Dab gu Pi’ ni Bod Rogon nma Rin’ e Girdi’ nu Fayleng

Ko fare bin sommm’on e Easter, ni tomuren ni yibliy Yesus fare gam’ing ko sacrament ni pi’ ngak fare ragag nge l’agruw, me tabab nge yan nib sor nga Gethsemane, ko fare gin nin pi’ ni chuway’, nge gin nin kuruth nag riy. Machane, aram rogon ni ke thamiy ni bay boch ko fapi mo’on ni ke yib e murus ngorad, Ke ga’ar ngorad (nge ngodad):

“Dabi magafan’med ma dabi wagagey lanin’med nge mich Got u wun’med, mu kug mich u wun’med. …

“Dab gu pagmed ngam pired ni go’ gimed: ya bay kug sul ngomed. …

“Nggu tay e gapas nge par romed, nggu pi’ e gapas rog ngomed: dab gu pi’ ngomed ni bod rogon nma pi’ e girdi’ nu fayleng. Dabi magafan’med ma dabi wagagey lanin’med, ma dab mu tamdaggad.”¹¹

Ma yib e gafgow nga fayleng, nib mu’un e girdi’ ngay nib yu’yul’, machane fare mulwol rok Kristus nikan micheg nag e, ni’ir fare tamilang ko easter, e ra yib ni wod e “gafgow [ntay] ngak”² me fos, ni wod rogon, ni yog psalm “ni ir e manaf me ir gelngidad, [rodad] nike fal’eg rogon ke par nra yibe [e] oloboch ngodad me ayuwegdad.”³

Ke nang e ngiyal’ nib mom’ow ra yib ngak Kristus napan ke yib nga kruth nge nifan e gachelpin Rok napan ra feken e gospel rok ufithik e fayleng, mu unmed ngog nga reb e milwol ni fan o pi chongin ko Galasia Rok Somoel u bin tomor e rran. Biney e mulwol e bay ni bo’or yay ni buch ulan fare Babyor ku Mormon, napan Laman nge Lamuel nge rogon ni bachan pingin row ni tabab nag e mal nib mu’un miri’ay nge biyu’ e salthaw ngay. Reb i fan e pi mal ney ni bay mornga’agen ulan fare Babyor ku Mormon e kan yoloy ni fan ngak pi gidii’en Got ko tin tomur e rran, pi gidii’ ney ni kar yoliyed ni (kar sapgad ni bo’or ko mael) e ta’amagaran ngodad e cham nge mal nra yib ko tin tomur e rran.

Riyul’, n’en ni gube tafney nag e gathi btafney ni irraray e somm’on riy nike buch. Go napan 2,000 e duw kafram, fare Tathapeg e ta’amagaran nra taw ko tin tomur e rran ma bay e “mal nib bo’or, nge mornga’agen e mal,”⁴ ma kanog ni “gapas [e bayni] chuweg u fayleng.”⁵ Riyul’ biney e Pilung ko Gapas, e fil ni togopluw e ma yib rok mo’oniyan’,⁶ thingar ni un ngak e Chitamangiy nib Thothup ni ngan yor nifan ngak e pi gidii’ “ndariy e tu’ufeg rorad” ndar nanged rogon e par u ta’abang u fithik’ e tu’ufeg.⁷

Pi walageg, gadad ma sapgad bo’or e magawon, male’eg thin, nge damomuw ulongabdad. Btawa’ath, ni biney e mfen e dawri yib e bin Dalip e Mal nu Fayleng ngorad, fa buch ni wod fare ngiyal’ ni kireb e economik ko 1929 ni yib e Gafgow nib Gel. Machane be buch rodad nib thil buchu’uw rogon ko fare bin Dalip e Mal nu Fayleng, gathi bcham ni ngan lii’ e pi to’ogor rodad, machane ba ngiyal’ ni thangari gel e murnguy rok fapi fak Got miyad ayuweg e pi’in nike mad’ad ni bay u fithik’ rad. Gafgow nib Gel ni ngad feked daba’ ni gathi marunga’agen e mal’og ko salpiy machane nifan e mal’og ko e ba’adag ngodad, e mal’og ko mich, athap, nge t’ufeg ulongabdad. Machane pi talin gadad bat’uf ni ngad fal’ig e rran ni bay magal nge ga’nag e economik ko tin nib fel’ ulan e ulungi gidii’ nima pii’’ udakaen e gospel ku Yesus Kristus. Dabyag pilwon rodad—fare fayleng e dabyag pilwon rok—e tin nde m’ag rodad ni ngan fanay ni bay ko fare gospel nib polo’ ni yigo gur nge ufithik e gidii’.

