Roba Chedaol Llomes

Bebil er a taem ea chedaol secher a mo er ngii leng uchul a klengit malechub eng telemall. Bebil er a taem aikal chedaol er a omngedmeklel a bedengem a meral mo diak lungil meng rullid el mo diak dodengei el kmo ngera uchul eng uaisei. Ngdi uai aikel chellibel er a bad, a chedaol ringel ma klengit el reng a sebechel merael mo meklou, meng beraod el kmal mla mo oberaod el mocha meringel dongol er ngii. El uai tial okesiu, sel ngercheled er a ureor, blid, ma ikelesia kede mo chemaot el kirel e obes lomdasu el kirel sel deureng er a ebangkelio. Ng sebechel el mo melchesuar el kmong mla mo diak a ngeral sebechek el remuul malechub a otireklel a llechul a Dios a diak el sebeched el remuul.

Engdi alta chedaol olasm a merang eng diak el bekul a kmong diak el mukar.

Kid a sebeched el nguu omekungil er a chedaol tekoi.

Mo lemuut raikel meringel el telemall er a chedaol—choi, dirrek ra ikel domes eng diak el sebechel mukar—a sebechel mo ngguu omekungil.

Re sechelik, sel omekungil klisichel a Jesus Kristo a diak le dibus er a chelechal taem.

Sel omekungil chimal a Osobel a sebechel mekngodech a klengar er tial taem el di uaisel taem sera le ngara beluulechad. Alsekum meng ngar ngii a klaumerang, e Ngii a sebechel ngmai a chimad, e mekeek a rengud loba llomes er a babeluades me a omekungil, e mengedecheduch er kid lolab aikel omekngaltengat el tekoi, “Bekiis el ngma berum e morael.”¹

Ngidil ngeral el luchul a chedaol rekted, eng ngar ngii a di chimol osisiu er ngii: ngdibus sel chedaol llomes.

Ilekolk a rullid meng diak dungil lomes. Ngrulii a osenged el mo mengirmerm el ngii a mle tal taem e blel lungil. Sel de ngara ilekolk, e kid a mo melilit a diak el lungil, eleng diak el sebeched el mes aikel kengaol el ngara roled. Sel de ngara ilekolk, e kid a mo diak doureng, eleng diak el sebeched el mesang a budech ma deureng el mengiil er kid alsekum kid a di outekangel el melemolm ra rael.

Llomes, a kuk ngar bitang, a rullid el mes a teletael el ngii a kirel uaisei. Ng rullid el mo medengelii a klemerang ma chelbirukl, er a delongelel a klou a ututelel me a kekerei a ututelel. Sel de ngara llomes, eng sebeched el melilt er a melemalt lokiu a merang el olisechakl. Sel de ngara llomes, e ngar ngii a “cherrungel el llomes el doureng”² eleng sebeched el mesang a olasm er tial klengar er sel diak a ulebengelel mokted.

Kid a metik a chedaol omekungil sel debor cheroid er a llechul a beluulechad e bai mo er a diak a ulebengelel llemesel a Kristo.

Sel dolechel a klemedengei er kid e doruul a aikel olisechak el kirel a llomes, eng mo sebeched el lomtok a chedaol secher el ngii a tomelid malechub eng melengel er kid er a bek el basio, bai sel kired el betok a klisiched, meduch a rengud, ungil a omeroled, e ngariou a rengud el loba chedaol priesthood—el meral mesiou e oltirakl er a betik er a rengud el diak a ulebengelel King.

A Jesus Kristo a dilung, “Ngak a llomes er a beluulechad: ngikel oltirakl er ngak a mo oba llomes er a klengar me ng kmal diak bo lorael er a ilkolk.”³

Tiang ngera belkul?

Beot el uai tiang: Ngkel ngariou a rengul e oltirakl er a Jesus Kristo a mo medengelii e olecholt er a Llemesel. Me tial llomes a merael mo klou di merkol choridii sel ilekolk.

Ng belkul a kmo ngar ngii a klisiich, el ngar ngii a mesisiich relii, el mla er a Osobel. Ng tuobed er a rengedel a Dios el mo mekeik aikal basio.⁴ Eleng tial klisiich a omekllomes, olkiis, e meluich er a klengar kid, el chedaol llechukl a blechoel lomekedong er ngii el llomes, engdi dirrek el omekedong er ngii el chedaol reng ma klemerang.

