Maʻá e Fānau Īkí

2010

Maʻá e Fānau Īkí

ʻAokosi 2010

Maʻá e Fānau Īkí

Ngaahi Tokoni Maʻá e Mātuʻá

Naʻe pehē ʻe Palesiteni Kōtoni B. Hingikelī (1910–2008), “Hoko ko ha kaumeʻa, pea te ke maʻu ha kaumeʻa.”¹ ʻE lava ke ke fakaʻaongaʻi e ngaahi ʻekitivitī ʻi he konga ko ʻení ke tokoni ki he fānaú ke mahino kiate kinautolu e founga ʻe lava ke nau fakakaungāmeʻa aí.

Hili hono lau e talanoa ko e “Ngaahi Kaumeʻa Foʻou, Ngaahi Kaumeʻa Motuʻá” (peesi 68–69), tokoni ki hoʻo kiʻi tamasiʻí ke fakakakato e ʻekitiviī ʻi he peesi ko ʻení. ʻEke ki hoʻo kiʻi tamasiʻí ʻa e niʻihi ʻo e ngaahi founga ʻe lava ke ne maʻu ai hano ngaahi kaumeʻa foʻou. Fai ha talanoa ki he taimi naʻá ke ngāue ai ke maʻu hao kaumeʻa foʻou.

ʻE ʻi ai e ngaahi taimi ʻe fie maʻu ai ʻe hoʻo kiʻi tamasiʻí ha tokoni lahi ange ke maʻu hano ngaahi kaumeʻa. Te ke lava ʻo talanoa ki ha mātuʻa ʻe niʻihi pea fakaafeʻi e fānaú ke nau haʻu ʻo vaʻinga mo hoʻo kiʻi tamasiʻí. Ko e vaʻinga fakafiefia ʻe taha ʻa e langa-toí. Ko e vaʻinga ko ʻení ʻoku kuikui ai ha kiʻi tamasiʻi pe taʻahine pea lau ki he 20 kae ʻalu e fānau kehé ʻo toitoi ofi mai pē. Ko e ʻosi pē lau ʻa e kiʻi tamasiʻí, ʻokú ne feinga leva ke kumi e fānau ʻoku toitoí.

Tā fakatātaaʻi ʻe Adam Kofford

Toʻohemá: tā fakatātaaʻi ʻe Adam Kofford