Karokoan te Moanrinan n te Mwenga
Utu Bon Mwakoron Ana Babaire te Tama are i Karawa
Ko kona ni kamanena te reirei aei ao te waaki ni kakukurei n reireiniko riki ibukin ana boto n iango te Moanrinan ibukin te namwakaina aio.
Ana Boki Moomon e taekina te mwaane ae buakaka ae arana Amarakaia. E tangiria ni kamauna te Ekaretia ao n tautaeka i aoia taian Nibwaite n aron ae aia uea.
Kaben Moronai bon te tia kairiri ae korakora man tamaroa man ana tanganibuaka Nibwaite. Kaben Moronai e tangiria ni kauringia aomata aron kakawakin katanaia aia utu ao aia onimaki. E raeua ana kabaraaki ao ni karaoia bwa te buraeki, ke te baana. E koroi taeka aikai iaona:
“Kauringakin Atuara, ara aro, ma inaomatara, ma ara rau, buura, ao natira.”
E arana ana baana bwa “te buraeki n inaomata,” ao e kabaea i tabon te kai. Imwina e katorobubua ao n tataro bwa aomata a na kona n tiku n inaomata bwa a aonga n teimatoa n taromauria te Atua ao ni karekei Ana kakabwaia. (Taraa Aramwa 46:3–18.)
N te bong aei iai te bwai ae ti kauringaki iai aron kakawakia ara utu ao ara onimaki. “Te Utu: Te Katanoata nakon te Aonaba.” Aikai tabeua mai buakon taekana:
“Te Utu bon boton ana babaire te Tia Karikibwai ibukin tokin kawaia Natina ae akea tokina. … Te utu e katabuaki iroun te Atua.”