Aotelega Faasolopito

3 Aperila, 1814

Soifua mai i Mantua, Ohio, ia Rosetta Leonora Pettibone Snow ma Oliver Snow.

1832

Faalogo i le Perofeta o Iosefa Samita a o ia talai atu i Hiram, Ohio.

1835

Tuua le aiga ina ia a’oga i le Kolisi i Oberlin, i Oberlin, Ohio. Feiloai i le ala ma Elder David W. Patten o le Korama a Aposetolo e Toasefululua.

1836

Tuua le kolisi o Oberlin ma siitia atu i Katelani, Ohio, e aoao le gagana Eperu. Fiafia e talia le talalelei toefuataiina ma ua papatiso ma faamauina ia Iuni. Mulimuli ane, sa faauuina o se toeaina. Mauaina se faamanuiaga faapeteriaka mai ia Iosefa Samita le Matua ia Tesema.

1837

Talai le talalelei i Ohio.

Oketopa 1838 ia Me 1840

Auauna i se isi misiona, talai le talalelei i Ohio, Missouri, Kentucky, ma Illinois ma faigaluega o se faiaoga i le taimi o le taumalulu o le 1839–40.

Me 1840

Tuua Navu, Ilinoi, e auauna i se misiona i Egelani. I lalo o le taitaiga a le Korama a Aposetolo e Toasefululua, pulefaamalumalu i le Ekalesia i Lonetona, Egelani, ma nofoaga lata ane. Lolomiina se tamai tusi ua faaulutalaina O Le Ala e Tasi e Faaolaina Ai.

12 Aperila, 1843

Taunuu i Navu, Ilinoi, faatasi ma le 250 tagata liliu mai o le Au Paia o Aso e Gata Ai mai Egelani.

Taufaaiuiuga o le 1843 ma le amataga o le 1844

Faiaoga i se aoga i Lima, Ilinoi.

Vaavaaia se taumafaiga faatosina i Ohio ina ia filifilia Iosefa Samita e avea ma peresitene o le Iunaite Setete. Toe taliu i Navu, ina ua faalogo i le maliu faamaturo o Iosefa ma Ailama Samita, lea na tupu i le aso 27 o Iuni.

Ianuari 1845

Tofia e Peresitene Polika Iaga e malaga taamilo i Ohio ma aoina foai mo le fausiaina o le Malumalu o Navu.

1845

Ulu atu i le faaipoipoga faaautaunonofo, e pei ona sa faia i le Ekalesia, i le faaipoipo atu lea ia Charlotte Squires ma Mary Adaline Goddard.

Fepuari 1846

Tuua Navu faatasi ma auaiga ma isi tagata o le Au Paia o Aso e Gata Ai, ina ua mavae le mauaina o faaeega paia ma faamauga i le Malumalu o Navu.

1846 i le 1848

Nonofo ma lona aiga i se nuu na ta’ua o Mauga Peseka i le setete o Iowa. Taitaia le nuu mo sina taimi. I le tautotogo o le 1848, taitai se vaega o le Au Paia agai atu i Sate Leki.

12 Fepuari, 1849

Faauuina o se Aposetolo i le Aai o Sate Leki.

1849

Aoina foai mo le Tupe Faaagaaga mo Femalagaaiga.

1849 i le 1852

Auauna i se misiona i Italia. Auauna foi i Egelani, lea na ia vaavaaia ai le lolomiina o le Tusi a Mamona i le gagana Italia, ma Suitiselani ma le Malata. Lolomia se tamai tusi na faaulutalaina O Le Siufofoga o Iosefa.

1852

Filifilia i le Faigamalo a le Setete o Iuta.

1853

Valaauina e Peresitene Polika Iaga e pulefaamalumalu i se tamai nuu o le Au Paia o Aso e Gata Ai i le itumalo o Box Elder, e tu i Iuta i matu. Faaigoaina le aai autu o Brigham City. Auauna mo le tele o tausaga o se taitai i le Ekalesia ma le nuu.

Mati 1864 ia Me 1864

Faatasi ma se vaega na taitaia e Elder Ezra T. Benson o le Korama a le Toasefululua, auauna i se misiona puupuu i Atumotu o Hawaii.

Oketopa 1872 ia Iulai 1873

Faatasi ma se vaega na taitaia e Peresitene Siaosi A. Samita, Fesoasoani Muamua i le Au Peresitene Sili, sa asiasia vaega o Europa ma Sasae Tutotonu, e aofia ai le Nuu Paia. O le malaga sa faataunuuina ona o le talosaga a Peresitene Polika Iaga.

1882

Pasiaina e le Konekeresi a le Iunaite Setete le Tulafono o le Edmunds, i le avea ai o le faaipoipoga i ava e toatele ma se solitulafono, ma faasaina tagata e tele ava mai le agavaa e palota ai, umia tofiga faalemalo, pe faatinoina tiute i le faamasinoga.

Aokuso 1885 ia Oketopa 1885

Auauna i ni misiona i tagata Initia Amerika i le itu i matu sisifo o le Iunaite Setete ma le setete o Wyoming.

12 Mati, 1886, i le aso 8 Fepuari, 1887

Faafalepuipuiina mo le faia o faaipoipoga faaautaunonofo.

Pasia e le Konekeresi a le Iunaite Setete le Tulafono o le Edmunds-Tucker, o se isi tulafono e faasaga i le tele o ava, e faatagaina ai le malo e aveesea mai le tele o fanua o le Ekalesia. O lea faiga na avea ma tulafono i le aso 3 Mati, 1887.

21–23 Me, 1888

Faitauina le tatalo o le faapaiaga i sauniga o le faapaiaga o le Malumalu o Manti, Iuta. Sa faapaiaina e Peresitene Uilifoti Uitilafi le malumalu i le aso 17 o Me.

7 Aperila, 1889

Lagolagoina e avea ma Peresitene o le Korama a Aposestolo e Toasefululua.

19 Me, 1893, ia Setema 1898

Avea ma uluai peresitene o le malumalu o Sate Leki.

2 Setema, 1898

Avea ma Aposetolo sinia ma le taitai pulefaamalumalu o le Ekalesia, ina ua maliu Peresitene Uilifoti Uitilafi. Mauaina se faaaliga paia i totonu o le Malumalu o Sate Leki, lea na faatonuina ai e le Alii o ia, ina ia faatinoina loa le toe faatulagaga o le Au Peresitene Sili.

13 Setema, 1898

Lagolagoina e le Korama a Aposetolo e Toasefululua e avea ma Peresitene o le Ekalesia. Amata ona galue o se Peresitene.

9 Oketopa, 1898

Lagolagoina e avea ma Peresitene o le Ekalesia i le konafesi aoao.

10 Oketopa, 1898

Vaetofia e avea ma Peresitene o Le Ekalesia a Iesu Keriso o le Au Paia o Aso e Gata Ai.

Me 1899

Malaga i St. George, Iuta, lea na ia mauaina ai le faaaliga e talai atu le tulafono o le sefuluai i le Au Paia. Amata le faasoaina atu o lenei savali i St. George, ma taitaiina se taumafaiga e faasoa atu lea lava savali i le Ekalesia atoa.

1 Ianuari, 1901

Lolomi se tautinoga e faaulutalaina “Faatalofa atu i le Lalolagi” e faafeiloaia ai le seneturi 20.

10 Oketopa, 1901

Maliu i le Aai o Sate Leki, Iuta, i le 87 tausaga o lona soifua.