mifala long Hem long rod blong mifala i go long Potlan mo ol fasin blong talem tangkyu long rod blong mifala i gobak.

Taem mi stap tingting bak i go long ol samting ia, mi luk wan braet laet, we i stanap antap long ol tri we tudak i kavremap, smol long friwei we mi stap long hem. Hat blong mi i stat blong fulap wetem glad taem mi stap tingting abaot wanem laet ia i minim. Afta sam minit, taem mifala i stap kam kolosap,mi save luk se i nomo gat wei be i mas Potlan, Oregon Tempol!

Mi glad tumas mo mi talem long famli blong mi se mifala i stap kamaot long friwei—blong faenem tempol. !Mi mas luk tempol ia! Spirit blong mi i wantem tumas blong stanap long ol tempol graon, blong tekem ol naes ia blong hem mo blong serem eksperiens ia wetem famli blong mi.

Taem mi stap go tru long ol tri ia, mi save luk laet iven i olsem se hem i en blong wan longfala tanel blong tudak. Hat blong mi i fulap wetem glad mo hop.

Mifala i stap kam kolosap long tempol, mifala i luk save wan cul-de-sac long fored blong get blong tempol, long ples we wan sekol blong ol trak oli pak long hem. Mi glad tumas mo stap lukaotem wan wei blong draev i go insaed long tempol ol graon.

Be sek nomo, hat blong mi i brok taem mi luk save se ol get blong tempol i no klos nomo . . . be i lok.

Hariap nomo mi faenem wan ples blong pakem trak wetem ol narafala trak, mo long nekis minit, mi stap stanap long aean get—stap holem aean ia mo stap krae-taem mi luk naesfala tabu haos.

Tingting ia blong oli lokem aotsaed blong get blong Heven i kam wan ril samting long mi long taem ia.

Ol kwestin i fulumap maen blong mi taem mi stap stanap long ples ia long naet ia:

• ?Hemia i ples we mi wantem stap long hem taem mi go long heven?

• ?Mi mi wantem se bae oli lokem mi aotsaed?

• ?Stap krae from mi no save go insaed?

• ?Bae wan man i luk mi stap krae mo harem nogud kasem we bae i letem mi go insaed?

• ?Bae mi mekem wanem blong meksua se hemia i no hapen long mi long get long heven?

Mi krae kasem taem we mifala i save gobak bakegen long rod, mo afta mi jes krae moa ia nao.

Wanem i hapen long naet ia i bigwan tumas. Taem mi stap gohed blong draev, mi tingting i gobak bakegen mo bakegen long filing blong stap harem nogud long naet ia. I mekem tingting blong mi blong mekem gud i kam strong—blong kam gud—blong givim hat blong mi long Hem mo wok had blong folem eksampol blong Sevya blong mi Jisas Kraes.

Mi stat blong singsing taem mi stap draev i go. Taem mi singsing, hat blong i stat blong fulap wetem pis mo kamfot. Mi save se eksperiens blong mi i givim mi wan niu singsing . . . wan singsing we mi flatem gud long draev ia. Wan singsing we bae i leftemap mo givim insperesen. Wan singsing abaot wan tempol. Singsing blong tempol blong mi.

Singsing ia hem i hemia: