Ngaahi Kaumeʻa Foʻou, Ngaahi Kaumeʻa Motuʻa

Ko e pongipongi Sāpaté ʻeni, pea naʻe manavasiʻi ʻa Lisa. Kuo liliu e fakangatangata ʻo hono uōtí. ʻA ia kuo pau leva ke ne ʻalu ki ha uooti foʻou he ʻahó ni. Naʻe ʻilo ʻe he tangataʻeikí mo e fineʻeikí ʻa e manavasiʻi ʻa Lisá.

“Ko e hā e meʻa ʻoku hokó?”

He ʻikai ke u ʻilo ʻe au ha taha ʻi he uooti foʻoú. Ko e hā naʻa nau liliu ai hotau uooti motuʻá?

Ka ko ha meʻa lelei ʻeni ia. ʻOku tupu tokolahi ʻa e Siasí. ʻA ia ko hono ʻuhingá he kuo tali ʻe ha kakai tokolahi ange ʻa e ongoongoleleí.

Te u toe sio nai ki hoku ngaahi kaumeʻa mei he uooti motuʻá?

Te ma fakapapauʻi atu ʻe hoko ia. Te ke lava ʻo fakaafeʻi mai kinautolu ki hotau ʻapí ʻi ho ʻaho fāʻeleʻí.

Naʻe hū atu ʻa Lisa ki he loki Palaimelí he lotú. Naʻá ne sio ki ha niʻihi ʻo hono ngaahi kaumeʻa mei he uooti motuʻá, ka naʻe tokolahi foki ai mo ha ngaahi mata foʻou. Naʻe fai ʻe Lisa mo e fānau kehé ha kiʻi vaʻinga ʻi he kalasí ke tokoni ke nau ʻiloʻi honau ngaahi hingoá takitaha. Naʻe ngali angalelei e fānau foʻoú.

ʻI he ʻosi ʻa e kalasí naʻe talitali mai e ongomātuʻá mo hono kiʻi tuongaʻané kia Lisá he holó.

Fineʻeiki, ʻokú ke pehē ʻe lava ke u fakaafeʻi mai mo e fānau foʻoú ki hotau ʻapí ʻi hoku ʻaho fāʻeleʻí?

Ko ha fakakaukau lelei ia.

Naʻe ʻai ʻe Lisa mo e fineʻeikí he uike ko iá ha ngaahi tohi fakaafe ki he fānau ʻi honau uooti motuʻá pea mo e fānau ʻi honau uooti foʻoú.

Ne aʻu kotoa mai e fānaú he ʻaho fāʻeleʻi ʻo Lisá. Naʻa nau fai e kiʻi vaʻinga naʻá ne fai ʻi he Palaimelí koeʻuhí ke lava ʻe he tokotaha kotoa ʻo ʻiloʻi e hingoa ʻo e niʻihi kehé.

Naʻá ke fiefia?

ʻIo! Kuo ʻi ai ʻeni hoku ngaahi kaumeʻa motuʻa mo hoku ngaahi kaumeʻa foʻou!