Mang fan Kanawo’en e Motochiyel
Pinn’en nib thil ko a kanawo’en e motochiyel ma yaen ko manemus.
Ufithik e machib rok, President russell M. Nelson ke fil nge machib nag marunga’agen fapi m’ag rok Got ke fal’eg ngak Pifak. Irma wok nib fel’ nima fol ko kanawo’en e m’ag. Ulan bin somm’on e milwok napan ke mang President ko fare Galasia, Presiden Nelson keyog:
Garam athamgil ngam lek fare Tathapeg mag tayfan fapi motochiyel ni ngam micheg Ngak’ era bing wo’en e tawa’ath nib thothup ngak gubin e mo’on, bpin, nge bitir ni gubin yang.
“… Pi gam’ing ko tempel nge motochiyel ni kam fal’eg urom e iraram e kiy nira gel nag e yafos rom, mabgol nge tabinaew rom, nge pi rogon rayog ni ngam sabthriy fare lumel ku moniyan’. Tin ni garam tayfan u tempel nge pigpig ni gabe tay ni fan e gidii’ ni kakrom ere tawa’ath nigem me mon’ag nag e yi’iy ni yibe thogthog nag ngom nge gapas ni ran pi’ ngom ni kum ul’ul’ ngam par ko fare kanawo’en e motochiyel.”1
Mang e Kanawo’en e Motochiyel? Murwel rodaed, ni ngad ayuwegned gadad, e ngad gagyeg niged reb e gidii’ i yaen ko fare celestial kingdom ku Got. Ngad tababgad udakaen e wo’ napan ningad tawfenag nge tomur “thingar mu pii’ed iyaen nga m’on u fithik’ e yul’yul’ romed ngak’ Kristus, nib machalbog laniyaen’med ko athap, nge t’ufeg rok’ Got ngak’ gubin e gidii’ [la’agruw e motochiyl nib ga’] … mada’ ko tomur.”2 Napan ngad dared ngadaken e wo’ (biney e wo’ ra yaen tomuren e yam’), gadad ra thapeged gubin e gam’ing nge pi m’ag nib ga’fan ko thap nge exaltation.
Ta’areb e yang nib ga’ ko e m’ag ney ni gadad ma rin’ed e tin ba’adag Got “nge fol ko pi motochiyel rok’ u fithik’ gubin ban’en nibe chiyliy ngomaed”3 Folgad fapi yalen nge motochiyel ko fare gostel ku Yesus Kristus gubin e rran ma fal’ig e wo’ nib falfalaen’ nge pii ayliy u yafos rodad. Ta’areb fan ney, e bee’ ra chuw bo’or e magawon ngetafeny nib kirbaen’. Baygu weliy udakaen e susun ko sport. U tennis, bay e pi’nen ni kannoeg pi unforced error. Biney ma buch napan e bee’ ra tug e baat ulan e cheew fa kirebnag e tug ko baat’ la’agruw yay. Biney ra buch bachaen e kireb rok e bee’ nge gathi bachaen ke salip ko reb e bee’.
Bo’or yay e magawon rodad ma buch bachane e kireb rodad, ni kad mel’ig nib kireb, fa, rayog ningad oged, ke buch bachaen e “pi unforced error.” Napan ni ngad guyed rogon a rayog rodad fol e wo’en Motochiyel, rangad chuw bo’or e “pi unforced error.” Ngad chewged yo’or miit e thil ko addiction. Dabda yoeg fa rrin’ed e tin nib baen. Ngad chuwged e tin nib kireb fa rrin’ ‘iling. Ngad chuwged e gidii’ fa pi’nen, dariy fan bo’or e gidii’ ba’adag, ni ra kirebnag e fel’ rogon ko dowef nge ya’el rodad. Rangad chuweged e pi mel’ig ni ra kirebnag reb e bee’ nge ngad thapeged pi yalen nib fel’ rogon nge pigpig.4
Sana Elder J. Golden Kimball key yoeg, “Dabgu waen nga dakaen kanawo’ nib wu’in’in mab achichig radan [gubin] nigyal’, machane gube [guyrogon] ninggu waen udakaen bo’or yay.”5 Ulan e ngiyal’ nib ubchiya’, Gube lemnag ni Brother Kimball ra weliy baga’fan ni ngad pared udakaen e wo’en, gathi kemus waen nga dakaen bochi yay, ma pii athamgil rodad nib ga’ ni ngad chuweged e magawon nge pii’ ayuw ko e pi’nen nib kirbaen’ ko yafos ni chuw dabiyog ningad.
