¶ 1 NAE toe hoko foki ae folofola a Jihova kiate au, o behe,

2 Foha oe tagata, fakahaga ho mata ki he kau Amoni, bea kikite kiate kinautolu;

3 Bea ke behe ki he kau Amoni, Fanogo mai ki he folofola a Jihova koe Otua; Oku behe e Jihova koe Otua; koeuhi naa ke fakamaitoa mai ki hoku fale tabu. i hono fakalielia‘i; bea ki he fonua o Isileli i hono fakalala; bea ki he fale o juta i hono ave akinautolu ke fakabobula‘i;

4 Vakai, koia ia teu tukuage ai koe ki he kakai hahake ke nau ma‘u koe, bea te nau fokotuu ho nau nofoaga fakaeieiki iate koe; mo laga ho nau gaahi fale iate koe; te ne kai hoo fua, bea te nau inu hoo hua huhu.

5 Bea teu gaohi a Lebaa koe fale kameli, bea ko Amoni koe nofoaga oe faga sibi; bea te mou ilo ko Jihova au.

6 He oku behe e Jihova koe Otua; koeuhi kuo ke baji ho nima, mo malaki aki ho va‘e, bea ke fiefia i loto, koe mea i hoo fehia lahi ki he fonua o Isileli;

7 Vakai, koia ia teu mafao atu ai hoku nima kiate koe, bea teu tuku koe ke veteki e he kakai hiteni; bea teu motuhi akimoutolu mei he kakai, bea teu bule ke ke ojioji mei he gaahi fonua: Teu fakaauha koe; bea te ke ilo ko Jihova au.

¶ 8 Oku behe e Jihova koe Otua: koeuhi oku behe e Moabe, bea mo Seia, Vakai, oku tatau ae fale o Juta moe hiteni kotoabe;

9 Koia, vakai, Teu fakaava ae feituu o Moabe mei hono gaahi kolo, ae kolo oku i he gataaga o hono fonua, aia koe ogoogolelei oe fonua, a Bete‐Jesimote mo Bealimeoni, mo Kiliatemi,

10 Ki he kakai mei he botu hahake ke nau ma‘u ia moe kau Amoni, koeuhi ke oua naa toe manatu‘i ae kau Amoni i he gaahi buleaga.

11 Bea teu fai ae tautea ki Moabe; bea te nau ilo ko Jihova au.

¶ 12 Oku behe e Jihova koe Otua; koe mea kuo fai e Itomi ki he fale o Juta i he ene tautea ia, bea kuo ne fai hala aubito, mo fakafajifaji ia kiate kinautolu;

13 Koia oku behe e Jihova koe Otua; Teu mafao atu foki e au a hoku nima ki Itomi, bea teu fakaoji mei ai ae tagata bea moe manu; bea teu gaohi ia ke lala o fai mei Temani; bea e higa i he heleta akinautolu oku o Temani.

14 Bea teu ai ke hilifaki a hoku houhau ki Itomi i he nima o hoku kakai ko Isileli; bea te nau fai ki Itomi o hage ko hoku houhau, bea fakatatau mo eku tubutamaki; bea te nau ilo a hoku houhau, oku behe e Jihova koe Otua.

¶ 15 Oku behe e Jihova koe Otua; Koeuhi kuo fai fakafajifaji ae kau Filisitia, o nau fai ae tautea moe loto fehia, ke fakaauha ia i he fehia e ikai gata;

16 Koia oku behe ai e Jihova koe Otua; Vakai, teu mafao atu e au hoku nima ki he kakai Filisitia, bea teu motuhi ae kakai Keliti, mo fakaauha a hono toe oku i he matātahi.

17 Bea teu fai ae totogi lahi kiate kinautolu moe valoki kakaha; bea te nau ilo ko au ko Jihova, o kau ka tuku atu hoku houhau kiate kinautolu.