Gubin ni marnga’gan e girdii’

Napan ni gube faleg rogog ni gu wa’an ko murwel ko fare na’un nib gafan Paris French temple, Bay banen ni gumnang dabug putlin. Ko 2010, napan ni kan patag gil fare temple, ma fare city mayor e badag ni gu mada’ gaed ni nge nang boch marnga’gan e Galasia. Biney e mulo’ong e yibe lemnag iraray rogon ni ngan tuy’ fare na’un. Batuf’ romaed ni gu falaged rogon I weliy ni ma’un boch e sasing ko temple ni Fan ko Gidii’en Got ko Tin Tumur e Rran. Kug athapeg ni nge fal ya’an ni nge un fare mayor ko n’en ni yibe ngongliy.

Ma falfalaen rog, fare mayor e non dani yaliy e n’en ni kug faleged, ir nge ulung rok e badag ni ngar ninged mang galasia e ray. Bin maged e pol, kan paning maed biyay ni gu rung’aged e pin’en ni yib rok e city councilor ni ir e mang reb e toyg’ang ko galasia. Me ga’ar, “dariy rib, gamed badag ni gunanged ko mini’ chonggin e galasia ro. Sumo’on, guned ko mulo’ong ko sacramet. Ngug pared u tomur ko chapel ngug gayed e girdii’ nib felrogon ko mang e yaed be rrin. Mag maed guyed e pi bagul yiror- picha’an ni yaed be paer u tuban e stake center- magmaed fith ko mitimang gidii’ ko mormon e yir.”

“Ere mang e ngam mog ko tumur?” Kug fith, ni gube thamiy buchuw e mag’ar. Me fulweg, “Kug patagned ni Fare Galasia rok Yesus Kristus ni Fan ko Gidii’en Got ko Tin Tomur e Rran e bachuchugur ko Galasia rok Yesus Kristus kko gubin raba’ e galasia ni gamaed manang.” Ke churgur ni gu non. “Gathi argon! Gathi galasia nib chuchugur; iraray fareGalasia rok Yesus Kristus-fare Galasia tare’eb rogon, fare Galasia nib riyul!” machane mug athamgil rog gu meybil nib achig lamag u fithik e sobt’an. Fare mayor e weliy, rogon e n’en ni kar pataged, ir nge ulung rok e dariy ban’en ni yaed ra yog mornga’gan fare temple nga toy’.

Diba’, napan ni gulemnag e pi mang’ang ni gumnang, kug thamiy ni kug falfalaen ko llowan nge yael ko pufthin. Ke nang fare key ni nge nang fan fare Galasia gathi ngan yaliy ya’an makan yarmiy machane byulyul ko beyu’ i chonngin, ni yaed be gafgow ni gubin e rran ni ngar ranned u kanawaen Yesus Kristus.

Fare Fithngan fare Galasia e kan fek ko fare Babyor ku Mormon nibe ga’ar, “Nge meyaed [fan’ fare gelchalpen Somoel] nra tawfe’ u dakaen Fithngan Yesus e yra paning fare galasia Kristus.”¹

U reb e thin, fare Galasia e ba lagfan ko girdii. Be lagfan ngom, fare Somoel gilchalpen-cha’an ni badag ni nge un ngak ni kefek fithngan nge dakaen rogogn ni ke micheg.

President Russell M. Nelson e tareb nag fare Galasia ko karo nib fel’. Gadaed gubin ni gadaed badag nib be’ech ma be mat’ ram’aen e karo rodaed. Machane karo e gathi machane nge paer ngan yaliy; ni ngan batigtig e gidii’ u lan e karo.² tareb rogon, gaed, chonngin fare Galasia, bay bang nib fel’ ya’an ni gadaed ma meybil riy nib be’ech mab yiram, kug falfalaen gaed ko program nibe yan nib fel rogon, Machane ra system ney, e nge pining e pumo’on nge bpin ni fak Got ni ngar baed ngak Kristus ni ng gagyeg nagraed ko kanawo’ ni micheg.dariy bane’n nib gafan. Murwel rodaed e marnga’gan e gidii’ nge micheg.

Gathi mangil ni fare fithngan’ e kan pi nge dakaen e thoghtog ko fare Galasia ni kan fulweg ni lugruw ban’en nib gafan ko gospel ni ngan micheg? Sumo’on fare fithngan Yesus Kristus. Biney e Galasia e fan, ke yim nge dakaen e kuruth nge michmich kanawaen e wo’an nge falfalaen. Fare bin maged e ba lagfan ngodaed: Fare gidii’en Got, ara rogon ni ngan weliy, ir e micheg nge Gilchalpen.

Kug fil nib gafan ngan sap ko girdii napan ni ug pigpig ko stake president u France. Bin sumo’on e pigpig rog, ni bay u wanug ni bay boch ban’en ni kug tan’om nag ni fan fare stake: fare ward ni kan toy’, fare naun ni fan’ e ulung, nge murwel ko temple u tuban daed. Napan ni kan chuwegig nel’ e duw nga tumran, ma dawur rug rrin boch ba’nen. Kug thamiy ni kug mowar ni dag mu’ nag, urgin napan e nel’ e duw, bo’or ban’en ni kug rrin nib thil.

Ere gu paer ni gub sakiy ko gin kan chuwegig riy, kug thamiy nib gel e sobt’an nge n’en ni ku mu’ nag. Kug yaliy owche’an ra’ay chonngin ni karroned.