Sana bochi gidii’ ra yoeged, “Rayog ni nggu mel’ig nib fel’ rogon ni dariy’fan ko tawfe; dabi t’uf pi m’ag ni nggu mang e bee’ nib fel’.” Riyul’, bay pi’in ni, dabi raoned ulan e wo’en Motochiyel, machane yad be fal’ig e mel’eg ni woed rogon e pi’in nima dared udakaen e wo’ nem. Sana rangam yoeged ni ngar thapeged e to’owath bachane kar ranoed udakaen e wo’ woed rogon e wo’ nib “m’ag”. Mang, e be thil ko wo’ nge wo’en e motochiyel?
Ere, thil ney nib ga’ ko e tin ni manimus. Ni tay e bu’un ko fol rodad, fapi micheg rok Got ngodad, Ayuw nu tharmiy ningad thapeged, fapi to’owath napan ngad mo’olungdad ni gidii’ rok’ ni fal’eg ba m’ag, nge baga’fan, to’owath nib thothup rodad.
Ba’adag ko fol
Bin somm’on e ba’adagdad ni ngad fol ngak Got. Gathi kemus be lemnag marunga’agen e pi’nen nib fel’, ngad ba’adag ni ngad fasgad ko urngin e thin nima yib ko lam Got. Udakaen biney, gadad be leaked e susun rok Yesus Kristus, nike, napan nike tawfe, “me dag ko gidiiʼ, nu rarogon e dowef e sobutʼ nag ir riy u mit e en Chitamangiy, me micheg ngakʼ e en Chitamangiy niʼir e ra liyoer ngakʼ u dakean e fol ko pi motochiyel rokʼ.”6
Nifan ko pi m’ag, gadad ba’adagdad ni ku bay boech nib yo’or ma gathi kemus be chuw e magawon. Gadad ma thamiy ni bung rogon i pufthin nagdad nifan ko mel’eg nge yafos rodad. Gadaedra fek nga dakean daed fithingin Kristus. Gadad ma lemnag marunga’agen Kristus—ni ma rib m’uthaen’dad ko mich rodad u Yesus nge gelnagdad ni ngad manged woed Kristus.
Fan ko m’ag, fol ko pi yang ko gospel ra puw e biney e ya’el rodad. Guma nang ni gali cha’ ni, napan ni kar mabgol, ppin ney de yaen nga Galasia nge figirngiry de mang a chon ko Galasia. Fithingrow ni Mary nge John, machane gathi e fithingrow nib riyul’. Napan kar fakew e bitir, Mary ba’adag ni nge chugul ngoraed, no woed e pi scripture ma yoeg, “machathowol nge fonow rok’ fare Somoel.”7 John ni ke ba’adag. Mary ke maligach nib ga’ ni nge paer ulan e na’un rok nge fil ngorad e gospel bo’or yay. Ke guyrogon ni gubin e tabinaw kar thapeged e liyor nge falfalaen’ ko Galasia. Mary nge John kar mangew e galibthir nib mangil, nge bitir rorow (ni gubin e pumo’on) kar gelnag e mich nge liyor ko pi kenggin e gospel.
Galibthir rok John, pilibthir ko bitir rok, ni ba’adag e yafos nib fel’ nge tin kar rin e pi bitir ney, machane bachane e damomuw ngak e Galasia, yow kar lemnag e yafos nib fel’ ney ke buch bachane ke chag gow ko galibthir ni John nge Mary. John, de mang e memba ko fare Galasia, ke cham ngak e lem rorow ney. Ke weliy e banen ni kar sapgow ire wa’ampngin rok e fil ko gospel—pi’nen pi bitir rok kar thapeg u Galasia nge ulan e na’un.
John ni ke thamey fare Ya’el, t’uf nge susun rok e ppin rok, nge fapi non roraed e bitir rok. Tomuren e ngiyal’, ni ke thaeg e tawfe, ufithik bo’or a falfalaen’ roraed pi chon ko galasia nge pifagar roraed.
Bay e magawon ulan e yafos roraed, Mary nge John manang ni e m’ag ko gospel ir e dayif nifan ko pi to’owath. Kar sapgad fulweg ko thin rok Somoel ngak Jeremiah ulan e yafos roraed e bitir rok nge ulan e yafos rorow; “bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.”8
M’ag ngak Got
Bin reb e ba’nen nib thil ko e wo’en motochiyel ire tha’ rodad ngak e Got. Pi m’ag ni Got ma pii’ e bitir Rok ra rrin’ bo’or ni dabi kemus powi’iy ngadad. Pin’ey be m’ag ngodad Ngak, nge, napan gadad ra m’ag Ngak, rangad gel’nag urngin pin’en.9
Kug be’ig e ya’at ulan e babyor ni dabi fel’ ni ke weliy e rogon ni ngad rrin’ed e tawfe nifan ko gidii kar maed ni ngad lithaeged bo’or e fithingrad udakaen e microfilm nga fithik’ e raen . Nge gubin fapi fithingraed udakaen e microfilm ney kar tawfe nag. Binem e rogon e be papay, machane de nang e ga’fan ko uringin e ya’el nge ga’fan ko e m’ag ko urnigin e bee’ ngak Got.
