Ibukia Ataei Aika A Uarereke
Iesu e Weteia Ana Reirei
Mairoun Ruka 5:1–11.
Timon ao Anterea bon taari aika uoman aika bon taan akawa. Te tairiki teuana, Timon ao Anterea a akawa ni karokoa ae e bong ma a aki roko ni kona.
E mena Iesu iaon ana booti Timon. E tuangia taari aikai bwa a na karenakoa aia karaun i taari teuana riki te tai. Ngke a katikarake aia karaun, ao e onrake n taian ika!
Timon ao Anterea a weteia raoraoia aika Iakobo ao Ioane bwa a na buokia ni kanakoi kanoan taian karaun nako nanon te booti. E koro tirauan te ika n te aro are a onrake booti ake uowa! Iesu e tuangia mwaane bwa ngkana a Iriria, e na reke konaia ae tamaroa riki nakon te ika. A riki bwa taan akawaiia aomata.
Timon, Anterea, Iakobo, ao Ioane a katikui bwaai ni kabane, n ikotaki ma aia booti. A riki bwa ana reirei Iesu. A irira Iesu ao ni buokia n taetaekina te euangkerio nakoia aomata ni kabane.
N ai aron te tia akawa are e uota te ika nako nanon te karaun, ti kona n ibuobuoki ni uotia aomata nakon te euangkerio man aron ara katoto aika a tamaroa ao reireinia taekan Iesu. Ti kona n riki bwa taan tia akawa naba!