Elder Nattress ej Ekōnono n̄an Elōn̄ļo̧k jān Taujin Jodikdik ro ilo American Samoa

Elōn̄ļo̧k jān juon taujin jodikdik ro raar kobrak Pago Pago Central Stake Center eo n̄an jon̄an eo emaron̄ deļo̧n̄e ilo joteen in Jabōt eo, 7 Nobōm̧ba, n̄an ron̄jake ritōl eo an Kabun̄ in ej loļo̧k, Elder K. Brett Nattress.

Elder Nettress ej Rikakpilōklōk eo Kein Kajuon ilo Būreejtōnji eo an Eria Pacific an Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Elder Faapito Auapa’au, Eria Jiljilimjuonn̄oul eo, ekar barāinwōt ekōnono ilo nokon eo an jodikdik ro.

Jodikdik ro raar itok jān jarlepju ko ilo aolepān āne eo ilo ļalem stake ko ilo American Samoa.

Elder Nattress ekar ba, “Būreejtōn Nelson ekar letok kapilōk in kanaan eo n̄an laļ in ilo iien kein eļap aen̄wen̄we. Ej aikuj in wōr ad tōmak ilo Jisōs Kraist. Im, jej aikuj aolep iien keememej paotok eo ad āinwōt ļaddik ro im leddik ro nejin Anij, im jibadbad eo ad ekwojarjar kar kappeik kōj kake.”

Ekar wōnm̧aanļo̧k wōt: “Jodikdik ro ilo nokon eo kar leļo̧k kwaļo̧k kōļmenļo̧kjeņ ko reim̧we. Er rej ilju im jekļaj eo an Kabun̄ in. Ekar juon kōjeraam̧m̧an n̄an kapilōk ippān im n̄an ekkatak jān er. Tōmak eo aer ilo Jisōs Kraist ekajoor im ilju im jekļaj eo aer eromaak.”

Juon iaan ritōl ro ekar pād ilo iien eo ekar ba, “Raar lukkuun in kapo būruōn jodikdik rein eļapļo̧k jān juon awa im jimettan, katakin er pedped ko an gospel eo kōn katak ko an Būreejtōn eo an Kabun̄ in Būreejtōn Russell M. Nelson im ro uwaan Doulul eo an Jon̄oul ruo Rijilōk ro.”

Juon likao jān Malaeimi Ward eo ekar ba bwe ekar ekkatak bwe “iaļ eo n̄an aelōn̄ in kiin̄ eo an Anij ej kōn Tampeļ eo Ekwojarjar.”

Juon jiron̄ jān Pago Pago West Stake eo ekar ba, “Jān jar im en̄jake jetōb eo an Irooj, maron̄ un̄ur eō n̄an jeļā bwe Jisōs ej aolep iien pād ijo n̄an eō.”

Ekar juon būrookraam̧ eo ekanooj ļap an kakuktok doon, ke Elder Nattress ekar etetal ilo hall eo n̄an ron̄ uwaak ko jān jodikdik ro ke kear kajjitōk ippāer kajjitōk ko kōn ekōjkan aer likūt Rilo̧mo̧o̧r eo ilo ioļapļap in mour ko aer.