Li Qaawa’ kixye naq chixjunileb’ li winq ut ixq wankeb’ chi teneb’anb’il chirix li rajomeb’ xch’ool, lix na’leb’eb’, li ratawomeb’, ut lix b’aanuhomeb’.
Lix chihab’il li teneb’aak, a’an naq eb’ li kok’al ak tz’aqaleb’ xchihab’ re te’wanq chi teneb’anb’il chirix lix b’aanuhomeb’, naq neke’ru chi maakob’k ut chixjalb’aleb’ xk’a’uxl.
Te’xq’axtesi resil li junjunq chi jo’maajo’il aatin, Mat. 12:36 .
Q’axtesi resil laa mertoomil, Luk. 16:2 .
Li junjunq tixq’axtesi chiru li Dios jun esil chirix, Rom. 14:12 .
Taaraqmanq aatin chirixeb’ li kamenaq a’ yaal jo’ chanru lix k’anjeleb’, Apok. 20:12 .
Li qaatin, li qak’anjel, ut li qak’oxlahom tixk’e maak sa’ qab’een, Alma 12:14 .
Laa’o qaraqol aatin qajunes qib’, ma taqab’aanu li us malaj li ink’a’ us, Alma 41:7 .
Kanab’anb’ilex chixb’aanunkil eejunes li nekeraj, Hel. 14:29–31 .
A’in li k’a’ru teek’ut—li jalb’a-k’a’uxlej ut li kub’iha’ chiruheb’ li tz’aqaleb’ xna’leb’ chi teneb’aak, Moro. 8:10 .
Tento te’xjal xk’a’uxl ut te’kub’eeq xha’ chixjunileb’ li ak xe’tz’aqlok xchihab’ re te’ruuq chi teneb’aak, Tz. ut S. 18:42 .
Laj Satanas ink’a’ naru chiraalenkileb’ li kok’al toj reetal naq neke’ok chi wank chi teneb’anb’il chiwu, Tz. ut S. 29:46–47 .
Te’kub’eeq xha’ li alal k’ajolb’ej naq waqxaqib’ chihab’ xyu’ameb’, Tz. ut S. 68:27 .
Li junjunq chi winq taawanq chixsumenkil tz’aqal lix maak sa’ xkutankil li raqb’a-aatin, Tz. ut S. 101:78 .
K’eeb’il reheb’ li winq xnawb’al b’ar wan li us ut li ink’a’ us; jo’kan naq aj b’aanuneleb’ xjuneseb’ rib’, Mois. 6:56 .
Eb’ li winq te’k’ehe’q xtojb’a-maak xb’aan tz’aqal lix maakeb’ a’an, R. li P. 1:2 .