¶ 1 NAE hoko foki kiate au ae folofola a Jihova, o behe,

2 Foha oe tagata, oku ke nofo i he lotolotoga oe fale agatuu aia oku i ai ae mata ke jio ka oku ikai mamata; oku i ai ae teliga ke fanogo, ka oku ikai ogo‘i; he koe fale agatuu akinautolu.

3 Koia, akoe foha oe tagata, teuteu ke fetuku hoo gaahi mea, bea fetuku aho be i ho nau ao; bea te ke fetuku mei hoo botu ki ha botu kehe i ho nau ao: hei ilo te nau fakakaukau, ne ogo koe fale agatuu akinautolu.

4 Te ke toki omi ekoe a hoo gaahi mea kei aho i ho nau ao, koe mea ke fetuku: bea ka bouli te ke alu atu i ho nau ao o hage koe alu atu ha taha bobula.

5 Keli ekoe ke ava ae a i ho nau ao, bea ke fetuku atu mei ai.

6 Te ke fua ia i ho nau ao ki ho uma, bea ke fetuku atu ia i he uulikelekele: te ke bulou ho mata ke oua naa ke jio ki he kelekele: he kuou tuku koe koe fakailoga ki he fale o Isileli.

7 Bea naaku fai o hage koia nae fekau mai: naaku omi kitua eku mea kei aho, o hage ha mea ki he bobula, bea i he efiafi naaku keli ae a o fakaava aki a hoku nima; bea naaku fetuku kituaa i he ene kei ataata, bea naaku fua mea i hoku uma i ho nau ao.

8 Bea bogibogi hake nae hoko mai ae folofola a Jihova, o behe,

9 Foha oe tagata, ikai kuo behe kiate koe e he fale o Isileli, ae fale agatuu, Koeha oku ke fai?

10 Lea koe kiate kinautolu, Oku behe e Jihova koe Otua: Oku kau ae fua kavega ni ki he tu‘i i Jelusalema moe fale kotoa o Isileli oku iate kinautolu.

11 Ke ke behe, Ko ho mou fakailoga au: hage koia kuou fai, e behe hono fai kiate kinautolu: e fetukutuku mo ave akinautolu ki he fakabobula.

12 Bea koia oku tu‘i iate kinautolu e fua kavega ia i hono uma i he efiafi bouli, bea e alu atu: te nau keli ae a ke ava mo fetuku atu ia: e fakabulou eia hono mata ke oua naa jio hono mata ki he kelekele.

13 Teu aau foki e au a hoku kubega kiate ia, bea e moua ia i he eku tauhele: bea teu omi ia ki Babilone ki he fonua oe kau Kalitia; ka e ikai te ne mamata ki ai, ne ogo e mate ia i ai.

14 Bea teu viligia ki he feituu matagi kotoabe akinautolu oku iate ia ko hono tokoni, mo ene gaahi kogakau kotoabe; bea teu too ae heleta kiate kinautolu.

15 Bea te nau ilo ko au ko Jihova, o kau ka fakahe‘i akinautolu ki he gaahi buleaga, bea fakamovete akinautolu ki he gaahi fonua.

16 Ka teu tuku ho nau kau tagata niihi ke hao mei he heleta moe hoge, bea moe mahaki fakaauha; koeuhi ke nau fakaha e nau gaahi fakalielia i he kau hiteni aia te nau hoko ki ai; bea te nau ilo ko Jihova au.

¶ 17 Nae hoko foki ae folofola a Jihova kiate au, o behe,

18 Foha oe tagata, kai hoo ma i he manavahe, bea inu hoo vai i he tetetete bea moe vakavakai.

19 Bea ke lea ki he kakai oe fonua, Oku behe e Jihova koe Otua ki he kakai o Jelusalema bea moe fonua o Isileli; te nau kai fakatuhotuha e nau ma, bea inu ilifia be e nau vai, koeuhi koe auha ae mahu kotoabe oe fonua, koe mea i he fakamalohi anautolu oku nofo ai.

20 Bea e fakalala ae gaahi kolo oku kakai bea e auha ae fonua; bea te mou ilo ko Jihova au.

¶ 21 Bea nae hoko kiate au ae folofola a Jihova, o behe,

22 Foha oe tagata, koeha ae lea fakatātā koia oku mou ma‘u i he fonua o Isileli, aia oku behe, Oku fakatologa ae gaahi aho, bea oku ikai jii ha mea ha mai e fakamooni?

23 Koia te ke tala kiate kinautolu, Oku behe e Jihova koe Otua: teu fakagata ae lea fakatātā koia, bea e ikai toe lea fakatātā aki ia i Isileli; ka ke behe ekoe kiate kinautolu, Kuo ofi ae gaahi aho moe fakamooni oe mea ha mai kotoabe.

24 He koeuhi e ikai kei i ai ha mea ha mai koe vaiga, be ha fai kikite koe labu, i he fale kotoa o Isileli.

25 He ko Jihova au: Teu lea, bea koe lea teu lea aki e hoko mo fai; e ikai toe fakatuai: he koe lolotoga a hoo mou gaahi aho, e fale agatuu, teu lea aki ae lea, bea fai mo hono fakamooni, oku behe e Jihova koe Otua.

¶ 26 Bea nae toe hoko kiate au ae folofola a Jihova, o behe,

27 Foha oe tagata, vakai oku lea akinautolu oe fale o Isileli, o behe, Koe mea ha mai oku ne mamata ai koe mea ki he gaahi aho kei tuai, bea oku ne kikite ki he gaahi kuoga oku kei mamao.

28 Koia ke ke lea kiate kinautolu, Oku behe e Jihova koe Otua; E ikai toe fakatuotuai haaku lea e taha, ka koe lea aia kuou lea aki e fai, oku behe a Jihova koe Otua.