Fil u Tabinaew—Falfalan nge Murwel nib Thothup
Gube wenig nag e ayuw u tharmiy napan ni gadaed ra athamgil ni ngad manged e sensey ni boed Kristus u lane tabinaew rodaed.
Pin rog, Julie, kug chugliy nil’ e batir nib mangil, ma kug parew e chiney ni dakuriy bee’ ni be paer romow. Kug tawreng nag e batir romow ni ir pared ni gubin ngiyal u tabinaew. Kug tawreng nag ni kug nang boch ban’en rorad nge kug fil ngorad boch ban’en.
Diba’, Gube n’on ko gubin e galabthir nge cha’ nibe athpeg ni nge mang galabthir. Uran i gamed e yibe chugliy e chiney. Ngak boch e girdii’, ma ke chugur ko ngiyal’. Nge ku boch e girdii’, galabthir e bay tawa’ath boch ngaram. Gube meybil ni gadad gubin ni ngad nanged fare falfalan’ nge murwel nib thothup ni ngad filed ko bitir.1
Galabthir, gamaed be yog ngak pifak maed mornga’agen e Chitmangmaed nu tharmiy nge fak rok, Yesus kristus. Gamaed be ayuweg e bitir romaed ni nge pi e meybil rorad ko sumo’on. Gamaed be pi e kanawo’ nib mangil nge yag ni ngar tawfe’ gaed.2 Gamaed ma fil ni ngar fol gaed ko motochiyel ku Got. Gamaed ma fil ngoraed mornga’agen e wo’ rok ngak pi fak, nge kug gamaed me ayuweg raed ni ngar nanged e laman fare Kan ni Thothup. Gamaed ma yog ngoread e yat ni mornga’agen e pii prophet mag maed fil ngoread ni ngar motoyil gaed ko profet e diba. Gamaed ma meybil ni fan raed ni ngar gel gaed ko ngiyal ni bay e sikeng. Gamaed be micheg ngak pifak maed e pi taw’aath u temple, nge kagmaed be fal’eg rogon raed ni ngar ranoed ko fill-time mission. Gamaed be dag e t’ufeg ngak pifak maed ni kar manged e galabthir. Machane—kab ka faram—dagur tal gaed ni gu manged galabthir rorad. Dagur tal gaed ni gu manged sensey rorad. Dagur chuw gaed ko biney e murwel ni machalbog.
Diba’, ngad sap gaed ko boch ban’en nib mangil rayog ni ngad filed ngak pi fak daed u tabinaew.
Balayal’ Ni Fan ko Tabinaew ni Yibe Fil Ban’en
Tabab gaed ngad na’un ko tabinaew ni balayal, iraray e tin nib ga’fan ko mich u tabinaew ni gin ni ku ilal riy. Dakug nang ko mang e kan fil ko na’un ko tabinaew ni balayal, ma gum nang dagdaed ma tal. 3 Gumnang nib ga’fan ko galabthir rog.4
Kug thilyeg ta’reeb ni gubadag e gosgos ko na’un ko tabinaew ni balayal. Papa e pining ta’reeb e batir rok ni nge fek “Fare Sikeng.” Bay pii’ kanawoan ngak taa’reb e batir ni boed, “Sumo’on, nga man nga tang ngam bing ngam ning e fridge. Mag mil nga singel rog ngam fek e socks u lan tafan e mad’ rog. Mag sul ngog, mag tem’ug nga lang nge bu’ut dalip yay, ma ga’ar, ‘papa, kug rin!’”
Gubadag ni nap’an gag e guwan. Gubadag ni gu rin gubin kanawoen’ nib mangil, gub falfalaen’ ko ngiyal ni g ga’ar, “Papa’, ke yag rog!”Biney e gosgos e ma pii’ e pagan’ ngog me ayuweggeg ni ngug motoyil’ nap’an Nina fa Papa’ ni kar falew fare gospel ni kenggin e yalen.
President Gordon B. Hinckley e ga’ar: “fa’an ni gube thamiy rom mornga’agen falngin ko na’un ko tabinaew ni balayal, mu rin’. Mu kunuy pi fakam nga ta’abang, fil ngoraed, mog e mich rom ngoraed, bi’eg e babiyor nib thothup u ta’abang ma gamaed falfalaen’ u ta’abang.”5
Bay e tagopluw ni gubin ngiyal’ ni nge taleg e na’un ko tabinaew ni balayal.6 Dariy fan, gube piningem ni ngam pathig e oloboch ni ngan na’un ko abinaew ni balayal e ba t’uf—mag faleg nib falfalan’.
Meybil ko tabinaew ni kan fil
Meybil ko Tabinaew e rib e muruwel nib mangil ni ngan fil.
