“ʻE Fakamālohia Fēfē Nai Au ʻe Kalaisi ke u Fai ha Ngaahi Meʻa Fakaofo?,” Liahona, Māʻasi 2023.
Haʻu, ʻo Muimui ʻIate Au
ʻE Fakamālohia Fēfē Nai Au ʻe Kalaisi ke u Fai ha Ngaahi Meʻa Fakaofo?
ʻI he kotoa ʻo ʻetau moʻuí, ko ʻetau fakaʻau ʻo ofi ange kia Kalaisí mo feinga ke fanongo ki he leʻo ʻo e Laumālié, ʻe ala kole mai ke tau fai ha ngaahi meʻa ʻoku tau ongoʻi taʻepauʻia ai. Hangē ko e ʻeveʻeva ʻa Pita ʻi he fukahi tahí, ʻe lava ʻo fakamālohia kitautolu ke tau fai ʻa e meʻa ʻoku ongo taʻemalavá, kehe pē ke tau tokanga taha kia Kalaisi pea hangē ko ia naʻe akoʻi ʻe ʻEletā Kuenitoni L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá, “moʻui ʻi he tui kae ʻikai ʻi he manavahē” (“Live by Faith and Not by Fear,” Liahona, Nov. 2007, 70).
ʻEkitivitī
Lau ʻa e Mātiu 14:22–33 pea fakaʻilongaʻi ʻa e aʻusia ʻa Pitá.
Ko e hā naʻe kamata ai ke ngotó?
Naʻe fakahaofi fēfeeʻi nai ia ʻe he ʻEikí?
ʻI he taimi ʻoku tau tokanga taha ai kia Kalaisí, te Ne ʻi ai maʻu pē ke tokoniʻi kitautolu.