Ere, ulan e fayleng “yin’ med e yoko’, ma damur pir’eged e gapas,” woed Jehovah keyog ra buch, urogon ni ngad piryeged e pi’nen ni kanoeg “m’ag ko … gapas?” Gadad be piryeged biney napan ngad chel ngak bee’ ni ke yoeg ra murunguy ngodad “fithik’ e runguy ni dabimus bi’id” nge ra pii’ e gapas ngak e bitir rodad.⁸ Ere, demuturug rogon ni kan profecy nag ma bay ko fapi thin nib thothup nran chuweg e gapas u fayleng, fapi profet, woed ni Russell M. Nelson e fil ni gathi ngan chuweg rok bee’!¹⁰ Biney e Easter gayed rogon ni ngad ted e gapas nge lan gum’ircha’endad, nge fare murnguy nge fare Bayul rok Yesus Kristus ni Somol ngak e pi’in ni bay u charen dad. Fel’ rogon, ni gin oewchen, biney e flaay nib fel’ ke buch ngodad ni “dariy e salpiy riy ma dariy puluwon.”¹⁰

Gadad bt’uf ko e ayuw nge athap ney ko re mu’ulung ney e daba’ nib bo’or e gidii’ riy ni be gafgow u mit e banan—amith u downgiy fa gum’ircha’ey, leam fa salpiy, fa ku boch banan nib bo’or. Ya bo’or dan d a gel gad ni ngad rrin’ed ni yigo gadad, ya gapas nib tu’uf rodad e gathi “bod rogon nma rin’ e girdi’ nu fayleng.”¹¹ Danga’, nifan ko e magawon nib mom’aw gadad btu’uf ni wod rogon ni ma yog fapi thin nib thothup “gelngin ni be yib u tharmiy,”12machane fa’anra ngan thapeg e pi gelngin ney ma thingar da pired ni gadad be fol ko “fapi yalen nib mat’aw.”¹² thingarda nanged e peth ko e yalen nge gelingiy ireray banan ni ta’areb ndar ma nangfan e gidii’ nu fayleng, ni aram rogon nike yog e Got u tharmiy nge fayleng!¹³

Ere mang e pi yalen ney? Machane, gathi ta’abiyay ni kan yoloy ko fapi thin nib thothup, kan fil ni gathi ta’abiyay ulan fapi mu’ulung ko conference, nge lan e biney e mfen, ni wod Profet Joseph Smith ni fil ngak ko napan ni yor “Got rog, Gor rog, mangfan ni kam pigeg?”¹⁴ U fithik’ e ulum, ma danir ayuweg ulan fare Kalbus u Liberty, me fil ni fare yalen nib mat’aw ab mu’un fare gum’aen’, athamgil, munguy, nge fare tu’ufeg nib riyul’ ngay.¹⁵ Ran chuweg e pi yalen ney, nib mat’aw ma gadad ra par u fithik’ e tuwthin, gafgow, nge amith nib gel.

Nifan biney, gube adag ni nggu non marunga’agen e demoy nifan ko boech e kenngin ko tin mataw u ngiyal’ rodad. Yalen rog, I gag e, faflaen’ bee’, ma bay bo’or e tin nib fel’ mab pidorang u fayleng. Bay bo’or e to’owath rodad ko pi’nen, Ko duw ni kanog e 21st-century ngay bo’or yay nike buch ulan e Galasia, ni gadad be guy e gidii’ ni be oloboch, bochi yay nira mel’ig nib kireb nge ni bo’or e gidii’ ni be gathay fapi m’ag ma yad be kirbaen’. Mu lemnag ko fapi thin nib kireb ni bay yib bo’or yay napan ra buch ko pi denen ko iling, gali tiney ra yib bo’or ulan e pi kaechiidoo fa TV, fa tiney ni ra buch nib bo’or ulan e tafen ko muruwel’. Nifan ko pi’nen ko m’ag nib machalbog, pi’nen nib thothup ma ta’areb rogon nge dabi fel’. Ngak demtrug e bee’ me yibe lumel ngomed ni ngam manged “nibe pii’ e fayleng,” ni woed rogon, dam lemnag biney ra fekem e gapas; gube micheg ngomed udakaen e fithingan Somoel ni dabi buch. “Denen e dariy bingyal’ ni bay e falfalaen’ riy,”¹⁶ ta’ e profet nib kakrom keyoeg. Napan ke tal’ e churu’, thingari pii’ e salpiy ngak e bee’ ke chubeeg e tang, nge yo’or yay e salpiy ney ire map’ e lu’ nge kirbaen’.¹⁷

