Woed rogon nike N’ag Somol fan u wan’um, Ngam Rrin’ Amrogon

“Chirofen ni madnom, nri kakadabul, me yan fapi ppin ko fare low ko yam’, ni kar feked fapi florida nra ngongoliyed rogon.

“I malang ni kan lulubiy ke chuw u langan fare low ko yam’.

“Ma aram miyad yan ngalan, machane dar piry’ged downgin Somoel Yesus.

“Miyad sak’iy u rom ndawor ra nanged fan e ren’em, ma yugu ra gin gad ma ke sak’iy la’agruw pumo’on nga to’brad ni be galgal ram’en e mad rorow:

“Me yib tamdag nib gel ngak fapi ppin, miyad yip’ owchraed nga but, me ga’ar fa gali pumo’on ngorad, Mang fan ni gimed be gay be’ nib fos u fithik e pi’in karm’ad?

“Daki moy u roy; yak e fas ko yam’.”¹

Gabul, nap’an fare rran ni Madnom ko Easter, gadadra pugurraen nib fel’ rogon fatin Yesus Kristus ke ngongoliy ni fan dad: Ya Got a rib t’uf e girdi’, ma aram me pi’ Fak ni kari magnirag rok nge yub, ni fan e nge urngin e pi’in ni michaen’rad ngak e aram e dab kurm’ad, ya keyag e yafos ndariy’ n’umngin e nap’an ngorad.”² Ni boron, ningad fas gaed ko yam’ ni woed rogon Rok, ningad fas gaed ko manemus.

Udakaen e ma’ang’ang ni fare bayul ku Yesus Kristus, rayog e taw’ath ko n’ag fan ngodaed ko denen nge pi oloboech rodad, fa’an ningad fanayed e mat’awaen ko n’ag fan. Ma udakaen ni ngad thapeged e gam’ing nib t’uf, athamgiliy ko michmicheg, mafol ko pi motochiyel, ninge yoeg e yafos nib manemus nge tayfan ngalang ngodad.

Daba’, Guba weliy’ marunga’gen e n’ag fan, e taw’ath nib gaa’ mab t’uf ni kan pii’ ngodad e Tathapeg nge Tabayul rodad, Yesus Kristus.

Nap’an e neap u December ko 1982, le’engig, Terry, nge gag kug odew ko e phone call ulane tabinaew romow u Pocatello, Idaho. Napan ni kug thapeg fare phone, Mug rung’ag e yo’or. Chingyal’, kug rung’ag e lam ko walageg nib ppin nibe yoeg, “Tommy ke yim’.”

E bee’ nib chingaw’ ni bay 20 e duw rok, ke drivenog nib papay ni 85 miles (135 km) ko awa, ke lily me dab tal’eg u stoplight ulangin e binaw ko Denver, Colorado. Ke tugtug e karo ngak fare karo ni ke drive nag e bin chigchig e walageg nib mo’on, Tommy, ni kar ma’ew ir nge ppin rok, Joan. Yowba sulweg ko e madnom ko Kristmas nga chi bitir rowrow u tabinaew.

Le’engig nge Gag kug warow u skuki nga Denver mug warow nga hospital ko yam’. Kug mukungaed uta’abang ko labthir nge pi walageg mug kirebaen’dad ni fan Tommy nge Joan. Kar ma’ew ko e ngongol nib kireb ni dariy’ fan. Marib kirebaen’daed, me tabab e puwaen’ ngak fare bee’ nib yangren u gum’racha’eg.

Tommy i’ir e lawyer ni ke pigpig ko fare United Stated Department of Justice nira mang e tapowiy’ ni fan e matangiy ko pi binaw ko Native American nge tin fel’ riy’ ko bo’or e duw nibay yib.

Tomuren boech e ningyal’, ke yib fare rran ko court ninge pufthin nag fare mo’on ni ke yoeg ke ngonogliy vehicular manslaughter. Ufithik e kirebaen’ roared, pi labthir nge bin ilal e walageg nib ppin rog, Katy, kar uned fare mo’olung. Fapi labthir ko fare mo’on kar unew aram, ma tomuren ke ning e mo’olung, kar paerew nga chiya’, mar yo’orgow nib almarin. Pi labthir rog nge walageg kar paered nga chiya’ ni chuchugur ngak mar gayed rogon ningar fel’rograed e laniyaen’raed. Tomuren boech e ningyal, labthir rog nge walageg kar ranoed ngak fapi labthir ko fare mo’on mar oeged e thin ko golnag nge n’agfan. Mo’on kar rugrug pa’row; fapi ppin kar koeled pa’raed; bay e kirebaen’ nib to’orngin ma ma’ap luwaenraed mar nanged fan ni urngin e tabineaw kar gafgowgaed nib gaa’. Nina’, Papa’, nge Katy kar powiy’ed ko e gelnginraed nge gelbugwaenraed mar daged e tabinaew rog fare rogon ko n’ag fan.

