“ʻOku ʻUhinga ki he Hā ʻa e pehē Kuo Ui ʻe he ʻEikí?,” Liahona, Māʻasi 2023.
Haʻu, ʻo Muimui ʻIate Au
Ko e ʻUhinga ki he Hā ʻa e pehē Kuo Ui ʻe he ʻEikí?
ʻI he Mātiu 10, ʻoku fakanofo ai ʻe he Fakamoʻuí ʻEne Kau ʻAposetolo ʻe toko honofulu mā uá, ʻo ʻoange kiate kinautolu ʻa e mālohi, mafai, mo e ʻilo ke kamata malangaʻi ʻEne ongoongoleleí mo fokotuʻu Hono Siasí. ʻOkú Ne toe talaʻofa ange foki ʻa e mālohi ke fai fakamoʻui, kapusi ʻa e ngaahi laumālié, mo lea ʻi he mafai (vakai, veesi 1, 20). ʻI hoʻo lau ʻi he Mātiu Mātiu 10 ki he teuteu ʻe he ʻEikí ʻa e Kau ʻAposetoló ki honau ngaahi fatongiá, fakakaukau ki he founga kuo teuteuʻi ai koe ʻe he ʻEikí ki hoʻo ngāue ʻi he Siasí.
Faleʻi mei he ʻEikí
Naʻe ʻoange foki ʻe he ʻEikí ki he Kau ʻAposetoló ha ngaahi fakahinohino mahuʻinga ʻe tokoni mo poupouʻi kinautolu ʻi heʻenau ngāué. ʻE lava foki ke fakaʻaongaʻi e konga lahi ʻo e faleʻi ko ʻení kiate kitautolu ʻi heʻetau ngāué. ʻI hoʻo lau ko ē ʻa e ngaahi veesi ko ʻení ʻi he Mātiu 10, fakatokangaʻi ange ʻa e ngaahi fakahinohino mo e ngaahi fakaafe naʻe fai ange ʻe he ʻEikí kiate kinautolú.
-
Veesi 8:
____________________
-
Veesi 19:
____________________
-
Veesi 29–31:
____________________
-
Veesi 39:
____________________
ʻI he taimi ʻoku ui ai koe ke ke ngāue ʻi he Siasí, ʻe tokoniʻi koe ʻe he ʻEikí ke ke fai ʻEne ngāué. Te Ne tāpuakiʻi koe ʻaki ha ngaahi aʻusia, ngaahi fakahinohino, mo ha fakahā. ʻE vaheʻi koe pea te ke maʻu ʻa e mafai mei he ʻOtuá ke fakahoko ho uiuiʻí.
Te ke lava ʻo ako lahi ange ki he ngaahi fatongia ʻo ho uiuiʻí ʻi he Tohi Tuʻutuʻuni Fakakātoá ʻi he ChurchofJesusChrist.org.