Mdedesau el kirel a Rubak

Rodam me a rodos, a ikal erul klebesei e kede mla mosischakl er tirkal mesiou er a Rubak el tir a mle blak a rengrir el osiik el kmo ngera sel soal a Rubak er tir a bo lolekoi.

Ng mla morngii a ngercheled er aikal merma el chelolem el buil. Chelecha, e a ker a kmo, kede mekera mo mengodech raikal bla derrenges e mtab el tekoi?

Tial klou el secher a mla ochotii el kmo ng kot el mereched el mengodech a klengar, ea le bebil eng ikel diak el sebeched el mekera el kirel. Engdi, ng betok el tekoi a sebechedel remuul. Kede moterkokl aikel meklou a ututelel tekoi e osiik a rolel kmo ng mekera dousbech a klisiched, temed, me a ungil rolel. Kede omdasu el kmo ng mekera bo dungil er a tang me a tang. Kede melilt el kmo kede mo chemau techang el kirel a klemerang me a lemalt.

Aikel ngor ma odubech er a beluulechad a mela reng e kmal betok. Engdi ng betok el ngor a cheblad, olechaumad, e dirrek el sebechel ngoikau el mo cheroid er sel rael er a telbiil. A rolel dolechib er sel klengitelreng el mei, ea kulengit er kau er chelechal sils el mo omtok er sel klengit er a beluulechad e mdedesau el kirel a Rubak er a klengar kau- er a bek el sils.

Alsekum a betok el tekoi a om ngai er a social media, ea klisichem el mo orrenges a ikel longululau a Chedaol Reng a mo dibus. Alsekum ng dirrek el diak mosiik er a Rubak lokiu a nglunguuch me a omsubel ebangkelio, eng mo mechitechut a rengum er a uldasu el mo soam engdi diak el klemerang. Uldimukl er tirkel kmal mesisiich el Santo a sebechir el mo choitii a rael lokiu a di ngarngii el tekingel a Babylon.

Rodam me a rodos er ngak, a kulengit em mdedesau el kirel a Rubak! Mrelii a mesisiich el chedaol dodai er kau mel sebechem el mesisiich er a ongarm sel omeruul aikel tekoi el rulii Chedaol Reng meng blechoel lobengkem.

Lak moumededenger er sel klemerang el “Chedaol reng a melekoi … er a tekoi el ngii a meral uaisei, me a tekoi el ngii a meral kirel mo uaisei.” ¹ Ng mo “ochotii er kau aikel tekoi el kau a kirem el meruul.” ²

Diak a ngodech el mo mengemedaol er a Chedaol Reng el uai sel bom rellau el moltirakl er a Jesus Kristo. Mosaod er a Kristo, oldanges er a Kristo, mosuub a tekingel a Kristo, e molemolem bedul uchei el diak mesim el oltirakl er a Kristo. ³ Mrelii a Chedaol Sils er kau me bo lungil sils sel moldanges er Ngii, molai er a chedaol belsoil, em chedolii tial sils er Ngii. ⁴

Uai sel kdilii er a tutau, a kulengit me mdedesau el kirel a Rubak er sel chedaol blil. Diak a mo osichii a sel chedaol klaumerang er kau el mo uai sel omesiou me a omengull er a templo.

Kede oureng a sulir tirkel rokui loureor lomkedechor aikal beches el templo er kid. Te omkedechor er a betok el beluu. Chelechal sils e ngungil a renguk el ouchais a uldasu el mo omekedechor a templo er a ikal basio malechub eng kmeed er ngii: Kaohsiung, Taiwan; Tacloban, Philippines; Monrovia, Liberia; Kananga, Democratic Republic of the Congo; Antananarivo, Madagascar; Culiacán, Mexico; Vitória, Brazil; La Paz, Bolivia; Santiago West, Chile; Fort Worth, Texas; Cody, Wyoming; Rexburg North, Idaho; Heber Valley, Utah; me a lmuut el loureor er a Provo Utah Temple ruriul er a oterkeklel a Orem Utah Temple.

Ng betik a renguk er kemiu, e rodam me a rodos. A Rubak a medengelkau e betik a rengul er kau. Ngii a Osobel e Osobelem. Ng omekrael er a Ikelesia er Ngii. Ng mo omekrael er kau er a klengar kau alsekume ke dmedesau el kirel er a klengar kau—er a bek el sils.

Ea Dios lobengkem me sel de luut el kaseues, ea ika kululuuch el ngara chedaol ngklel a Jesus Kristo, amen.