¶ 1 KO koe foki, foha oe tagata, too kiate koe ha maka umea, bea tuku ia i ho ao, bea tohi ki ai ha fakatātā ki he kolo ko Jelusalema:

2 Bea ke kabui aki ia ae tau, bea laga ha kolo ki ai, bea tanu buke ki ai, tuku foki ki ai ae nofoaga oe tau, bea fokotuu takatakai i ai ae mea teke a.

3 Bea ke too foki kiate koe ae ukamea lafalafa, bea fokotuu ia koe a ukamea i ho mo vahaa moe kolo: bea ke fakahaga ho mata ki ai, bea e takatakai ia, bea ko koe te ke tau‘i ia. E hoko eni koe fakailoga ki he fale o Isileli.

4 Ke ke tokoto foki ki ho botu fakatoohema bea hili ki ai ae hia oe fale o Isileli! bea e tatau moe lau oe aho o hoo tokoto ki ai a hoo fua e nau hia.

5 He kuou hili kiate koe ae gaahi ta‘u oe nau hia o fakatatau ki hono lahi oe aho, koe aho e tolugeau ma hivagofulu: koia te ke fua ae hia ae fale o Isileli.

6 Bea ka oji hoo fai ia, ke ke toe tokoto ki ho botu fakatoomatau, bea te ke fua ae hia ae fale o Juta i he aho e fagofulu: bea kuou tuutuuni koe aho e taha koe ta‘u ia e taha.

7 Koia te ke fakahaga ho mata ki he tau‘i o Jelusalema, bea e fakatelefua ho nima, bea te ke kikite ki ai.

8 Bea, vakai, teu ai ae ha‘i kiate koe, bea e ikai te ke fetafokiaki, kae oua ke ke fakaoji ae gaahi aho o ho ta‘u.

¶ 9 Too foki kiate koe ae sito moe baale, moe bini, moe leniteli, moe mileti, bea moe fitiji, bea ai fakataha ia ki he ibu, mo ke gaohi ma mei ai, i he gaahi aho koia te ke tokoto fakatafa ai, te ke kai ia i he aho e tolugeau ma hivagofulu.

10 Bea te ke kai fakatautau be hoo mea kai, koe mamafa oe sikeli e uofulu ki he aho e taha: bea te ke kai vahevahe be ia.

11 E fua foki hoo vai ki he inu, koe vahe ono oe hini e taha: bea te ke inu vahevahe be ia.

12 Bea te ke kai ia o hage ko ha foi ma baale, bea te ke ta‘o aki ia ae mea kovi ae tagata, i ho nau ao.

13 Bea nae behe e Jihova, E behe ae kai e he fānau a Isileli e nau ma fakalielia i he ao oe gaahi Jenitaile, aia teu kabuji akinautolu ki ai.

14 Bea naaku toki behe ai, E Jihova koe Otua, vakai kuo heeki ai fakauli‘i hoku laumalie; he kuo talu eku kei jii o a‘u ki heni oku heeki teu kai i ha mea oku mate mahaki, be ha mea kuo haehae; bea oku heeki ai hoko ki hoku gutu ha mea kai fakalielia.

15 Bea nae toki behe mai eia kiate au, Vakai, e tuku ae mea kovi ae tagata ka te ke teuteu aki hoo ma ae tee bulu.

¶ 16 Bea naa ne behe foki kiate au, Foha oe tagata, vakai teu maumau‘i ae tokotoko oe ma i Jelusalema; bea te nau kai ma fakatautau be, bea i he mamahi: bea te nau inu i he vai kuo fuofua, i he lilika:

17 Koeuhi te nau majiva i he ma moe vai bea te nau fejiofaki i he manavahe, o nau fakaaau ki mui koe mea i he e nau agahala.