Juon Jon̄ak n̄an Bōbrae Jen Am̧ Ped wōt Juon Jikin

Ilo ad kajjieon̄ mour kōn gospel in āinwōt juon rūtto eo ejjeļo̧k pāleen, epen n̄an jab mije jet eria ilo mour ko ad me jej kōtmene roktak. Jet iien jej en̄jake epen ad wōnm̧aanļo̧k. N̄an n̄a, en̄jake aō pād wōt juon jikin ilo jet eria emaron̄ em̧m̧an ak nana, im remaron̄ jipan̄ eō jet raan, allōn̄, im jidik jidik emaron̄ iiō. Iien otemjej elōn̄ unin aō m̧ōņōņō im en̄jake men ko em̧m̧an kōn mour in, ak ilo juon tōre, en̄jake in āinwōt n̄e ij pād wōt juon jikin eaar lukkuun jelet n̄a.

Ilo iien eo, ļaddik eo man̄da ekar kajjitōk bwe in pād jidik ippān. Eaar kile ke ewōr juon kōttōbar ilo mour eo an im eaar kajjitōk kapilōk. Iaar jab en̄jake ke ikkar ilo iien eo n̄an leļo̧k eļap māletlet, ak iaar ron̄jake. Iaar jeļā imaron̄ kar “kūr n̄an” Anij kōn jipan̄ (lale Alma 34:17–27) im kar jar n̄an maron̄ ba men ko ewōr tokjeer n̄an e. N̄an uwaak, iaar keememej Luk 2:52: “Im Jisōs ej ļapļo̧k ilo An mālōtlōt im rūtto, im ilo jouj ippān armej im Anij.”

Ke iaar kajjieon̄ mije aikuj eo an ļaddik eo man̄da ijeļo̧kin eo aō make, juon men ekar jino oktak ilo n̄a. Kom̧ro ar ļaddik eo man̄da kōnono kōn an Kraist kar rūttoļo̧k ilo jetōb, ilo kapijuknen, ilo ānbwin, im ilo māletlet im bar kōj jej maron̄. Men̄e aikuj ko an eo man̄da eoktak jān n̄a, eria kein emen kōn eddōkļo̧k rekar jejjet n̄an kom̧ro jim̧or. Ilo aō kōnono kōn eoon in, iaar kile ke eaar uwaake kajjitōk ko aō make n̄an wāween jab pād wot ijo ij pād ie.

Ke iaar kajjieon̄ rūttotak āinwōt an kar Rilo̧mo̧o̧r kar rūttoļo̧k, jibadbad eo aō ekar oktak, im bwe oktak in ebōktok elōn̄ļo̧k kōjeraam̧m̧an ko. Āinwōt an Būreejtōn Russell M. Nelson kar ba, “Mōn̄ōņō eo jej en̄jake edik jetņakin ilo wāween mour ko ad im aolep men otemjej jej kōm̧m̧ani kōn mije mour ko ad.”¹ Kijejeto ko aō n̄an eddōkļo̧k eļapļo̧k āinwōt Jisōs Kraist rekar jipan̄ joļo̧k jekjek ko me ij jelm̧ae im dāpij aō mije eria ko ij aikuij jerbali. Iaar maron̄ etal aipādpād itulowan n̄an jerbale ilo tunam̧ōj.

Iaar maron̄ ļōmņake elmen aō maron̄ eddōkļo̧k ilo kajjojo eria kar kwaļo̧ke ilo Luk 2:52, jān emakijkij aō etal n̄an tampeļ n̄an iakwoj bajkōl

Pija

Memphis Tennessee Tampeļ

Pija in Memphis Tennessee Tampeļ jān James Whitney Young

Ilo kajjojo eria in kōttōbar ko aō, iaar kōm̧m̧an ekkatak ko:

1. Ilo aō jerbale kōttōpar eo aō, emakijkij aō en̄jake an Kraist kōkajoor eō ilo jetōb, ilo jukjukin pād, ilo ānbwin, im ilo māletlet ilo aolep kōttōbar kajjojo.

2. Ijoke, n̄e aolepān, aolep kōttōbar rekar jab kōm̧m̧an ilo jenoļo̧k jān eria ko jet kōn eddōkļo̧k—rekar jejjet im kar ekkaļ ippān do̧o̧n. Wōnm̧aanļo̧k ilo juon eria ej tōl n̄an em̧m̧anļo̧k ilo aolep eria ko jet. Kowaan jabdewōt eria ejelet aolep eria ko jet. Iaar kile ke kajjojo eria rej aikuij kajjojo jerbal ko.

3. Enan̄in aolep kōttōbar ekoba armej ro jet—ilo ad ekkatak jān do̧o̧n ak kwaļo̧k ļōmņak ko im en̄jake ko n̄an do̧o̧n—im kam̧wūlaļ ļo̧k jemdo̧o̧n ko ad.

Iaar etal wōt im bōk iien em̧m̧an n̄an loe im kar im̧we eddōkļo̧k eo aō ilo ro jet, im ij kōjatdikdik imaron̄ kōm̧m̧an ejja in wōt n̄an er. Jet iien remootļo̧k iaar kōnono ippān juon m̧ōtta eo ejjeļo̧k pāleen eo ekar en̄jake an jab wōnm̧aanļo̧k jān ijo epād ie im inepata kōn jet jekjek ko an mour in. Iaar ron̄jake n̄an meļeļe, innām ikar maron̄ kwaļo̧k en̄jake ko me rekar jipan̄ eō im bar kalikkar kajjojo eria ko n̄an eddōkļo̧k likļo̧k n̄an Rilo̧mo̧o̧r.

Ilo an jab aolep eria ko an mour eo aō kar kōm̧m̧an bwe in en̄jake bōjrak ilo iiō ko ļo̧k kar jab oktak, ikar oktak ke iaar mije eļapļo̧k n̄an Rilo̧mo̧o̧r im kajjieon̄ in eddōkļo̧k āinwōt E. Āinwōt an Būreejtōn Nelson kar kwaļo̧k, “Elōn̄ men ko jemaron̄ kōjparoki. Jej make kōm̧m̧ani kālet ko ad raorōktata im ņa mejļan wāween ad kōjebal kajoor , iien, im kōjeraam̧m̧an ko ad. … Jej kālet ro im jenaaj oktakļo̧k n̄an er kōn m̧ool im tōl.”² Jekdo̧o̧n jekjek rot ko ad, eria ko n̄an eddōkļo̧k ilo Luk 2:52 emaron̄ jipan̄ kōj ukōt mije eo ad im lo eļapļo̧k lan̄lōn̄ im wōnm̧aanļo̧k ilo Jemedwōj Ilan̄ im Rilo̧mo̧o̧r eo.