COVID-19 nge pi Tempel
Mu tayed pi micheg ko tempel nge tawa’ath ulan e tafnaey romed nge gum’ircha’med. Dam pagtalin e pi micheg romed ni kam fal’eged.
Pi walageg nib t’uf rog, kad falfalaen’ gaed ko fapi thin ni rib thothup. Gub falfalen’ ngay ko fapi meybil, milwol nge tang gubin fapi mu’ulung. Kamagar gaed ni kam un’ed ngomaed, demtrug e gin ni gabe paer riy.
Fa binem e duw kafram, bachan e COVID-19 nge ba’adag rodaed ni ngaed manged e gidii nib fel’, kad mel’eg ni ngaed ning gubin e pi tempel. Ufithik boech e pul kafram, kug thameyed e yi’iy ni ngan bing boech fapi tempel u dakean wo’en nib kolchiya’. Pi tempel e bay ni bing ni aningeg rogon, ma fol e motochiyel ko pi nam nge fanow ko pi togta.
Tempel ko rogon e 1, kemus e gidii’ ni kar thapeged e pi endowment roraed e rayag ni ngar m’aged pa’rad ko figirngiy nge le’engiy.
Tempel ko rogon e 2, gubin e pi gam’ing nifan ko gidii’ be fosgad, ni tay e gidii’ be thapeg e endowment roraed, m’ag e figirngiy ko le’engiy, nge bitir to galibithir. Kug thilyeg ged boch e banen nifan ko rogon e 2 nge chiney e chongin ni yangren, chongin nib bi’ech, nge reb e gidii’ bay e limited-use recommend rangar rrin’ e tawfe nifan ko gidii’ kar maed.
Tempel ko rogon e 3, pi’in ni kar fal’eg e mu’ulung rangad rrin’ed e gam’ing nifan ko gidii’ be fos nge gidii’ kar maed.
Rogon e 4, ra ngaed rrin’ed urngin e pi’ n’en ulan e tempel woed kafram.
Kamagar gaed ko gum’aen romed nge pigpig romed napan e ngiyal’ ney nib thil nib mo’omaw’. Gube meybil ni ngam adaged ni ngam liyor nge pigpig nag ulan fare tempel ba yik nib gel’ ulanginmed.
Ere, gamed be lemnag wi’in rangaed suloed nga pi tempel rodaed. Fulweg: Tempel rom e bay ni bing napan e motochiyel ko nam romed ra yoeg rayog. Napan ni gin ni gabe par riy e kan fal’ag fare m’ar ko COVID riy ke mangil rogon, ma aram ni bay ni bing fapi tempel romed. Gube pinning med ni ngam rrin’ed demtrug e pi n’en nira achigchig nag e gidii’ be fek COVID ulan e nam romed ere rangam yib nga tempel.
Chiney, mu tayed pi micheg ko tempel nge tawa’ath ulan e tafnaey romed nge gum’ircha’med. Dam pagtalin e pi micheg romed ni kam fal’eged.
Gadaed be toeyed nifan ko rebo rran. Aningeg i ragag nge ta’areb e pi tempel ni yibe fal’eg chiney. Fa binem e duw kafram, dariy fan e biney e m’ar, kan tha’ab e buut’ ni fan ko 21 e tempel nib be’ech!
Gamaed ba’adag ni nggu tayed e na’un rok Somoel nib chuchgur ngak gidii’en e galasia, ere rayog ni ngar thapeg e yalraed nib thothup ni ngar ranod ulan e tempel nib bo’or yay.
Napan ni nggu gog e tanom rodad ni ngad toyed riliw’ e pi temple, gube lemnag nge ba’adage fapi gidii nib pioneer—nib kakrom nge daba’—ni kar ayuweg ni ngar fal’ig e chepin ney. Pi temple nib bi’ech ra toy’ed ulan fapi nam ney: Oslo, Norway; Brussels, Belgium; Vienna, Austria; Kumasi, Ghana; Beira, Mozambique; Cape Town, South Africa; Singapore, Republic of Singapore; Belo Horizonte, Brazil; Cali, Colombia; Querétaro, Mexico; Torreón, Mexico; Helena, Montana; Casper, Wyoming; Grand Junction, Colorado; Farmington, New Mexico; Burley, Idaho; Eugene, Oregon; Elko, Nevada; Yorba Linda, California; nge Smithfield, Utah.
Pi tempel e ba ga’fan ko fare sulyarmen ko gospel rok Yesus Kristus nib polo’. Pi gam’ing ko tempel ba sug e yafos rodaed ko gelingin nge athamgil—dabiyog ni ngam thapeg reb rogon. Gamaed be pinning e magar ngak Got nifan ko pi tawa’ath ney.
Napan in ngaed ninged e mu’ulung ney, gamaed be pii’ e tu’uf romaed ngomed. Gadaed be meybil ni Got ra pii’ ngodaed e tawa’ath Rok me ayuweg daed. Uta’abang gadaed gubin me murwel ulan e pigpig Rok nib thothup. Ufithik e athamgil, ngaed ‘ul’ul ni ngaed uned ko murwel rok Somoel. Ko pin’ey ni gube meybil nag u dakean fithingan Yesus Kristus nib thothup, amen.