“Kappukot Tōl eo an Jetōb,” Liaona, Jeptōm̧ba 2022.
N̄an Jinen im Jemān Ajri ro
Kappukot Tōl eo an Jetōb
Iakwe Jinen im Jemān Ajri ro Rejitōnbōro,
Ilo ennaan eo an māākjiin in, jilu Ritōl ro Routiej rej kwaļo̧k katak ko im en̄jake ko an juon make im baam̧le ilo wāween kappukot, loe, im ļoor tōl an jetōb.
Ekkōnono ko kōn Gospel in
Pedped ioon Naan in Kam̧ool ko Ad
Ilo peij 4, Elder Ronald A. Rasband ej kwaļo̧k juon bwebwenato jān bwebwenato in baam̧le eo an n̄an kwaļo̧k katak eo ke ad Rilo̧mo̧o̧r eban eļļo̧k jān kōj. Riiti ennaan in im kōnono kake wāween an Armej ro Rekwojarjar m̧okta kar pedped wōt ioon naan in kam̧ool ko aer kōn Jisōs Kraist im karōk in lo̧mo̧or eo an Jemedwōj Ilan̄.
Ko̧o̧njeļ ippān Irooj
Ilo peij 30, Elder Patricio M. Giuffra ej kōmeļeļeik elmen an, ke ekar juon jodikdik kar oktaktok n̄an Kabun̄ in, kar kālet n̄an etal im mijen im wōnm̧aanļo̧k im pukot jeļāļo̧kjeņ ilo college. Innām ekar kwaļo̧k uwaak eo an kōn kajjitōk in, ta eo kwoj kōm̧m̧ane n̄e revelesōn an juon make ej itok me ejelet bōklōkōt in ļōmņak ko ?
Bōk Tōl jān Jetōb eo
Elmen ad bōk kōjeraam̧m̧an ko jān mennin letok eo an Jetōb Kwojarjar ilo mour ko ad? Elder José A. Teixeira ej kōmeļeļeik unin kōnono in ilo peij 40. Riiti ennaan in im kōnono kake elmen bōk eļap tōl jān Jetōb.
Itok, Ļoor Eō Limo an Baam̧le
Lale Iaļ in
-
Likūt juon pija in Rilo̧mo̧o̧r ilo juon jikin ilo juon ruum̧ eo ekilep.
-
Pād ijo iturājet in ruum̧ eo. Leļo̧k iien an ro uwaan baam̧le eo pinej mejāer, kōro̧o̧lool er ilo doulul eo, innām lale n̄e remaron̄ jibadōkļo̧k pijain Jisōs Kraist ilo ejjeļo̧k jipan̄.
-
Lale Jabōn Kōnnaan Ko 4:26–27.
Ekōnono: Ta menin jipan̄ ko ewōr ippād kar litok ilo mour in n̄an dāpij kōj ilo iaļ in me ej tōlļo̧k n̄an Jisōs Kraist? N̄an eļapļo̧k ekōnono, riiti Jabōn Kōnnaan Ko 3:5–6. Ta jerbal ko jej aikuj kōm̧m̧ani n̄an bōk lōke ilo Irooj kōn aolepen buruwōd?