Musap! Pi Salthaw Nib Tolang

Pi Walageg ko priesthood nib t’uf rog, u fithik e sobta’en nib mangil gube sakiy u powcha’en e ra ya’at ney, murwel ni ke yib ko profet rodaed nge President, Russell M. Nelson. Urogon ni gube’adag ni ngan fek fapi pumo’on ku Got nge Bin Somm’on e Presidency. Gube micheg ko n’en ni Elder Christofferson nge boch e pi pumo’on ko fare Ulung ko fare Ragag nge L’agruwi Apostle ni ngan thilyeg i weliy e biney e balayal’ urogon fare murwel rok Somoel.

Woed rogon ni weliy President Nelson, iraray e tin nib gafan ni kug yibliy ni ngan weliy ni gube lemnag ni yib rok fare pumo’on nib labthir ko fare Galasia nib n’uw napan. Fare athapeg e ngan lemnag ni ba’adag fare Somoel nge pi gelngin fare ulung ko Melchizedek Priesthood. Ke thap e thogthog, biney e balayal e ke nang fare profet fare murwel ku Somoel. “Dabi rrin fare Somoel ni Got, machane bay pi e n’en nib mith ko tapigpig rok fare profet”!¹ Urogon ni kan tawa’ath gaed ko fare profet rodaed e diba!

U lan e yafos rodaed, Sister Rasband nge Gag e guchur gow u fayleng ko Galasia nib tilthil nge boch e murwel nib mangil. Kug guy urngin e unit nib yiram ko fare Galasia: bin ba achig e branch u Russia ko gin ni bay e Melchizedek priesthood ni rayog ni ngan pag’ean ngoraed, bin be’ech e ward ni tugul u Africa ko gin ni bay e high priest nge elder nib gaa’ ni ngar bow nga ta’bang ni machane urin e Melchizedek priesthood e buchuw, kan yarmiy e ward ko gin ni bay fare elder riy ni ngan t’ar ko l’agruw e ulung!

Gubin yang ni gamow be yan riy, kug michegew ni fare Somoel e be yan u powcha’en fapi tapigpig, ni ke yarmiy e gidii’ nge kanawa’en fapi batir ni fak ni nge tawa’ath nag raed ko n’en nib t’uf roraed. Gathi ke micheg ni nge “yan u puwha’en [daed]” nge “me paer [rodaed] ko mataw’ nge gilay’ [rodaed]” nge “yael nib thothup rok e bay paer u gumircha’en daed, nge pi angel [rok] e nge yaleg [daed]”?²

Gu lemnagmed, Kugum nang fare hymn “Musap! Pisalthaw Nib Tolang”

Elder Christofferson ke fulweg boch e duwer ni marngagan ni kan weliy ni pi ulung ko high priest nge pi ulung ko elder, ulan e pi ward, e kan ta’ raed nga ta’abang, gangin, nge ulung ko pumo’on ko fare melchizedek Priesthood.

Piney ni kan thilyeg e ra ayuweg e pi ulung ko elder nge Relief Society ni ngar murwel gow u ta’abang. Ra m’um e mo’olung ko ulung ko fare bishopric nge mo’olung ko ward council. Kar pi’ed mat’won fare bishop ko murwel nib yo’or ko fapi ulung ko elder nge Toygang’ ko Relief Society ni fare bishop nge ta’ayuw rok e ngar t’yan raed ko murwel—cha’ nibe presiding ko bpin nib rugod, nge fare pagael ni fal’ yangren ni bay e Aaronic Priesthood rok.