Fa sana ngad guyed reb e rogon e cham fa gechig. Fa sana ngad guy e cham fa tin kireb nib achigchig, machane thingarda kolchiya’ nib ga’ bachane gadad e gachelpin nu Somoel Yesus Kristus nge dabda rrin’ e tiney. Ma dariy bingyal’ ma ra kirbaen’ dad ko tin ni ngad rrin’ed nib kireb u fayelng—tin ko dowef, leam, tamtam, fa yugi banan ni demuturug. Ri ku gu manang napan ni non President Gordon B. Hinckley ko re pulpit ney ngak fapi pumo’on ko Galasia nifan ngak e pi’in ni yad “bgel lungrad ulan e tabinaw”:¹⁸

“Rib kireb ma de mangil ya’an i lii’ le’ngim,” ni yog: “Be’ ni mo’on ulan e Galasia ni ma lii’ le’ngin, ma ma yog e n’en ni nge rrin’, ni ma og tharan, ni ma rrin’ e kireb ngak e dani be’ech ni nge fek fare priesthood. … Ya [Ir] e dani be’ech ni nge yag ngak fare tempel recommend.”¹⁹ Ma kab gel e kireb riy, ni ke yog, ni fa’anra yibe gafgow nag e bitir—fa reb e rogon ko gechig.²⁰

Ku wod nib achigchig e pumm’on, ppin, nge bitir nrayag ni ngar thamiyed e kirbaen’ ko napan ni kar roged e thin ndani mangil, fa ba kireb lingan, ngak e pi’in ni karanod ngalan fare tempel rok Somoel ni kan m’ag pa’ rad. Uringin e bee’ rangar thamiyed e t’uf, gapas nge piryeg e na’un nib ayal riy. Wenig, mu guyrogon ni ngam fal’ig biney. Fare micheg nra yib ni fa’anra gabe gay rogon ni nge par e gapas rom e gara thapeg fare Kan ni Thothup ni nge par rom ni gubin ngiyal’ ma tawa’ath nra yib ngom “ndariy fan ni damur gay rogon” ni gubin ngiyal’ ni manemus.²¹ Dariy’ bee’ thingarda yoeg e pi’nen nib kireb ni nar yon’ e ”tangin e falfalaen’ u dakean e bayul.”²²

Nggu museg e thin rog u roy ni nggu sul nggu weliy e n’en ni gu tabab i weliy nsomm’on. Gubul e Easter, ba ngiyal’ nifan e yalen e mat’aw ko fare gospel rok Yesus Kristus nge fare Bayul Rok ni ngan “chuweg rodad” fapi gafgow, nge pi ngongol nib kireb, nge yam’ ni ran fos riy. Ireray e ngiyal’ ni ngan rrin’ e tin nib yul’yul’ ufithik e thin nge ngongol nifan fare Fak Got, ni’ir e “[athamgil] ko fare gafgow, ni susun e gadad e nge aw ngodad”²³ nib togopluw ya ke dugliy ni nge athamgil ni nge mu’ nag fare murwel ko thap ni fan ngodad.

Ndemuturug gelngin e amith nge gafgow, nge urngin mit e denen nge kireb ko gidii’, ya fare Fak Got nib Fos a sap nga fayleng, me guy me ga’ar: “Nggu tay e gapas nge par romed, nggu pi’ e gapas rog ngomed: Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med, ma dab mu tamdaggad.”²⁴ Pired u fithik’ e tawa’ath, falfalaen’, nge gapas ko re Easter ney. Bo’or banan nike mu’ i pi’ pilwon fare Pilung ko Gapas, ni’ir e btu’uf u polo’ i gum’ircha’eg, ni ir e Galasia Rok, ni’ir e gube micheg, u dakean fithingan, Yesus Kristus ni Somol, amen.