Gubadag rogon ni ke fil e chitamangin Predident N. Eldon Tanner’s rogon e meybil ko tabinaew. Ke yog Presisdent Tanner e biney:
“Kug nang ni reb e balayal ni kug rugbug ni gu meybil gaed u tabinaew, me ga’ar e chitamag ko Somoel, ‘ke rin Eldon ban’en e diba susun e dabi rin’; Ke kal’ngan, ma fa’an ni gara n’agfan rok, dabi ke rin biyay.
“Ku ta’ u wanug ni dab kug rin’ biyay—be alamrin ko kalbus ni gu rin’.”7
Nap’an ni kugub pagal, bay bochingyal ni dabug gubin e meybil u tabinaew, gu lam nag, “Gathi fagin meybil gaed ni dawur i nuw nap’an?” Chiney, gadaed e labthir, gum nang ni dabiyog ni ngad meybil gaed ni bo’or y’ay u tabinaew.8
Gubin ngiyal ni guma’ ta’fan e chitamangdaed nu tharmiy ni gu weliy Yesus Kristus ni Faak nib t’uf rok.9 Gub falfalaen nga ni guma pii’ e meybil rok pi fakag ni gube yog fithngan raed ni yaed be motoyil ngog ni gube n’on ko chitmag nu tharmiy urgon ni yaed fani t’uf rog. Boed ni dariy bingyal’ ni guma weliy e t’ufeg rodad ngak pi fakdad nge taw nga nap’an ni kug meybil gaed u ta’abang fa gu ba pi’ed e tawa’ath ngoraed. Nap’an ni yira mukunuy u tabinaew ni nga meybil u fithik e sobt’an, bagafan e ne’n nga weliy ni kan fil.
Pining-Ngan fil
N’en ni ke fil e labthir e boed e murwel. Gubin ngiyal’ nib tuf’ ni ngad filied ngak pifak daed ni machane dowur niged ko mang e ra buch rok.
Gaed boed fare Tathapeg, nima weliy ni gubin ngiyal “dani boch u synagogue mab pagan’, ni gubin ngiyal—nap’an nibe abich rok pagilchalpen, ke fek e rran u luwed, fa yan nge thumur ko gakiy.”10
Boch e duw nga faram, me weliy e nina’ rog mornga’agen la’agruw e gospel ngak walageg nib pagael nib ilal, Matt, biyay e be tetaer e mad nge ku biyay e fek nga dentist. N’en ni gubadag ko nina’ rog e ma yog ba fil ngak pi fak.
Thin rok e labthir e dabi ma’. Nap’an kug pigpig ni bishop, ma nina’ rog, 78 e duw, ke yog ngog nib t’uf ni ngu thab piloligeg. Ma nang ni gu ba t’uf ni gu mang kanawoen, ni dani tamra’ ni nge yog ngog. Gab t’uf rog, Nina!
fulweg ngak pi fakag fa pifak e fakag ni fa’an e darninged e n’en ngan fil.11 “Boch e n’en ni ngan fil nib mangil e ngan tabab ko fith e duwer fa lemnag rogon e gafgow rok choggin e tabinaew.”12 Gadaed be motoyil e yingal nem?13
Gubadag ni ke yog Apostle Peter: “Falaeg rogom ni gubin ngiyal ni ngam fulweg gubin pumo’on [nge mug ta’ boch, bitir] mag fith ko mang e gabe athapeg rom.”14
Nap’an ni kab fal’ yangren, papa rog nge gag e gumow ma falfalaen’ ni guyew ko mini romow e bagel. Mag mow astliy paa’ mow nib machacha’ ni nge amith, dag kug adag e chiney, ma yingal nem. Nap’an ni kug mu’ gow ko ta’reeb e gosgos, Me sap papa ngog megar, “Bagel’ pa’am, o fakag. Gube athapeg ni nge paer pam’ nib gel ni dabi math ko ppin.” Me yog ngog mi gu paer nib be’ech ni gu ayuweg boch e girdii ni ngar pared ni yad be’ech.
Elder Douglas L Callister e ke weliy mornga’agen e papa rok: “Nap’an ni ke mu’ ko murwel ni ke sul nga tabinaew me ga’ar e chitamangin ngak, ‘Ku pii e melgach rog e diba. Mug yeloy “kamagar” ko melgach. Gubadag e tawa’ath ni ma pii’ Somoel ko tabinaew rodaed.’”
Ke thang Elder Callister e mukun ko Chitamangin nib sensey: “Ke fil la’agruw kanawoen nge ngongol ni ngan fol.”15
Gube lemnag nib mangil ni ngan fithdaed ni boech ngiyal, “Mang e guweliy, ara mang e gu fil, pi fakag yib ko kanawoen e ngongol rog ni kug fol?”
Babiyor nib Thothup ni kan fil ko Tabinaew
Babiyor nib thothup ni ngan fil ko tabinaew ko gin ni yama fil e doctrine riy ko fare tabinaew.
