Li rawa’b’ejihom li Dios sa’ li ruchich’och’ a’an Lix Iglees li Jesukristo reheb’ laj Santil Paab’anel sa’ Roso’jikeb’ li Kutan (Tz. ut S. 65). Li rajb’al li Iglees a’an xkawresinkileb’ li komon chi wank chi junelik sa’ li choxahil awa’b’ejihom malaj li awa’b’ejihom re choxa. A’b’anan wan naq sa’eb’ li loq’laj hu li awa’b’ejihom re choxa nayeeman re li Iglees, a’an naraj naxye naq li Iglees a’an li awa’b’ejihom re choxa sa’ li ruchich’och’.
Lix Iglees li Jesukristo reheb’ laj Santil Paab’anel sa’ Roso’jikeb’ li Kutan a’an li rawa’b’ejihom li Dios sa’ li ruchich’och’, a’ut sa’ li kutan a’in a’an jun awa’b’ejihom ka’ajwi’ re paab’aal. Chiru li Jun Mil Chihab’, li awa’b’ejihom li Dios a’anaq awa’b’ejihom re jolomink tenamit jo’ ajwi’ re paab’aal.