Molasm el—mo Cherrungel

A chedaol llechukl a milluches lomekngeltengat e melisiich er kid, e kmal uaisei. Doldanges er a babeluades ra bek el bliongel ma bades el bla dengai. Engdi ke mla omtab el kmo a bebil ra taem e a bades a duum e mekletkid el kmong diak el kired el keltmokl a ngercheled? Tiakid a okesuil, sel Losisechakl ra Rois lomuchel el mekekokil, delmedemk el losisechakl, engdi a ikel bades loeak kuriul e kede mo medengei—a kuk bebil ra tekoi—ng diak el di lak domekeuad ng dirrek el diak el kired el kesib a rengud. Kede mo medengei el diak doruul a delbois el delngerengel eng di dirrek el diak bode melaok a rengud. Tirkel lolengit, de bsang a biled ma dirrek el likrel a biled. Kede mo betik a rengud ra cherreued, e moluluuch el kirir ma ruldechelakl er kid.¹

Alsekum me kede mla menguiu el me kirel tiang e kede ungil medengei el diak kede lemelemii e lotirakl a rokui el llach, kede ungil medengei el diak ke dotireklii sel lulebongel el llach el modars. “Ng kiriu elmo cherungel, el ua Demmiu … el ngara babeluades el cherungel.”² Ngokiu sel mlo merek el llach, eng soad el kosang e diak el soad el melasem e loltirakl a ikal losisechakl. Ng metacherbesul er kid a odekedek a ikal ngarbab el moktek. Engdi Rubak a diak el beskid a llach el Ngii a ungil medengei el diak ke do tirakl. Ka domes me de nguu a ker er tial mondai.

Ngar tial Ikelesia e ak rongesterir a re betok el meteteruach er tial mondai: “Tia diak el sebechek.” Ak kmal mechitechut.” “A kulngesonges.” Ak rongesii er a re ngeasek. Ak rongesii ra re misionariis. Ak rongesii er a re direk miltecholb. Ak rongesii ra re meketeketang el chad er a ikelesia. A dmolech osengel el redil ra Ikelesia a dilu el kmo, a diablong a meduch el mla remuul a ikal telbiil ma llach el kora delebeakl ma otuub. A bebil er ngii a bla le bult a belkul ma ulekrael ra ebangkelio elmo chetid e rullid elmo mekngit a rengud.³

A bok dung a diak el bol terebengii malechub e loridii a ngidil llechul a Dios el bla le beskid. A kumerang er Ngii el cherungel, e ak medengei el kede ngelekel er a reng lolab a chedaol el klisiich el mo uai Ngii. Engdi ak dirrek el medengei el sel de ngelekel a Dios, eng diak el kired el lomtelub e omekringel er kid, eldi ua domekcharm er kid er tial klengar el ua bol rellid elmo teletelel a chad el Dios a soal er sel diak a ulebengelel klengar. Ngdiak! Kede kongei el mouchul leng soad el mengai el mo melmalt a rengud, e ak kuureng me dosiik a ikel bode doseb er ngii lokiu a rael el diak ke bode secher el ngul malechub eng mekngit a omengeled, mekngit a rengud, malechub eng mechitechetong a rengud. Sei e a diakel soal a Rubak el kirir a rengalk er a Primary malechub eng ngidil chad el meral mengitakl el kmo, “Ak melasem el mo ua Jesus.”⁴

A doredem er tial mondai el mo klebechel, e kumeklatk er kid el rokui el kmo kede ngar ra ulebeteteluut el beluulechad e kuk chelechang e kede tilorech. Kede ngar sel longedei el duach er a renged el telestial lechukl er a t, engdiak el c. Eldi ua sera lolsisechakl a President Russell M. Nelson, tial klechad er sel mo mecherrungel a direk “melemolm.”⁵