Ke ga’ar President Russell M. Nelson, “Gathi yigo galabthir e ba gel ko sabathin ko fare Somoel, ma bay e murwel rorad nib thothup ni ngar filled ngak pifak raed.” 16
Julie nge gag ni kug chugliyew e batir romow, magmow faleg u gelnginmow. Ta’areb e duw, magmow lemnag ni gu bi’egew fare Babyor Ku Mormon ni Spanish u ta’abang. Arfan ni ke pining Somoel boch pi fak daed ni nge pigpig ko full-time mission ko mission ni yama thin nu Spanish? Es possible [ra buch].
Kug thamiy rog nib gel ni nap’an Walageg Brain K. Ashton e ke weliy ngog ni ir nge chitamangin ni yow ma bi’eg fare Babiyor Ku Mormon u ta’abang ko bin tumur e duw u high skul. Brother Ashton e ba adag e babyor nib thothup. Ke ta’ u wa’an nge gumircha’en. Chitamangin e ke yung e awoch nap’an Walageg Ashton e kab fel yangren, me ra awoch17 nem e ke tugul likin nib to’or ko gakiy ko riyul’. Walageg i Ashton e ke rin ta’ab rogon ngak pifak nib ilal.18 Meruk-e duw e batir rok nib pagael me fith ngak, “Papa, wi’in e ngad be’iegew fare Babiyor Ku Mormon?”
Kanawoen ni ngan Fil
Tumor, Ngongol romaed e galabthir e ngan fil kanawo’ nib mangil. Gamaed be yog ni “kanawoen e yul’yul’, yoley, sabathin, t’ufeg, yael, mich, be’ech.”19
Nap’an e chur romow ne’, Julie nge Gag e gu wan row nga galasia mag mow fek fare verse nga lan e yafos rom. Bee’ nib pagael, e bay yan ko mission rok, ke n’on ko mulo’ong ko sacrament.
Ke ga’ar, “Gabe lemnag ni papa rog e bee’ nib mangil ko galasia, machane...” Me tal, mug gurgur ngog lem ko mang e ke yog e bin magid. Me ululuy ni ga’ar, “… i ir e bee’ nib tha’bi mangil u tabinaew.”
Kug pining e magar ko ra pagael ney ko n’en ni ke yoeg ngak e chitamangin. Mug nang ni chitamangin e bishop ko fare ward. Demturug rogon ra bishop ney e be pigpig ko ra ward ney nib yulyul, ma batir rok nib pagael e ke thamiy ni ma fal’eg e murwel nib tha’bi yulyul rok u tabinaew.20
Elder D.Todd Christofferson e yog: “Bo’or kanawoen nra yog ni ngad faled fare...chugol boch ngaram, susun ni ngad talaged e lem nge tinuy ngoread. Urgin, ngad ulul gaed i ayuweg e labthir ni ngar pagan’ raed ni ngar manged sensey… Susun e kanawoen.”21
Aram rogon ni ma fil fare Somoel.22
Nap’an e chur romow n’ey ko la’agruw i bitir romow nib falyangren, me yog Julie ni gu rinned e tawfe’ ko yam ni la’agruw yang u St. George nge San Diego pi Temple. Mug nonnon—ngog—mug lem nag, “Kug warow u temple u tabinaew, ma chiney ni gomow bay ko chur. Mang fan ni dabog rinew boch ban’en nib lag rogon ko chur?” Kug mu’ gow ko Tawfe, ma ba adag Julie ni ngan feek e sasing u temple u wan’, mug nonnon—bayay nib achig lamag. Rayog ni ngam sana’ nag ko mang e kug rinew e bin maged—kug fekew e sasing.
Julie e badag ni nge yag e pii mangil ko batir rok ni urgon ni ke ayuweg pi girdii’en, nge ku argog. Dani t’uf e lesson ni mornga’agen e temples. Gomow ba paag ir—kamagar e nina ni ba adag e temple ni ba adag ni nge dag e t’ufeg.
Gadaed e labthir ngad ayuweged gaed magdaed dag kanawoen nib mangil, ma re tawa’ath e pi batir ni manachebog.
Bin Tomur
Gamed gubin ni gamed be gay rogon ni ngam filed ko tabinaew romed, gamed ea pitag e gapas nge falfalaen ko murwel romed. Fa’an e gabe thamiy ni ngam monog fa ba t’uf ni ngam faleg rogom, wineg mu fulweg u fithik e subt’an ni fare kan thothup e nge mungy nigem ngam mithmith.23
Elder L. Tom Perry e yog, “Fare be’ech ko ulung, falfalaen’ ko gidii, e ra yal’uw, gapas e yara pitag ni kan fil ko batir u tabinaew.”24
Argon, dakuriy bee’ u tabinaew rog, ma kug be yan ni gub panag ni gu patag boch wo’an ni ngug fil ko batir rog ni ke pilal, nge batir rorad, nge boch ngaram, Gube athapeg, batir rorad.
Gube ning e ayuw u tharmiy ni ngad boeded e ngongol ku Kristus u tabinaew rodad, u dakaen fithingan Yesus Kristus, amen