Chelsel a Doctrine and Covenants e kede menguiu. A tekingel a Ruabk a klemerang, ea ngidil klemerang a llomes, ea ngidil llomes a Chedaol Reng, el ngii el Chedaol Reng er a Jesus Kristo.⁵

Tial dmolech el luldasu—el kmo a llomes a chedaol reng, el klemerang, e tial llomes a melidiich el mo er a rokui el chad el mei er tial beluulechad—a klou a belkul el dirrek el oureng el kirel. A Llemesel a Kristo omekllomes e mekeek a reng er tirkel lorrenges er a ngerel a Chedaol Reng.⁶

A Llemesel a Kristo a mekekii a ikrel a beluulechad.

Ng mekekii a beluulechad.

E sebechel mekekii a bek el reng.

“Dios a meral di osisiu er a rengul a re bek elchad.”⁷ A Llemesel a mo era rokui el chad—re meklou malechub a re mekekekerei, re merau malechub a re mechebuul, re ngar ngii a techellir malechub eng tirkel diak.

Alsekum ke mekengii a uldesuem me a rengum el mo melai er a Llemesel a Dios e mo ngariou a rengum loltirakl er a Osobel, e kau a mo ngmai a lemuut el betok el llomes. Ke ouderta llechukl, e ouderta beldeklel a tekoi, e ouderta suobel, e kau a chemudel a betok el llomes ma klemerang el mera rengum el di merko a ilekolk a le tobed er a klengar er kau.⁸

A Dios a mo mok a osengem.

A Dios a mo meskau a beches el chaidireng.

A beltkil a rengul a Dios, llomes, me a klemerang a remuul aikel mechiuaiu el tekoi el mekiis el mo er a klengar, e kau a mo mechell el beches el mo er a beches el klengar el ua Kristo.⁹

A Rubak a mle yaksok, Alsekum komes el di bedul a klebkelek, ea rokui el bedengem a mo mui er a llomes, e mo diak a ilekolk er chelsem; e tial bedengem el mui er a llomes a mo medengei a rokui el tekoi.¹⁰

Tiang sel kot lungil kerul a chedaol secher. A ilekolk a mo dibus sel ngar ngii a llomes.

Meng uaisei, A Dios a diak el muri er kid el mo oba Llemesel.

Alsekum kid a kmal ungil besud el kirel a ilekolk, ea rengud a diak el sebechel mo mengodech.

Sel mo ngodechii tiang, a kired el blechoel mecherei a llomes meng mo er ngii.

Sel taem e ngak a mle captain er a skoki e suebek el meliuek er a beluulechad, eak mle blechoel mechas a renguk el kirel a klebekelel me a cherengelel tial belebelel a Dios. Ak metik er ngak el mechas a renguk er tial deluill er a delongelel a beluulechad me a sils. Ak omdasu er ngii el kmal klou a ututelel el lolechotel a olisechakl el kmo ngmekerang a ilekolk me a llomes a ngar ngii.

Kede medengei el rokui, chelsel a bek el lluich ma eual sikang eng mo mellomes ea llomes a mo klebesei.

Meng, ngera a klebesei?

A klebesei a di chuu.

Mesel meral ilekolk er a milekolk, ea sils a diak el stob el lolecholt a dichel. Ng melemolm el melidiich. Engdi a tedobech er a beluulechad a milekolk.

Sel lak a llomes eng mo er ngii a ilekolk.

Sel lorael mo milekolk, eng diak de medakt e de simbai el kmo a sils a mo dibus. Kid a diak domedasu el kmo a sils a diak el ngarsei malechub eng mla mad. Kid a medengei el mo kid a ngara chuu, ea beluulechad a melemolm el meliuekl, ea dichel a sils a lmuut el mei er kid.

A ilekolk a diak el belkul a kmo ngdiak a llomes. Ng bai blechoel, belkul a kmo kid a diak de ngara ungil basio el mo nguu a llomes. Tial mlo merek el solar eclipse e te betok a mle blak a rengrir el soiseb er sel telkib el llechul a buil, er a le sbadel a sils.

Ngosisiu el omeruul, ea chedaol llomes a melemolm el melidiich er a rokui el lulebeob ra Dios. A Diablong a mo meringel loureor mel borngii a chuu malechub eng melai er kid el mora chuu lokiu chomerelled. Ngii a mo orrimel er kid el mo er a ilekolk meng diak deues a llomes, e ngii a oltuu er kid raikel basio el diak el sebchel a llomes el mo er ngii.

