Asiria

Jun nimla najteril awa’b’ejihom li kitaqlan, rochb’een Babilonia, li pleetinb’il xb’aan, sa’ xb’eeneb’ li najter tenamit Siria ut Filistea chiru xk’ihal li chihab’ kiwan wi’ li Najter Chaq’rab’. Us ta ke’wan xnimal xwankil laj Asiria chalen chaq 1150 chihab’ rub’elaj li Kristo toj reetal kinach’ok 600 chihab’, maajo’q’e ke’ru chixxaqab’ankil jun li kawil jolomil tenamit. Ke’taqlan rik’in nimla xiw, ke’xt’aneb’ li xik’ neke’ilok reheb’ rik’in xam ut li yok’leb’ ch’iich’, malaj ke’xq’unob’resi xkawileb’ rik’in xnumsinkil k’iila tenamit sa’ jalan chik ch’och’ sa’ lix awa’b’ejihom. Li ani ke’k’ehe’ chi awab’ejiik xb’aaneb’ laj Asiria ke’xpleeti li awa’b’ejihom chi rajlal. (Chi’ilmanq 2 Rey. 18–19; 2 Kro. 32; Isa. 7:17–20; 10; 19; 37.)