Fapi ngongol ko n’ag fan u ningyal’ nem ke gay e munguy ko gum’racha’eg me bing e wo’en ngog ko golnag. Tomuren boech e ningyal’ Kug fil urrogon ningu thapeg e gum’racha’ ko n’agfan. Nimus ninge ayuweg fare Pilun ko Gapas ngog ninge chuweg e tomalngig nib mith. Gum’racha’eg ma tawreng Tommy nge Joan, machane e n’agfan ke bing e wo’en ngog ningu pugurraen row ufithik e falflaen’ ni dabi tal. Ma gumanang e tabinaew rog ra paer uta’abang bayay.

Dabgu pii’ e mat’aw ko fare ngongol nem nib kireb. Gadadma nang e gidii’ nimus ningar thapeg e tin kireb ko ngongol nib kireb nge tha’ab e motochiyel ko nam. Machane, gadadmanang ko, pi fak mo’on nge ppin ku Got nima fol fapi motochiylen Yesus Kristus, thingar ningad n’agfan nap’an e gidii’ dar thapeged riy’.

En Tathapeg ke fil:

“Ya fa’anra mu n’iged fan u wun’med e kireb nike rrin’ boch e girdi’ ngomed, ma ku arragon e Chiamangimed nu tharmiy nra n’ag fan u wan’ e kireb ni kam rin’ed:

“Machane fa’anra dab mu n’iged fan u wun’med e kireb nike rin’ boch e girdi’ ngomed, ma ku arragon e Chitamangiyed ni tharmiy ndabiyag ni nge n’ag fan u wan’ e kireb ni kam rin’ed.³

Rayog ningad thapeged e gapas nib gaa’ mag uned e Tathapegdaed napan ningad filed urrogon ningad n’aged gan e gidii’ “nike rrin’ kireb” ngodad. E ngongoliy nem ra gay e mat’awaengin Tathapeg nga yafas rodad, ni dabiy ningad paged talingaed riy’.

Fare Apostle Paul ke fil:

“Gimed girdi’en Got, … aram fan ni runguy, nge gol, nga sobutaen’, nge sumunguy, nge gumaen’;

“Nge bigimed mi i ayuweg bigimed ko mo’owaer … : ni bod rogon nike n’ag Somoel fan u wan’ e tin ni kam rin’ed nib togopluw ngak.””⁴

En Somoel ke yoeg:

Fa’an dabda n’aged fan reb e gidii, gadadba sak’iy nib kireb u poewchen Got nibe gaa’ denen rodad.

En Somoel ke yoeg Irra me’leg e gidii’ ni Nge pii’ e n’ag fan ngak, machane Irma ning chiylen ngodad ninge n’aged fan urngin e gidii’.⁵

Fapi fanow ko Tathapeg nge Tabayul rodad e ba machaelboeg; tadenen thingar pii’ e n’agfan ngak reb fa’an irba’adag ninge thapeg e n’agfan.⁶

Pi walageg nib mo’on nge ppin, bay e gidii’ u yafas rodad ni kar miithnogdaed? Gadadba koel e fananikay ni gadadba lemniged nib mat’aw ko puwaen’ rodad? Gadadba pii’ e t’uft’uf rodad ninge dibchaynogdaed ko e n’agfan nge paag e fananikay? Gube pinningmed ningam n’agfan nib polo’ ninge yoeg e golnag ngomed. Ma fa’an dabki yib e n’agfan daba’, rayog ningam nang fan nap’an ngad marnog mag motoyilgaed ngak, nira yib—woed rogon ke yib ngog tomuren e yam’ ko walageg.

Wenig ngom ningam puggraen e tin nib gaa’ ko n’ag fan ningam pii’ e n’agfan ngomed.

Ke yoeg ni en ke kalngaen’ ko denen ni bay e n’agfan rok, ma Somoel darma pugurraen bayay.⁷

Gube wenig ni fan daed daba’ ningad puguraengaed mag folgaed e fanow ku Yesus Kristus. Nga dakaen fare Kruth u Golgotha, ufithik e gafgow, Ke yoeg pi thin ni: “Chitamag, mu n’agfanraed; ndar nanged fan e tin ningar rrin’ed.”⁸

Udakaen e ya’el ko n’agfan man folgaed riy’, woed rogon e labthir nge bin ilal e walageg nib ppin, ninge yoeg e micheg ku Tathapeg ngodad ni: Gapas ni gube pii’ ngomed, gapas rog ni Gube pii’ ngomed: daki rogon ninge pii’ e girdi’ ngomed, machane Rogog. Damu tamdag u gum’racha’med, ma damu rusgaed.”⁹

Gube pii’ e m’ag rog ninge yib fare gapas ney udakaen e yafas rodad nap’an ngad folgaed ngak fapi fanow ku Yesus Kristus ngad folgaed e ngongol Rok ningad pii’ed e n’ag fan ngak e gidii’. Nap’an ngad pii’ed e n’ag fan, Gube micheg en Tathapeg ra gay gaa’ gelingdaed, ma gelngin Rok nge gapas rok ra yib nga yafas rodad.

Fare loew ko yam’ ni dariy’. Kristus ba fas. Guma nang Ir. Gube a’dag Ngak. Gube pinning e magar ko murnguy Rok, i’ir e gelngin nib ayuweg e golnag ko urngin e ban’en. Udakaen e fithingan ku Yesus Kristus, amen.