Machib

Kammagar, Elder Gong nge Elder Soares, ni fan fare mich romew nib mangil. Gamaed be pining e magar ngomew nge figirnginmew.

Pi walageg, urngin ni ngiyal’ ma gamaed be gay kanawo’en rogon ku Somoel fan e rogon ni rayag ni ngad ayuwegned gidii’en Got ngan fol ko fapi motochiyel rok, ni rib ga’ ni fagli motochiyel ni nge t’uf rom Somoel nge buguliyoror rodad’. ¹

Bukun e pul ni gamaed ba gay rogon kanawo’en nib mangil ni ngan machib min ayuweg e tin nib t’uf ko ya’al nge feyleng rok fapi gidii’ rodaed ko wo’en fare Tathapeg.

Kug dugliyed ni nggu tal’agned fare home teaching nge visiting teaching boed rogon ni ngad nanged. Aram e chiney, Gadaed ra ngongliy reb wo’en ni kab be’ech, mab thothup ko rogon ni ngad machibgaed ngak boech e gidii’. Aram e pin’ey ni bay un rin’ e nganog e “machib” ngay.

Ni pi machibney ni bay un tay e be yib u to’owath rorad fapi ppin nge fapi priesthood ni kan puthuy raed nga ta’abang. Ba t’uf e biney ni nge ayuweg daed ko fapi lumel rok fare mo’oniyan’.

Elder Jeffrey R. Holland ko fare Ulung ko fare Ragag nga L’agruwi Apostle nge Sister Jean B. Bingham, General President ko fare Relief Society, e bay ra weliyew rogon ni fapi mo’on ni kan dulgiy nibay fare priesthood rodaed nge fapi ppin ko fare Relief Society nge fare Ppin ni Rugod e chiney e ngar pigpig gaed ni ngar matan giyed fapi gidii’en e Galasia nibay u dakan fare fayleng.

Fare Bin Somm’on e Presidency nge fare Ragag nga L’agruw e bay ra ta’areb gaed ko fapi lungun roraed. Yibe meybil ma yibe og nag e magar ko biney e guruy nib thil nike buch ulan fare Galasia. U dakaen fithngan Yesus Kristus, amen.