Hosanna

Jun aatin sa’ Hebreo li naraj naxye “choohaakolaq,” ut oksinb’il re nimank-u ut re tz’aamank.

Sa’ lix ninq’eheb’ li Muheb’aal, li wan re xnimankil naq li Qaawa’ kixkoleb’ laj Israel ut kixk’ameb’ xb’e sa’ li yeechi’inb’il ch’och’, eb’ li tenamit ke’xye li aatin sa’ Salmos 118 ut ke’xwaala xxaq li kala’. Naq li Qaawa’ ki’ok jo’ rey sa’ Jerusalen, eb’ li ch’utch’uukil tenamit ke’xjap re chixyeeb’al “Hosanna” ut ke’xk’ojob’ xxaq li kala’ re taab’eeq li Jesus sa’ xb’een, rik’in li ke’xk’ut wi’ xyaalal naq neke’xtaw ru naq li Jesus a’an ajwi’ li Qaawa’ li kikolok chaq reheb’ laj Israel najter (Sal. 118:25–26; Mat. 21:9, 15; Mar. 11:9–10; Jwan 12:13). Eb’ li tenamit a’in ke’ril naq li Kristo a’an li Mesias li oyb’eninb’il chalen chaq najter. Li aatin Hosanna na’oksiman chiru li jar q’ehil re xnimankil li Mesias (1 Ne. 11:6; 3 Ne. 11:14–17). Li japok-e re hosanna kib’aanuman sa’ rosob’tesinkil li Santil ochoch re Kirtland (Tz. ut S. 109:79), ut anajwan na’oksiman naq na’osob’tesiman jun santil ochoch sa’ li kutan a’in.