Ngak a oumerang el kmo a Jesus a mle soal sel losisecheklel er tial tekoi el ua lodanges ra kmong techang e ua ngerang a Dios el Demad elmo Cherechar e ngera sebeched el kutmokl ersel diak a ulebengellel, ra kuk di blel belkul a omelekoi el loba el mellach el kirel a chelitechetud er tial klechad. Meng uaisei, ma ikal betok el ngesengesek e ak dmeu a rengukel medengei el kmo ngungil ma Dios a cherrungel—e ungil e le Ngii lokiu a tara okesiu, a sebechel lou beltik el reng ra re cherreuel. Ak dulii sei e leng ngoumesind er a taem, er ngkel di chad”⁶ ma redil teloi er kid, kau ma ngak a bebil ra taem a ngkeikid el cherarou. Ak dmeu a renguk e ungil ma Dios a sebechel lomekngeltengat er tirkel loldechelakl er Ngii e le lak el soad malechub eng diak er a rengud elmo uaisei, e kede rokui loldechelakl er Ngii er a bebil ra taem. Ak dmeu a renguk el Dios a chubechub e chad er a budech le a kusbech a klechubechub e a beluulechad ousbech er a budech. Ng uaisei, a rokui el de dung el kirel a klungiolel a Demad a dirrek el dolekoi el kirel a Dital Betik er a Rengul Ngelekel, el mle ngar e mlad el kirel seikid losisiu el cherrengelel.

A kuleached er a tekoi e domtab er a Demad ma Ngelekel ra ikel riruul ra kuk bai ikal telmelled el diak el beskid a ngimech elmo smaod a diak lulekereu el klengar malechub eng ngosengesii a klechad er kid. Ngdiak, a ebangkelio a mlo sisechakl er a uchelel e mloluut er chelechal taem “elmo mengerrungel er a re santo, … merkmo kid … a merael … mo mesebech ersel mui el cherrengelel a Kristo.”⁷ Ak di olecholt el bebil er a taem e a chedaol llechukl malechub eng cheldecheduch malechub eng moktek er a osisecheklel a llach a locha mekletkid el ua ngerang a klebkelel sel mui el cherrengelel a Kristo”⁸ mekrolii sel ngar kid el mui e lou beltik el reng e chemat er Ngii e mengai elmo soad el uai Ngii.

“Bom chau er a Kristo, e bo mecherrungel er Ngii … ,” a Moroni olengit. “Ngii olengit mel betik a rengud er a Dios loba mui el klisiched, uldesued, klemeriar reng, meng … mo kiu a kracia er Ngii e kede mo mecherrungel er a Kristo.”⁹ Sel rengudl a oureng sel klemerang e cherrungel sel melai er ngii sl sengk er a babeluades. Maleuaisei, e a krasia er a Dios a me rekid me bode sobel ra klengit el reng ma klengit ma kodall e dirrek e losebelid ersel di kid el blechoel el melemall er kid.

Mei me kusbech er a tara osisecheklel a Osobel el smodii tiang ra telkib el ngodech el teletael. A mesiou a mle belsel a king e ra telael ludoud. Ngorenges e ra mesiou el lolengit er a kelou el reng ma klechubechub, “ngkal meredel er a mesiou a mlo uedikel er a klechubechub, e … ulsubes … a belsel.” Engdi ngikal losisiu el mesiou a dimlak el lousubes er a tara mesiou el mle belsel ra dart el sens. Mal rengesii tiang, e ngikal meredel a ulemekikngit el reng elmo re ngkel lulsubes er ngii, “Ng dimlak el kirem el dirrek el chubechub elmo re ngkel dirrek el mesiou el uai ngak el mlo chubkau?”¹⁰

Ngarngii a telkib el klekakerous er a uldasu ra re melomes el kirel sel klungel a udoud el ngar tiang, engdi sel betengel a omsodel, alsekum sel kekerei el dart el sens a dimlak el lousubes er ngii a mle dart el kluk er chelechal taem, esel teruich el telael el ludoud el blals eldi lulsubes er ngii a kmeed el tal bilion—malechub eng betok!

A blo le belsed, e sei a temamungel ochur, ngsel diak— kede bedesui. Ng uaisei, leng kirel a uai tial cheldecheduch, leng kirel el diak kede desang a delchel, ng kirel diak kede ngelakl er ngii elmo medengelii; e kal sebeched kede mo harau er ngii. Le tial cheldecheduch a diak el kirel tirkel terung el mesiou el kau mondai ra Beches el Renged. Ng cheldecheduch el kired, el delbechelir a rechad—eldi blals, el dengerengel, eldi kelbus el rokui. Kede bek el chad eldi blals, le Paulus a ulemeklatk er kid “rokui el dengerengel, e olngesonges ersel kracia er a Dios. A belsed el rokui el chad a mo mekelbus, e sei e kede rokui el dellochel a le mlak a kracia ra King er kid el mlo ngubetid me kede mimokl e leng Ngii el betik a rengul er kid e “uluuedikel loba klechubechub el kired.”¹¹

A Jesus a ousbech a diak dutab lolkael er tial tekoi e leng Tngakireng er Ngii el mlodars meng diak kede betebengar sel meringel lomelnget. Sei, sel kumes er ngii, a mo telkib ersel belkul a tekingel a Jesus el mellach me bode cherrungel. Me Ngii olengit er kid elmo chedaol er a mekekerei el tekoi me douedikel e losubes, e ou beltik el reng e melisiich a ikel mekekerei el delebdeb e lomelasem el dongerrungel a klengar er kid, e domuchel elmo medengei a ikel Demad ma Ngelekel olecholt, e mengebechabel el kired ersel diak a ulebengelel klengar me de mecherrungel, ersel diak kede betebengii el lolkael el bleketakl el kired.