Bay e pumo’on nge bpin ni kar tawfe’, ni nge signed ko bin sumo’on nge yib mat’won ni ngan rrin fapi gam’ing nib thothup ko temple, Pi falyangren nge mabgol ni ngan pining raed ara chuwegraed ko murwel ko tamachib. Bay boch e girdii ni kug machin nag e yaed be yan u fithik e denen nge gafgow u lan e yafos roraed. Kug thamiy e tufig roraed. Kug panaeg e falfalaen ko pigpig mo mge gel e yulyul nge mich ko fare Somoel.

Ke fil President M. Russell Ballard, “Mang e bagafan ko fare murwel ko Galasia ni danir yarmiy ngan weliy ko mulo’ong ni yibe ta’ machane demtrug ta’reb e girdii’- nibe machib tabyay ni boed ni ke rrin fare Somoel- e be chibey ngan thil.”³

Pi walageg nib pumo’on nge bpin, kagdaed bagel ko fare gaspel, ara kagdaed magawon ko fare Galasia? Fare key e ngan dared ko fare kanawo’ rok fare Somoel ni ir e gubin, fan e danga, mang ngad lemniged ni ngad pigpig gaed ngak bee’ ko biney ni ngan faleg boch e program.

Gamed ma fathith med u rogon ya’an fa’an e nge yib fare Somoel ko ward ara branch e bin maged e madnom? Mang e ra rrin? Nra mag’ar ni nge nang ni fare sasing e mangil ara chiya nib fel rogon u classroom? Ara ra gay bee’ ni nge tufig, fil nge tawa’ath? Sana ragay fare chonngin nib be’ech are fagar ni nge non ngak, nge gay pumo’on fa bpin ni walagey nib btuf’ e ayuw, ara ayuweg e falyangren nib tuf’ e ayuw rok.

Mang classes e nra yaen Yesus ngay? Rag falfalaen ni fan ni nge yan ko batir ko sumo’on. Ra rugbug nga bu’ut nge non nibe sap ngoraed. Ra weliy e tufig rok ngoraed nge yog e ya’at ngraed, falfalaen ngoraed ko pin’en ni kar loyed, me micheg e Chitamangin u Tharmiy. Ngongol rok e m’um,riyul, dariy e magawon riy. Rayog ni ngar rinned e tin nib mangil?

Gube micheg ngom ni fa’an ni gara rrin e tin ni badag Somoel, dariy banen nib gafanma ngam gay e pi gidii’ nra rayog ni ngam ayuweg nge tawa’ath. U Galasia ma ngam tunum ko n’en ni ngan fill ngak tabee’ ni kar thamiyed u kumircha’en raed. Ma gathi marngagem machane marngagaen e picha’en ni yibe pining e walagdaed nib pumo’on nge bpin ngak.

Boch e ngiyal ma gadow ma weliy ni ngan yan nga Galasia. Machane fare Galasia bo’or ban’en nib gafan ko naun ara gin’en. Machane riyul mab fas ni fare sumnguy ni ngan yaan ngay u roy u fayleng e fare Galasia headquarters u Salt Lake City. Fare Somoel ni ir rok e ga’ar, “Gin ni bay lugruw fa dalip ni ngar baed nga tabang u dakaen fithnga’ag, ni gubay roraed.”⁴

Kan thamiyed bo’or banen ko fare Galasia demtrug ko gin ni gaed be yan riy: murwel, skul, chur, nge bin nib gafan e tabinaew rodaed, Gin ni gaed bay riy nge ngongol rodaed e rayog ni ngad pataned ko gin nib thothup.

Kugum nang ko mang e guweliy e fagar rog ni gathi ir e chonngin fare mich rodaed. Ke falfalaen ni ke nang ni gubin e pumo’on nib mangil ko Galasia rodaed e bay fare priesthood rok, Me fith, “Machane bu’uw urgin e cha’an nibe kol e priesthood ni bay ko ward rom?”

Mug fulweg, “thilin e 30 nge 40.”

Ma’athuk, me ululuy, “U lan e mulo’ong rog, bay tare’eb e priest. Mang fan ni bo’or e priests ko madnom ni kadabul?”

Badag e duwer ni ke yib rok, kug thamiy ni gubadag ni gufulweg, “Maga’enug ngom. Dagur lemnag nib batuf’ ni bo’or cha’an ni ma kol e priesthood u galasia ko madnom. Machane batuf’ romaed e priesthood u tabinaew. Nge napan ndariy e priensthood u tabinaew, me boch e priesthood e kanog ngoraed ni ngar yaliyed me yaed machib ko fare tabinaew.”

Gamaed e gathi madnom u galasia. Liyor romaed e ba’ulul ni gubin e rran u lan reb e week, demtirug e gin ni gamaed bay riy nge demtirug e n’en ni gamaed be rrin. Tabinaew romaed e “Gin ni gamaed ma fill e mich riy.”⁵ gubin ngiyal ni gamaed ma meybil u tabinaew roamaed, Gamaed be tawa’ath, gamaed be fil, gamaed be fil e thin rok Got, nge gamaed pigpig u fithik e tufig. Gube micheg ko n’en kug nang ni tabinaew romaed e ba thothup nrayog ni nge paer e yael nib thothup riy- ni gubin ngiyal, nge boch ngiyal fa uran i ngiyal, e gin ni gamaed ma meybil riy.

Gube micheg nra Galasia ney e fare Galasia rok Yesus Kristus. Bagil ni ke yib ko ngongol kobiyu I gilchalpen nibe mowar ni ngar raned ko wok rok ni yib ko tufig ngak boch e gidii. Kubay Kristus, nibe gagiyeg nag e ra Galasia ney. President Russell M. Nelson e ir e profet ni ke yog ni gagyeg nagdaed e diba. Ko piney ni gube micheg u dakaen fithngan Yesus Kristus, amen.