“[Yesus] keyoeg … : Mmaroed nga lan fare garog nib wunin’; ya ba garog nib weʼinʼin, mab achichig radan nib sor iyaen ko yafos, ma rib lich e piʼin ni yaedra pirʼeg.”10 Gube non ko pi pow, fare garog ni rib achichig kemus ni ta’bee’ e rayog ni nge yib ulan. Urngin e bee’ ma fal’ig e m’ag rok Got, nge Got ma fal’ig e m’ag nifan urnigin e gidii’, udakaen fithingraed, ere ngad thapeged e ayuweg ni gubinechuboeg. Ko fapi gam’ing nge micheg, “bay gelngin e tirok Somol riy e bay ndag nge m’ug” ulan e yafos rodad.11
Ayuw nib Thothup
Biney be powi’iydad nga bin dalip e to’owath nib fel’ ko wo’en e motochiyel. Got ke pii’ e to’owath ni dabda nanged nima ayuweg gidii’ ke fa’ig e m’ag ni ngar manged e gidii’ ma fol’ed e m’ag: fare to’owath fare Kan ni Thothup.” To’owath ney pii’ e ayuw, damiiteg, nge powi’iy rok fare Kan Thothup.12 Reb e fithingan ni Tamocho’. fare Ya’el ni Thothup ma “sug ko athap nge adag nib machalbog.”13 Ya “manang gubin ban’en, nge micheg e en fachaʼ ni Chitamangiy nge fachaʼ ni Fak,”14 kad micheged ni ngad manged e m’ag rok.15
Udakaen e wo’en e motochiyel rangad pir’eged pi to’owath nib ga’ ku n’agfan nge m’ay ko denen. Binir e ayuw ni kemus royog ni nge yib udakaen e murunguy nib thothup, nima pii’ fare Kan Thothup. “Chiney e baʼaray fare motochiyel,” ba ga’ar Somoel, “Mu kalgaed ngaenʼmed, gimed gubin e gidiiʼ ni gimed bay ko tin tomur e rran u fayleng, magmed yib ngog ngan tawfe nagmed u fithingag, ni nge yog ni ngam machalbog gaed u dakean fare Kan ni Thothup, ni nge yog ni ngam sakʼiy gaed ni dariy thibngimed u pʼoewcheg ko bin tomur e rran.”16
Mukun Uta’abang ku Gidii’ kar Fal’ig e M’ag
Bin aningeg, pi’in ni ba’adag e wo’en e motochiyel ra thapeged boech e to’owath napan ni ngar mukun uta’abang. Rangam sap ko pi yi’iy ni fan ko e mukun nga ta’abang pi gidii’ yu Israel nga pi nam roraed ulang e pi babyor nib thouthup.17 Fulweg ko pi yi’iy nem nge pi micheg be buch chiney nibay ko mukun nga ta’abang pi gidii’ ko m’ag ulan fare Galasia, ea gil’ilungun rok Got u fayleng. Ke weliy ni President Nelson, “Napan ni gadaed ra weliy mornga’agen e ulnguyma baga’ ni gadaed be weliy mornga’agen e n’en nib ga’fan ko n’en nib riyul’: gubin pifaak e Chitamangdaed nu Tharmiy e ba tu’uf ni ngar rung’aged mornga’agen fare gospel rok Yesus Kristus nikan fulweg.”18
Somoel be chiyliy e chongin ko fare Galasia Rok Yesus Kristus ni fan ko Gidii’en Got rok ko Tin Tomur e Rran nima “sakiy nge bay yib i gael’ ra’en, ere e magal ra dag e susun nib mangil ko pi nam; … ko mukun nga ta’abang udakaen e nam ko Zion, udakaen e pi stake rok, ni ra matanag ntay ngak, nge damiiteg nifan ko yoko’, nge e damomuw napan ni ra yib nga dakaen gubin e fayleng.”19
Bay e mukun uta’abang ku gidii’ kar fal’ig e m’ag ni gubin e wiik nga na’un ko meybil ulan e rran rok Somoel, ere ni ngad “bi’echnag[dad] ko tin ku fayleng nib polo’.”20 Ire mukun ni ngad thapeged e flowa nge raen ko sacrament ni ngad pugurandad ko fare Bayul ro Yesus Kristus nge rogon ni “ngar baley niged e abich roraed ma yaed be meybil, ma yaed be fith salapraed ni morngaʼagen rogon e paer ro[daed].”21 Napan ni kug e pumo’on nib yangren, kemus ni yigo’gag e ma un ko biney e Galasia u lane school rog. Kug ba’adag bo’or e fagar rog nib mangil u school, machane kug t’uf nib gel’ e mukun ney ulan e Madnam urngin e wiik ni nge ayuweg nge gel nigeg e ya’el rog, nge doweg. Kad malog nib gel e rogon ni ngad mukun uta’abang ku gidii’ kar fal’ig e m’ag gubin e wiik bachane ko m’ar, nge gadad ba athap ko e ngiyal’ rangad sul uta’abang bayay woed kafram.