Rodam ma rodos, engdi tal Jesus, e a klengar er kid el rokui er a omeroled er tial beluulechad a diak el klebechel, ma kuureng el de ngar tial klechad e kede mo melasem me de doseb e lak kede mecheteriall ersel tekoi el re hakase er a blekeradel a omekedong er ngii el kmo “chelteriall el soad el cherungel.”¹² Dongeroid er kid ersel luldasu, el kirir a rebebil, e bok dechelii, me tirkel mlo kedong elmo mesiou er a Ikelesia—e omtutk el kirir a re Uriul-klebesei el Santo el belkul a mora rokui el chad, e kid a mlokedong el mo mesiou er a ngidil basio.

Ngokiu tiang, e a Leo Tolstoy a miluches er a dilubech el mora baderei el luleltuub er ngii a tara chedal a ikelesia er ngii leng mekngit a klechad er ngii, me ngkal lomtelub a mla meruul er a uldesuel el kmo tial ebangkelio e lolsisechakl er ngii ngikal eleuid el baderei a dirrek el eleuid meng diak el klemerang.

Ngulnger el kirel tial lotuub, ma Tolstoy a miluches: “Mesa klengar er ngak er chelechang e momekesiu er ngii er a klechad er ngak er a ngara mong. Ke mo mesa el kmo ak melasem el loltirakl er a klemerang el kumerek er ngii.” Engdi, ngdiak el sebechel e lotirakl a ikel ngarbab a belkul e lolsisechakl, meng beches e louchais el kmo ngolngesonges. Engdi ngolengit:

“Mo delcheklak, tia kmal di ngak,” meng melmolm, “engdi modelcheklak er a bai sel rael el kultirakl er ngii. … Alsekum e ak medengelii a rael elmo remei mak merael eldi ngak el tang er ngii el cheltelaol leng ngak el mengitikak el mong e mei?

“… Lak lungil a rengmiu loldiu, ‘Momes er ngii! … Ngke kid el melkesakou el soisebang er a delemeklochel!’ Ngdiak, lak ke moldeu a rengmiu, e bai mngesukak el [lmuut elmo merael ra rael el mora Dios.]”¹³

Rodam ma rodos, kede bek el chad loureng er a klengar el ua Kristo ra bai kuk de doseb er a klechad. Alsekum me kede meral mesa sei, eng diak de cheblad; ke er de di chad. A kurreng me lak el telmelled, ma ikel diak do iiu el mlo ngesengesed molmuut er a ikel lungil de riruul, bol rullid el mou mededenger el kirel a cherrengelel a Dios malechub eng sel dolasem el loltirakl a telbiled elmo uai Ngii ersel diak a ulebengelel klengar. Alsekum ke dou tekangel, eng seikid e a mo ngodechid e churrengelid el rokir—el Beches el Renged el belkul a kmo cherrungel.¹⁴

A kuchais ra klebokel el omerolled, el mekedmokl el mei er kid el Tngakireng ra Rubak el Jesus Kristo a uchul, el Ngii a melemolem er a “ngara chubechub”¹⁵ mol muut ra Diak el Kodellel¹⁶ e Ngii a ngiluu a cherrungel el klebkall ra celestial.¹⁷A kuchais a bek el sikang e Ngii a, chimal el mildeel, a oldars el mer kid sel chubechub, lorreked er kid e melisiich er kid mol muut sel bo derei ra Rechad ra Blid ra Babeluades. Seikid el cherrungel taem, a kulasm el kirel, eng di ak ngesonges. Sel cherrungel el sengk, a kulemolem el mereng a saul kirel, eng di ak metitur. AK uaisei lultuil ra ngii el Cherrungel, Ngii el diak el ngesonges e diak el metitur ng ding betik a rengul er kid, el ngara ngklel a Ruabak el Jesus Kristo, amen.