Chedaol ilekolk a sebechel rulid lobes er a llomes ngii me tirkel mle tal lorael loba llomes e outkeu er a Rubak. Maluaisei, e ngii mesel ngar ngii a klou el ilekolk, ea Dios a remenges ongtid loba ngariou el reng, sel doluluuch, “Rubak, ak oumerang; mngesukak me bok mesisiich el oumerang.”¹¹

Sel temel a Alma e te mle betok a meringel el kongei aikel chedaol tekoi, ma llemesel a Dios ma klaumerang a dimlak el sebechel soisb er a rengrir; mete mlo medecherecher a rengrir.¹²

Rodam, ng ngercheled el mo er sel melemalt el basio e mesang sel chedaol llomes ma klemerang er a ebangkelio er a Jesus Kristo. Malta eng mla mo milekolk ea beluulechad a ngara ilekolk, e kid a sebeched el melilt el mo oltriakl er sel llemesel a Kristo, e oltirakl a Llechul, e blak a rengud el louchais el Kirel el kmo ngmerang e klou a belkul.

Mesel ngercheled loba priesthood er a Dios e mesiungel a Jesus Kristo, kau a oba llomes. Molemolm el meruul aikel teletael el mo mengedmokl er sel chedaol Llemesel. “Modersii cholbtelem”¹³ mel “diich er mederir a rokui el chad”— el diak a belkul el kmo mel bol chemat er kau, ngbai “te mo mes a ungil tekoi el moruul e mo odengesii a Demmiu el ngar a eanged.”¹⁴

Betik er a renguk el rodam, kemiu a donguu er a chimal a Dios el moktel a oba llomes ma omekungil el mo er a rengrir a rengelekel a Demad er a Babeluades. Alta ke omdasu el kmo ngdiak el sebechel lomekungil er tirkel chedaol smecher—el di uai ngkel chad loureor er a post office el sebechel lolngeseu er a arthritis. Alta ke chemau a chedaol lolasm. Engdi, a Rubak a mla omekedong er kau. Ng mla meskau a klisiich me a ngerachel el mo olngeseu er tirkel lousbech a ngeseu. Ng mla meskau sel chedaol klisichel a priesthood er Ngii me bom nguu a llomes el choridii ra ilekolk e outkeu e omekngaltengat er a rengelkel a Dios. A Dios a mla olutii a Ikelesia er Ngii ma kesiokel el ebangkelio er Ngii, el omekungil el tirkel telemall a rengrir.¹⁵ Ngii a mla kudmeklii sel rael el mo er a chedaol omengedmeklel, el omekungil raikel teletael el diak longitengtik e bai merael bedul aikel lungil, chedaol er a omengedmeklel a bedenged.

Bek el taem el blak a rengum er a Dios el mululuuch loba ngariou el reng, e kemo medengelii a Llemesel. Bek el taem el mo siik a Tekingel me a Moktel el ngara chedaol llechukl, ea llomes a merael mo medidiich. Bek el taem sel mesang a chad lousbech a ngeseu meke mo olngeseu loba beltik el reng, ea sel llomes a mo klou. Bek el taem kau a oltngakl er a mekngit el olasm e melilit er a klikiid, bek el taem e kau a osiik malechub ke ousubes, bek el taem el kau a blak a rengum louchais a klemerang, ea llomes a otirii a ilekolk el mo dibus e olechau er a rebebil el tir a osiik er a llomes me a klemerang.

Ka molatk aikel mle okesium, sel mosiou er a Dios me a rebebil el sel chedaol llomes a milidiich er a klengar er kau—chelsel a templo, oldars malechub eke melai er a chedaol belsoil, sel diak a cherrodech meke omedasu, sel omdak el telungalek, malechub ke milruul er a ngerchelel a priesthood. Mouchais aikikid el taem el mo er a telungalek er kau, resechelim, e tokubets el mo er a rengeasek el tir a osiik er a llomes. Te kirel rongesau mete mo medengei el kmo tial llomes a uchul a oureng ma omekungil, malta el ngara chelsel a beluulechad el mui er a ilekolk.

A llemesl a Kristo a meskid a oureng, ungil reng, e omekungil a ngidil chedaol telemall malechub eng secher.¹⁶ Tirkel meruul er tiang a mo chim lolngeseu el mo Llomes el mo er a Beluulechad e mesterir a llomes el mo er a rebebil.¹⁷ Te mo omelchesuar aikel King Lamoni a ulmelchesuar: Tial llomes a milsang a deureng er a klengar er ngii, ea ilekolk a mlo dibus, ea … llomes er a diak a ulebengelel klengar a ulmeklomes er a rengul.¹⁸

Betik ra renguk el rodam, el resechelik, ngercheled el mo osiik er a Rubak dil mereko sel Llemesel er a diak a ulbengelel klengar a mo medidiich er a chelsed ma klaumerang er kid a mo mesisiich sel om ngara ilekolk.

Nglunguuchek e klengaltengat el kmo kau a mo ungil meruul a ngerchelem loba priesthood er a Mesisiich el Dios e dmeu a rengum el loba sel chedaol Llemesel. Loba ngklel a Jesus Kristo, el mastang er kid, amen.