Gidii’ ni kar fal’ig e m’ag ma mukun uta’abang nga temple, na’un rok Somoel, ni ngar thapeged fapi gam’ing, to’owath, nge yi’iy rangad thapged uram. Fare Propeh Joseph Smith ke fil: “Mang fan ni ngad mukun uta’abang … e gidii rok Got u demtrug e ngiyal’ ko fayleng? … Bin thabi ga’ fa ni ngad toyed e na’un ngak Somoel ere ni nge dag ngak e gidii’ rok fapi gam’ing rok na’un Rok nge fel’ngin e gil’ilungun Rok, nge fil ngak e gidii’ e wo’en e thap; bachane bay boch e gam’ing nge kenggin e yalen ni, napan ra fil nge fol ngak, thingari buch ulan e tafen fa na’un ke toy ko fan nem.”22
Mu Thapeg e Kanawo’en e Motochiyel
Bin tomur, kemus udakaen e guy rogon rodad ko wo’en e motochiyel ni ngad thapeged fapi to’owath ku Abrahm, Isaac, nge Jacob, bin th’abi ga’ e to’owath ko wo’en e thap nge exaltation ni kemus Gor rayog ma pii’.23
Ulan e pi babyor nib thothup e gidii’ kar fal’ig e m’ag ire gubin e tabinaw rok Abraham ni kanoeg fare “fapi gidii’ ku Israel.” Machane e gidii’ kar fal’ig e m’ag ni tay e bu’un gubin pi’in nira thapeged e gospel ku Yesus Kristus.24 Paul ke weliy:
“Ya kan tawfe nag ko Kristus ni fol Kristus. …
Fa’anra ke mil suwmed ngak Kristus, me ere kam manged pi owchen Abraham, ni aram e bayi yag ngomed e tin ni ognag Got nra pi’.”25
Pi’in ni ma fol ko pi m’ag “I yaed gubin e girdii’ niyad ra yib u nap’an fare fas ko yam’ ko tin nib mat’aw.”26 Kad “fal’egrad ni machalbog udakaen Yesus i ta’ayuw ko fare bin beʼech e mʼag. … Pi’in ney kar thapeged e dowdad nib celestial, ni fel’ngin roraed ni woed e yal, ara e fel’ngin ku got, ni th’abi lane lang.”27 “Ere, gubin e pi’nen ire pi’nen roraed, ufithik e yafos nge yam’, pin’en chiney, fa pi’nen ko reb rran, gubin pi’nen ire pi’nen roraed nge ireram rok Kristus, nge Kristus ira rok Got.”28
Thingarda motoyilgad ngak e pinning rok e Profet ni ngad athamgil ngad pared ko kanawo’en e motochiyel. Nephi ke guy dad nge ngiyal’ rodad nge yoloy, “Me yibi buch ni Gag, Nephi, e gguy fare gelingin fare Saaf ku Got, ni yibi aw nga dakean chongin e galasia rokʼ fare Saaf, ngo dakean fapi gidiiʼ rokʼ Somoel ni falʼeg ba mʼag nga thilraed, ni piʼin ni kar garar gaed u fayleng; ni kar longbiyed yaed ko felʼ u gelingin Got u fithikʼ e rir.”29
Woed Nephi, “yaʼel rog e ba falaenʼ ko tirokʼ Somoel banʼen.”30 Ulan e Madnam ko Easter, gube pii’ e mich rog marunga’agen Yesus Kristus, ni Faskoyam’ ire athap rodad nge ga’fan e ayuw ko gubin e pi’nen ke micheg ngodad ulan fare kanawo’en e motochiyel. U dakean fithngan Yesus Kristus, amen.