¶ 1 NAE hoko ae folofola a Jihova kiate au, o behe,

2 Foha oe tagata, oku lelei hake i he ha, ae akau koe vaine i he gaahi akau kehe, moe gaahi vaa akau oe vao?

3 He oku too mei ai ha laubaba ke fai aki ha gaue? be oku gaohi e ha taha ha fa‘o mei ai koe tautauaga o ha mea?

4 Vakai, oku li ia ki he afi koe fefie, bea fakatou vela ai hono hiku mo hono kogaloto. He oku aoga ia ki he gaue?

5 Vakai, i he ene kei haohaoa nae ikai aoga ki ha gaue; kae fefe nai ene aoga ki ha gaue, ka kuo keina ia e he afi, bea kuo vela?

6 Koia oku behe e Jihova koe Otua; hage koe akau koe vaine i he gaahi akau oe vao, e behe a eku foaki ae kakai o Jelusalema ke vela i he afi.

7 Bea teu fakahaga hoku fofoga ke tuu kiate kinautolu; te nau hao mei he afi e taha, kae vela akinautolu i he afi kehe e taha; bea te mou ilo ko au ko Jihova, oku tuu hoku mata kiate kimoutolu.

8 Bea teu gaohi ke lala ae fonua, koeuhi kuo nau fai ae mea hala. Oku behe e Jihova koe Otua.