Juon Kūrijm̧ōj eo n̄an Kaurōke

Aolep iiō baam̧le ko an ļeo pāleeō im baam̧le ko aō rej etal ilo juon tūreep in camp n̄an kam̧ōņōņik holiday season in ilo jem̧lo̧kin juon iiō. Jej kālet juon jikin me emaron̄ ļap n̄an jon̄an oramim innem camp jān Jotenin Kūrijm̧ōj n̄an ālikin wōt Raan eo Jinountata in Juon Iiō Ekāāl.

Iien camp kein rej juon iien em̧m̧an n̄an kōkajoorļo̧k jemjerā eo an baam̧le ko am. Kōnke eiten aolepemim rej membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata, iien camp kein rebarāinwōt jipan̄ kōkajoorļo̧k naan in kam̧ool eo am kōn Jisōs Kraist im kabun̄ eo An ilo ad keememe ļotak eo An.

Ilo jem̧ļo̧kin iiō 2020 eo, kōm kar loe juon jikin ilo Bikenibeu Village, Tarawa, eo ewōr juon mwaneaba (juon m̧ōn kweilo̧k em̧ aj) eo me aolepān baam̧le eo am emaron̄ kiki ie. Āinwōt aolep iien, sister-in-law eo aō, Meteta, ekar kobatok ilo aolep m̧akūtkūt ko an camp eo.

Meteta ej jokwe ippa im ļeo ippa im, ilo 71 iiō dettan, eļapļo̧k an kar āinwōt juon jinem. Ekar ājimourur im emourur wōt, ijoke ej etetal kōn jokon itok wōt jān kar juon surgery (m̧wijm̧wij) ekar kōm̧m̧an ippān 20 iiō ko m̧oktaļo̧k. Meteta elukun iakwe tūreep in Kūrijm̧ōj camp ko im ekar itok limo in ilo bōk koņaan ilo ikkure ko im m̧akūtkūt ko an baam̧le eo am.

Ilo Tijem̧ba 31 raan eo, jejjo awa m̧okta jān kar am kōm̧m̧ane celebration eo an New Year, Meteta ekar lukkuun kijooror. Ekar m̧ōkaj an tutu, kōm̧m̧an an nuknuk innām jijet laļļo̧k ilo mwaneaba eo (juon m̧ōn kweiļo̧k em̧ aj), kar pojak n̄an lem̧ōņōņō ilo bon̄ōn eo. Aolep rekar barāinwōt ekairir, bar kappojak.

Innem, lukwōn wōt aolep kōpopo ko, Meteta ekar jidik wōt an ba n̄an n̄a, “ebwil im metak tok ubō.” Ikar joļo̧k aolepān men ko ikar kōm̧m̧ani, kūrtok ļeo pāleeō im bar juon aō sister-in-law, im ejjab to elōn̄ uaamim rekar kajjieon̄ jipan̄ e.

Aolepmen im kar jidimkij. Emaron̄ jon̄oul ļalem minit ko tokālik, Meteta ej kapok kūtwōn. Ļeo pāleeō im ļaddik eo nejū kar leļo̧k juon kōjeraam̧m̧an an Priesthood ilo amim kar kōttar ambulance eo. Būrom̧ōj, taktō ro rekar jab maron̄ kōm̧m̧an eļap n̄an jipan̄ e. Ejjab to ālikin amim kar tōprakļo̧k ilo hospital, Meteta ekar jako.

Joteenen eo, laļ in ekar bōjrak n̄an kōm. Ilo amim kar jidik jidik etal n̄an jikin camp eo—n̄an kwaļo̧k ennaan kāāl eo ekabūrom̧ōjm̧ōj im kōjjeļļāik aolep bwe jej aikuj kabōjrak camp eo—n̄a im ļeo pāleeō kar ļōmņak likļo̧k kōn awa ko an Meteta āliktata. Taktō ro rekar kōm̧m̧ane ijo koņaer remaron̄ n̄an kōmour e, im ro ipeļaakim rekar kajjieon̄ letok n̄an kōm kōjatdikdik, bōtaab kōm kar en̄jake juon en̄jake in aenōm̧m̧an me ekar ba n̄an kōm ke ekar iien n̄an an Meteta em̧m̧akūt.

Tōmak eo am ilo Jisōs Kraist im naan in kam̧ool eo am kōn gospel eo An rekar barāinwōt jipan̄ ro ilo baam̧le eo am ļōmņak kōn ta eo ekar waļo̧k. Ej kab m̧ōj amim jo̧ļo̧k juon wiik ilo kam̧ōņōņō ko an mour in im jetōb jim̧ōr, bōtaab ilo an holiday camp eo amim oktak n̄an juon iien ilomej, kōm kar lukkuun pinejļo̧k laļ in.

Kōm kar jan̄ kōn jako eo an eo Meteta eo ejitōnbōro ippem—ekar juon jipan̄ eo eļap ilo m̧weo imem, im kōm naaj aikuj jino kaminene ilo elōn̄ oktak ko ilo an jako—ak ālikin wōt jako eo an, kōm kar ekōnono kōn unin mour ko ad.

Kōm ekar mijeļo̧k Rilo̧mo̧o̧r im menin letok eo kwojarjar An mour ijo eutiejtata. Kōmij kwaļo̧k kam̧oolol em̧wilaļ kōn pinmuur in en̄taan eo An im An anjo̧ jān mej. Ekar juon iien kōkāāl ilo jetōb n̄an aolepemim. Ilo ad jerbal ippān doon n̄an karōk im kōpooj kajjem̧ļo̧k eo an Meteta ilo laļ in, ļōmņak ko am rekar pedped ioon Karōk im Lo̧mo̧o̧r eo an Jemedwōj Ilan̄, im ilo Eo Nejin, eo ekar kōm̧m̧an bwe jen maron̄ bar koba ippān Meteta bar juon alen, juon raan.

Camp ko an holiday an baam̧le eo am rej iien ko rellap im aolep iien rej eļļaaj, obrak kōn kōjan̄jan̄ im tuuj, ikkure kōn taļōn ko, ettōn̄, im limo, bōtaab ilo Kūrijm̧ōj jab in, m̧ōņōņō eo am ilo iien kam̧ōņōņō ko in eļap ekar penjakļo̧k ilo meram in lan̄lōn̄ em̧ool,—lan̄lōn̄ eo me ej ad Rilo̧mo̧o̧r Jisōs Kraist ekar boktok ke E ekar ļotak tok ilo laļ in n̄an letok n̄an kōj mour.

Jeļā eo ad kōn gospel eo An ej ta eo ekar boktok aenem̧m̧an n̄an baam̧le eo am ālikin jako eo an Meteta. Ekar jipan̄ kakeememej kōm keememej lukkuun meļeļein Kūrijm̧ōj.