Kan thilyeg rogon e yaram nge mithmith ko fare Galasia ni danitareb rogon. Napan 1883, Fare Somoel e ga’ar ko President John Taylor: “[Lemnag] ni cha’ ni gaa’ ni nge yarmiy fare Galasia nge Priesthood… Bay gudag ngomed, ko ngiyal nge ngiyal, ko fare channels ni gube yog ngomed, gubin ban’en nib gafan ni nge yag boch ngaram nge mangil ko Galasia, piney ni ngan thilyeg e be mon’og nag galilngug.”⁴

Buchuw e sabathin ngomed e pumo’on nib high priest—ngam nanged ni gamed bat’ufmed! Chitamangdaed nu Tharmiy e ba’adag maed! Gamed ma’un ko fare ulung nib tolang ko fare priesthood, dabiyog ni ngan monog gaed ko ngongol romed nib mangil, pigpig, pin’en ni ngam ninged, nge mangil. Ke fil Alma ni kan pining e gidii’ ni nge mang priest ni bachane mich roraed nge murwel nib mangil ni ngan fil ngan machib nag boch e girdii.⁵Binem nike buch e ba tu’uf e chiney nge sana kuboech nga m’on.

Boch e ward, bay e high priest ni nge yag fare murwel ni nge gagyeg ko elder nge president ko ulung. Bay e wok ko pi elder nibe gagyeg nag e ko high priest: pi elder e be pigpig e chiney ko branch president ko boch e taliw u fayleng ko gin bay e high priest riy ko fare branch, nge bay boch e branches ni yigo e ulung ko elder e bay yaram nge high priest ni bay.

Mang e falfalaen ko gubin e nibay e Melchizedek Priesthood roraed ni bay e tawa’ath ni ngan nang, fill, nge pigpig u ta’abang ko gubin chonggin e ward roraed. Demtrug e gin ni gabay riy nge pi gafgow ni bay, gamaed be meybil, mich, nge falfalaen nib be’ech ni nge yag nge gagiyeg nag e murwel ara ngan pigpig u ta’abang ko pi pumo’on ni bay e priesthood rok.

Bay gog e chiney boch ban’en, nib t’uf ni ngan chuweg, ni napan ni gadaed be yan nga m’on ma nge yag mam’ean fare murwel ku Somoel ni marunga’agan fare yaram ko pi ulung rok nge priesthood nib thothup.

Mang boch ban’en ni ke thil ko ulung ko stake high priest? Pi ulung ko stake high priest e ra ulul ni nge mithmith. Stake president e bay ulul i pigpig ko fare presidency ko fare ulung ko stake high priest ni ngan un e chiney ko high priest nibe pigpig ko fare stake presidency, nge chonggin e ward bishopric, nge chonggin fare stake nib tolang ko mo’olung, nge mithmith ko patriarch. Ward nge stake clerk, nge murwel ko secretary e gathi chonggin fare ulung ko stake high priest. Napan ni bay bee’ ni ma pigpig ni gubin ngiyal ko high priest, patriach, medlip i rigag, ara Apostle ni ngar baed ko ward ni ngar runed ko mo’olung ko priesthood, e yaed ra mada ko pi ulung ko elder.

Napan e pumm’on ney ulan e muruwel’ roraed e ngan chuweg daed ko ngiyal, ni ngar sulod nga tabinaew ko pi chonggin e fapi ulung ko elder.

Mang e murwel ko fare ulung ko stake high priest? Fare stake presidency e kar mada’ ngad chonggin fare tolang ko fare ulung ko pi high priest ni ngar mo’olung gaed nga ta’abang, ni ngar micheged, ni ngar pi’id e pin’en ni ngan fil. Mo’olung ko stake e kan weliy u lan e babyor ni nge yag ni nge ulul l’agruw:

Ta’reeb, wards nge stakes nge cha’ ni bay e priesthood rok e dab kin tay’ e priesthood executive committee mo’olung. Fa’an e bay boch e magawon ni ke buch, ni boed e riya’ ko tabinaew ara magawon ko salpiy, rayog ni ngan weliy ko mo’olung ko bishopric. Boch e gidii e bay e magawon rok nrayog ni ngan weliy ko mo’olung ko ward. Mang e kan nang ko mo’olung ko stake priesthood e yira pining e “mo’olung ko toy’gang.”

L’agruw, fare mo’olung ni ngan pi e high priest u lane stake e dab kin ta’. Dariy rogon, fare stake presidency e ra ululuy ni nge kol fare mlo’ong ko fare ulung ko pi stake high priest ni boed ke weliy daba’.

