“Loļo̧k eo an Elder Ezra Taft Benson n̄an Armej ro Rekwojarjar ilo Poland,” Liaona, Jept. 2022.
Bwebwenato ko jān Armej ro Rekwojarjar, Volume 3
Loļo̧k eo an Elder Ezra Taft Benson n̄an Armej ro Rekwojarjar ilo Poland
Kar ijjitōn̄ jān Būreejtōnji eo kein Kajuon, Elder Benson jān Doulul eo an Jon̄oul Ruo Rijilōk ro eo ej eddoik menin jipan̄ ko an Kabun̄ in ilo Europe ālkin Pata eo an Laļ in Kein II. Ilo allōn̄ ko 11 ilo an pād ijo, ekar ito-itak enan̄in 60,000 m̧ail (96,000 km). Itulikin kar jorrāān ko itok jān tariņae ko ilo Warsaw, Poland.
Pija eo letok jān Church History Library, Salt Lake City
Ilo juon Jabōt eaibojooj ilo jōm̧ar in 1946, Ezra Taft Benson im ruo iaan ro m̧ōttan rekar ettōr itōrerein iaļ eo ilo Zelwagi, Poland. Iaļ ko rekar nana ālkin wōt ko reļļap im kōm̧m̧an bwe en pen ito-itak aolep raan eo, ak mejatoto eo an raan eo ekar em̧m̧an ke em̧m̧aan rein rekar epaakeļo̧k jikin eo.
Zełwągi ekar juon jikin m̧ōttan Germany im kar etan jinoin ej Selbongen. Jikin ko aer rekar oktak ālkin pata eo, ijoke, enan̄in central im eastern Europe rekar pād ium̧win pein Soviet Union. Ilo 1929, Selbongen Branch ekar kallōk im̧ōn jar eo jinointata an Armej ro Rekwojarjar ilo Germany. Ak ālkin jiljino iiō in tariņae, Armej ro Rekwojarjar ilo jikin eo rekar lukkuun en̄taan aer mour.1
Ilo m̧ool Elder Benson ekar pād ilo Poland im ekar juon kabwilōn̄lōn̄. Ilo an ejjeļo̧k taļboon ej jerbal ilo Poland, e im ro m̧ōttan ekar pen aer tōpar rijerbal ro remaron̄ jipan̄ er n̄an kōm̧m̧ani peba ko n̄an deļo̧n̄e laļ eo. Ālkin elōn̄ jar im kajjieon̄ n̄an ioon ritōl ro an kien eo an Poland, rijilōk eo ekar maron̄ bōk visa ko rekkar.2
Ke wa eo ej epaakeļo̧k im̧ōnjar eo em̧ōr ilo Zełwągi, elōn̄ iaan armej ro ilo iaļ ko rekar aiindoon im em̧ooj. Elder Benson im ro m̧ōttan rekar kōbōjrak wa eo im̧aanin m̧ōnjar eo im rekar to. Rekar kwaļo̧k kadkadier make n̄an kōrā eo ijo im kar kajjitōk n̄e rekar lo m̧ōnjar eo an Armej ro Rekwojarjar ilo Raan Ko Āliktata. Mejān kōrā in ekar obrak kōn dānnin kōmejaļaaļ. Ekar ļam̧ōj ilo kajin Jepne, “Em̧m̧aan ro m̧ōttad rein!.”
Em̧ōkaj an armej ro jādetok jen ijo rekar em̧ooj ie, lam̧ōj im ettōn̄ kōn lan̄lōn̄. Armej ro Rekwojarjar ilo Zełwągi rekar jab tōpar ritōl ro an Kabun̄ in ium̧win jilu iiō, im jibbon̄ eo elōn̄ iaer rekar jitlo̧k im jar bwe en itok mijinede ak ritōl an Kabun̄ in. Ilowaan jejjo̧ awa ko, emaron̄ jibukwi Armej ro Rekwojarjar rekar aiintok do̧o̧n n̄an ron̄jake an rijilōk eo kōnono.
Ke Elder Benson ekar kōnono n̄an Armej ro Rekwojarjar, ruo ritariņae in Polish rekar deļo̧n̄tok ilo m̧ōnjar eo. Jarlepju eo rekar mijak, ak rijilōk eo ekar ba ritariņae ro ren jijet itum̧aan ilo ruum̧ eo. Ilo kōnono eo an, ekar kwaļo̧k aorōk eo an aeņōm̧m̧an im anemkwoj. Ritaritņae ro rekar lukkuun ron̄jake, rekar jijet wōt n̄an al in kōjem̧ļo̧k eo, im kar ilo̧k ilo ejjeļo̧k kakkure. Ālkin wōt, Elder Benson ekar ioon branch būreejtōn eo im kar illik m̧ōn̄ā im jāān n̄an Armej ro Rekwojarjar, ilo an ba n̄an er ke ej lōn̄ wōt menin jipan̄ ko rej itok wōt.3
Jidk iien tokālik, Elder Benson ekar jejeļo̧k n̄an Būreejtōnji eo Kein Kajuon. Kar kapilōk e n̄an lale menin jipan̄ an Kabun̄ in n̄an aer tōpar ro Rekwojarjar ilo Europe ak ekar inepata kōn apan̄ ko ro Armej ro Rekwojarjar rekar iooni wōt.
“Bōlen elōn̄ kōjeraam̧m̧an ko reļļap an menin jipan̄ jān būrookram̧ ko an Kabun̄ in n̄an rein im Armej ro Rekwojarjar im ro jet ilo Europe eban jeļā kake” eaar je, “ak elōn̄ mour raar jab jako, tōmak im peran eo an elōn̄ iaan membōr ro ad retiljek ekar kajoor.”4
Membōr ro an Kabun̄ in ilo Selbongen, Jepne (kar ukōt etan Zełwągi, Poland, ālkin pata eo), aiindoon nam̧ōjin m̧ōnjar eo aer ilo 1930.