¶ 1 NAA ne kalaga foki i hoku teliga aki ae le‘o lahi, o behe, Fekau akinautolu oku leohi ae kolo ke unuunu mai, bea omi taki taha e he tagata a ene mahafu tamate i hono nima.

2 Bea vakai, nae hu mai ae kau tagata e toko ono mei he hala i he mataba maoluga oku haga ki he tokelau, nae taki taha ae tagata ha mahafu tamate i hono nima; bea koe tagata e taha iate kinautolu nae kofu aki ae tubenu lelei, bea tautau ki hono vakavaka ae ibu vaitohi ae tagata tohi: bea naa nau hu atu o nau tutuu i he vee feilaulauaga balasa.

3 Bea nae mole hake ae nāunāu oe Otua o Isileli mei he jelubi aia nae nofo ia ki ai, ki he huaga ki he fale. Bea naa ne ui ki he tagata nae kofu aki ae tubenu lelei, aia nae i hono vakavaka ae ibu vaitohi ae tagata tohi;

4 Bea folofola a Jihova kiate ia, Alu atu ki he lotolotoga oe kolo, i he lotolotoga o Jelusalema, bea ai ha fakailoga ki he foi la‘e oe kau tagata oku to‘e mo tagi koeuhi koe gaahi fakalielia oku fai i loto i ai.

¶ 5 Bea naa ne behe ki he toko nima nae toe, ka oku fanogo a hoku teliga, Muimui atu akimoutolu kiate ia ki he kolo o ta‘i; oua naa mamae a ho mou mata, bea oua naa mou manavaofa.

6 Tamate ke oji ae mātua moe talavou ae kau fine mui moe fānau tubu, moe kau fefine, kae oua naa mou ofi atu ki ha tagata kuo ai ki ai ae fakailoga, bea kamata fai i hoku botu afioaga. Bea naa nau kamata ai mei he kau mātua nae i he ao oe fale.

7 Bea ne behe kiate kinautolu, Fakauli‘i ae fale bea fakabito hono gaahi lotoa aki ae mate: mou alu atu. Bea naa nau alu atu o tamate‘i i he kolo.

¶ 8 Bea nae hoko o behe, lolotoga ae tamate‘i akinautolu, bea tuku toko taha be au, naaku tomabee hifo ki hoku mata, beau tagi mo behe, Oiaue, e Jihova koe Otua, te ke fakaauha ae toe kotoabe o Isileli i ho liligi atu ho houhau lahi ki Jelusalema?

9 Bea naa ne behe kiate au, Oku lahi aubito fakamanavahe ae fai kovi ae fale o Isileli mo Juta, bea oku fonu ae fonua i he toto, bea bito ae kolo i he agatuu; he oku nau lea o behe, Kuo liaki e Jihova a mamani, bea oku ikai mamata a Jihova.

10 Bea ko au foki, e ikai mamae a hoku mata, bea e ikai teu manavaofa, ka teu totogi e nau aga ki ho nau tumuaki.

11 Bea, vakai, koe tagata nae kofu aki ae tubenu lelei aia nae i hono vakavaka ae ibu vaitohi, naa ne fakaogo atu ae mea o behe, Kuou fai o hage koia naa ke fekau kiate au.