Ang Ating Personal na Paglalakbay Patungo sa Diyos

Larawan

batang lalaki na tumutulong sa kanyang ina habang nauuna sa paglakad ang iba pang mga kapamilya

Minamahal na mga Magulang,

Ang ating paglalakbay tungo sa pagiging perpekto, tulad ng makikita sa isyu sa buwang ito, ay nilalakbay sa pamamagitan ng pagsampalataya sa Ama sa Langit at kay Jesucristo, pagsisisi, paggawa at pagtupad ng mga sagradong tipan, at paghahangad ng patnubay ng Diyos sa ating buhay.

Mga Talakayan tungkol sa Ebanghelyo

Ang Ating Hangaring Lumapit kay Cristo

Tanungin ang inyong mga anak kung ano ang ibig sabihin ng maghanap ng isang bagay. Ibahagi ang ilang turo mula sa artikulo ni Elder Neil L. Andersen sa pahina 4 tungkol sa ating hangaring lumapit kay Cristo. Anong mga kasangkapan ang nagpapatatag sa atin sa paglalakbay na ito?

Paghihikayat ng Pag-unlad na Tulad ni Cristo

Talakayin sa inyong mga anak kung ano ang kanilang mga pangmatagalang mithiin, tulad ng isang propesyon, misyon, o kasal sa templo. Basahin ang mga ideya sa mga pahina 14–17. Maaari kayong sama-samang magplano ng ilang aktibidad na maaaring makatulong sa inyong mga anak na makamtan ang kanilang mga mithiin.

Pagbabawas ng Pagkalantad sa Di-Angkop na Materyal

Gamit ang artikulo sa pahina 8, pag-usapan ang pag-asa na maaaring magsisi ang isang tao kung hirap siyang paglabanan ang paggamit ng pornograpiya. Gumawa ng plano ng pamilya na bawasan ang potensyal na pagkalantad sa di-angkop na materyal sa media tulad ng telebisyon at internet.

Larawan

batang babaeng nakasakay sa swing na may binabasang papel

Mula sa Magasing Para sa Lakas ng mga Kabataan

Ang mga kabataan ay may natatanging papel sa plano ng kaligtasan, at ang personal na paraan para mahanap ang papel na ito ay sa pamamagitan ng patriarchal blessing. Isiping talakayin sa home evening ang mga tanong sa pahinang ito, at ipaliwanag kung paano maaaring makatulong sa mga miyembro ng pamilya ang banal na patnubay para paghandaan at malampasan ang mga hamon ng buhay.

Ano ang Patriarchal Blessing?

Ang blessing na ito ay nagpapahayag ng angkan ng isang tao sa sambahayan ni Israel at “nagbibigay ng inspiradong patnubay mula sa Ama sa Langit,”¹ na kadalasa’y may kasamang mga pangako, pagpapala, espirituwal na kaloob, at babala na partikular sa indibiduwal. Ibinibigay ito ng isang patriarch matapos mabigyan ng pahintulot mula sa bishop o branch president.

Ilang Taon Ako Dapat para Makahingi Nito?

“Hindi dapat magtakda ng minimum na edad ang mga priesthood leader para makatanggap ng patriarchal blessing ang isang miyembro.”² Dapat ay sapat ang edad ng taong tatanggap para matukoy ang kasagraduhan ng blessing na ito.

Paano Ako Maghahanda?

Mas mapalapit sa Diyos sa pamamagitan ng pagsisisi, pag-aaral ng mga turo ng mga propeta, at pagsasakripisyo ng mga makamundong bagay. Mapanalanging pag-isipan ang mga tanong tungkol sa papel na ginagampanan mo sa plano ng Ama sa Langit, at palakasin ang hangarin mong sundin ang Kanyang kalooban.

Larawan

mag-ama sa bautismuhan

Mula sa Magasing Kaibigan

Espesyal na Isyu tungkol sa Binyag

Sa buwang ito, ang Kaibigan ay tungkol lahat sa binyag, kumpirmasyon, at pagiging miyembro ng Ang Simbahan ni Jesucristo ng mga Banal sa mga Huling Araw! Basahin ang isang espesyal na mensahe mula sa Unang Panguluhan, alamin ang tungkol sa iba pang mga batang nabinyagan at nakumpirma, at gumawa ng mga aktibidad para tulungan ang inyong anak na malaman ang tungkol sa kanilang tipan sa binyag.

Para makaorder ng mga karagdagang kopya ng espesyal na isyung ito sa hinaharap, bisitahin ang store.ChurchofJesusChrist.org.

Mga Aktibidad Online para sa Pumarito Ka, Sumunod Ka sa Akin

Sa buwang ito, maghanap ng mga lingguhang aktibidad sa friend.ChurchofJesusChrist.org para maging masaya ang pag-aaral ng mga banal na kasulatan ng inyong pamilya.