Aaron, ras laj Moises Chi’ilmanq ajwi’ Moises; Tijonelil re Aaron Sa’ li Najter Chaq’rab’, jun ralal laj Amran ut lix Yokebed, sa’ xteepal laj Levi (Exo. 6:16–20); ras laj Moises (Exo. 7:7). Kixaqab’aak xb’aan li Qaawa’ re tixtenq’a laj Moises sa’ xk’amb’aleb’ chaq li ralal xk’ajol laj Israel sa’ Egipto, ut chi wank choq’ aj yehol aatin choq’ re, Exo. 4:10–16, 27–31; 5:1–12:51. Sa’ li Tzuul Sinai, laj Moises kik’ehe’ xna’leb’ naq te’xaqab’amanq laj Aaron ut eb’ li kaahib’ chi ralal sa’ li Tijonelil re Aaron, Exo. 28:1–4. Kixyiib’ jun li wakax oor chi tz’aamanb’il xb’aan li tenamit, Exo. 32:1–6, 21, 24, 35. Kikam sa’ li Tzuul Hor naq 123 chihab’ xyu’am, Num. 20:22–29 (Num. 33:38–39). Li Qaawa’ kixk’ojob’ jun li tijonelil ajwi’ sa’ xb’een laj Aaron ut eb’ li riyajil, Tz. ut S. 84:18, 26–27, 30. Eb’ li neke’xnimob’resi lix b’oqb’aleb’ sa’ li tijonelil neke’ok choq’ ralal xk’ajol laj Moises ut laj Aaron, Tz. ut S. 84:33–34.