Rayog ni nge yo’or e pi ulung ko elder ko ta’reb e ward? Fare fulweg e arrogon. Ko fare yael nib mangil ko Doctrine and Covenants thalni 107, verse 89, napan fare ward e ra yo’or e Melchizedek priesthood, toy’gang e bayaram ko urngin e pi ulung ko elder. U rogon boch e magawon ko ulung ni nge ta’reb rogon e duw, nge pin’en ni yimnang, nge priesthood office nib gel.

Gube micheg ni fa’an ni gamed dadred ko biney e ulung nib yaram ko ward rodaed nge stake ni gadaed ra guy e pi tawa’ath. Gu ba adag boch e wok.

U tan paa’ fare bishop, Boch mam’aen e priesthood nib yo’or e rayog ko fare murwel ko wo’en. Biney e ma’un fare ulung nga ta’abang ko Israel u temple nge Yaat ko murwel ko tabinaew, Murwel ko tabinaew nge pi cha’ nib tug e ayuw roraed, nge ayuw ko tamachib ni ngar feked boch e yael ngak Yesus kristus.

Pi toy’gang ni yaed ma presiding e kar sulod ni ngar roged e pin’en ni yaed manang ko ulung ko pi elder, bin ba gel e ulung nge pi chonggin e yaed ra dag.

Bay e tawa’ath nib mangil mab thil nge urngin u lan fare ulung.

Bay boch banen nib m’um nge ngiyal ni ngan mada’ e chiney nge tin nib tu’f nib tumgin ko fare ward nge ulung ni nge yag ngu machib gaed ko rinned e murwel romaed.

Ma ke yo’or e mangil nge kar uged tin nib be’ech e elder e ke nang e pin’en nib high priest ni ngar ruged e pin’en ni yaed manang, barba’ nga barba’, ko mo’olung ko ulung nge murwel.

Bishop nge branch president e yaed be athapeg ni nge yag ngan mu’ nag e murwel roraed u galasia ni ngar machib niged e picha’an nib tu’uf.

Gube nang fan ni gubin e ward nge stake e bathil. Napan ni gadaed be nang fan rogon nib thil, gamaed be athapeg ni ngam rined e piney ni kan thamiy ni ngan thilyeg ko ra general conference ney. Kan pi’ e pi kanawo’ ko profet ku Got! Mang e tawa’ath nib mangil nge murwel. Ngad rinned e pin’en nib mangil nge yul’yul’!

Gube pogran ngom ni mat’won e priesthood e ke yib u kanawo’en ni yibe palog nag nge yebliy, nge bin riyul e gelngin e priesthood, fare gelngin u dakaen fithngan fare Somoel ni Yesus Kristus, e ra yib ko ngiyal’ nib mangil.

Fare Somoel e yog ko Joseph Smith, fare profet ko fare Sulyarmen:

“Musap, nge guy, bay gu ayuweg e galasia rom, nge yo’or e pi elder nge yan ngoraed.

“Ngu, Bay gu pi e murwel rok nib papay ko ngiyal ney.”⁶

Riyul, iraray e ngiyal’ napan fare Somoel nibe muruwliy e murwel rok nib papay.

Gube athapeg ni gadaed gubin ni nge yag ni ngad lemniged nge manog e yafos rodaed ni nge mangil ko murwel rok ni nge yag e tawa’ath ngodaed nib yo’or ni ke micheg ko u fithik e riyul nge mich.

Pumo’on, kamagar ko urgin banen ni kam rrin ni kam un ko biney e murwel nib gafan. Dared nga m’on ko biney nib mangil nge mada ko tomur.

Daba’ e kaed sak’iy gaed ni gadaed gubin ni ngad micheged fare Somoel ni ke pi e murwel rok ko pi profet rok, president Russell M. Nelson. Gube micheg ni ir Got ko profet u roy u fayleng. Gube micheg ni fare Somoel Yesus Kristus, ni ir fare tabyul rodaed nib mangil nge Somoel. Iraray e murwel rok; iraray e murwel rok, ni gube micheg u dakaen fithngan Yesus Kristus, amen.