Mësime për Kohën Tonë

Mësimet e Priftërisë Melkizedeke dhe Shoqatës së Ndihmës të dielën e katërt të muajit do t’i kushtohen “Mësimeve për Kohën Tonë.” Secili mësim mund të përgatitet nga një ose më shumë biseda që janë dhënë në konferencën e përgjithshme më të fundit. Presidentët e kunjit dhe të distriktit mund të zgjedhin se cilat biseda duhet të përdoren, ose ata mund t’ia japin këtë përgjegjësi peshkopëve dhe presidentëve të degës. Udhëheqësit duhet të theksojnë vlerën për vëllezërit e Priftërisë Melkizedeke dhe motrat e Shoqatës së Ndihmës që të studiojnë të njëjtat biseda në të njëjtën të dielë.

Ata që marrin pjesë në mësimet e të dielave të katërta nxiten të studiojnë dhe të sjellin në klasë botimin e revistës së konferencës së përgjithshme më të fundit.

Sugjerime për Përgatitjen e një Mësimi nga Bisedat

Lutuni që Shpirti i Shenjtë të jetë me ju kur studioni dhe jepni mësim bisedën(at). Mund të tundoheni të përgatitni mësimin duke përdorur materiale të tjera, por bisedat e konferencës janë materiali mësimor i miratuar. Detyra juaj është të ndihmoni të tjerët të mësojnë dhe të jetojnë ungjillin siç mësohet në konferencën e përgjithshme më të fundit të Kishës.

Rishiheni bisedën(at), duke kërkuar parime dhe doktrina që plotësojnë nevojat e anëtarëve të klasës. Gjithashtu kërkoni ndodhi, referenca shkrimi të shenjtë dhe deklarata nga biseda(t) që do t’ju ndihmojnë të jepni mësim këto të vërteta.

Bëni një plan se si të jepni mësim parimet dhe doktrinat. Plani juaj duhet të përfshijë pyetje që ndihmojnë anëtarët e klasës:

Të kërkojnë parime dhe doktrina në biseda(t).
Të mendojnë për domethënien e tyre.
Të ndajnë kuptimet, idetë, përvojat dhe dëshmitë.
Të zbatojnë këto parime dhe doktrina në jetën e tyre.

Muajt	Materiale për Mësimet e të Dielës së Katërt
Maj 2008– Tetor 2008	Biseda të botuara në Liahonën* e majit 2008
Nëntor 2008– Prill 2009	Biseda të botuara në Liahonën* e nëntorit 2008