Karakinan te kie
Antai ae atai karaki aika a mwaiti ni kona n niraki inanon teuana te kie?
“Ngaira ae naati ti kona n ukoukoria raora aika tangiraki, ni kawakini araia ao uringakiia” (“Truth from Elijah,” Children’s Songbook, 90–91).
Katy e kibakiba n iira te tabo n nakonako nakon te aroka ae bubura ae te oke ni koonan te kawai. Te aroka ae a maan aei e kai kuneak iai ana auti Nana.
N aron ae taneiai te aba iai, e tekateka Nana inanon ana ruu ni katangaina, ni karaurau ni waewae ao itui mwakoron kunnikai aika tokatoka mataia. Buroan ana auti Nana ae raneanea ae karaoaki man te kai a katamaroaki ma kie ake e bon karaoi Nana i bon irouna.
“Mauri, aani,” E taetae Nana ngke e rinnako Katy. Imwina a maroroakina te bwai are e aranna Nana “boong ake a tia a nako.” A uaia n tarai tamnei aika a roro man mainaina karaia. Katy e kan tarai kunnikaia ma tein iraia ana utu ngke a uarereke.
“A rangin kaokoro bwaai ngkanne,” E taetae Nana ma te ikenrawa. “Ko ataia, bon akea ara kaa ke ara TV ke ara tarebon ke mobwaira.”
E aki kantanigaia Katy ae ko na nakonako nakon taabo nako. “Tera ae ko karaoia bwa ko na unga, Nana?” E titiraki Katy.
“Ti tangiria n anene ni kabane. Ti ikotaki ni katobibia te biano n te tairiki ao n anenei kunara aika mamaten nanora. N tabetai ti kakorakoraira n anene ni karokoa are a rotaki buuara! Bon te tai ae rangi ni kaunga.”
Nana e taraa tinaniku n ai aron are e kona ni kaoka te ririki ma kanoana nako akea bwa ea manga tarai riki kanoani bong aika a tia nako.
E tekateka Katy irarikin te kie are e rababa nako rarikin rangan Nana. E karaurau ni waewae n te karai ma tabonibaina.
“I bae n iangoia,” E taetae Nana ni karaurau, “e kanga karaoan oin kiemi ae bibiraki ae ko tangiria?”
E kibakiba Katy ao n uboiboi baina.
“I kan karaoia, Nana! Ti kona ni waaki n te bong aei?”
E ngare ni karaurau Nana. “E tamaroa, iai te bwai ae ko riai ni karaoia moa. Nakon mwengam ao ikotii kunnikai ae a maan ake ti na kona ni korokoroi ni kairarikii.”
A taraa n takanea matana ngkai e wene n raraa Katy, e mabu bwanaana n aron ae kanga iai te bwai ae kan tibwauaia ae raba.
“Anne te bwai ae karika taraan te kie ae onoti. Ibukina bwa e karaoaki man kunnikai, te kie e kona n taekina rongorongon maium. Te bibiri n tatabeua kanga ai aron te mwakoro inanon te boki n taekan rongorongom. Taraakin te kunnikai man oneam ae a mane e kona ni buokiko n uring taabo ake ko kunnikainiko iai ao tera ae ko karaoia ngke ko karina i aom.”
A uretangaanga matan Katy. E kotea te uraki are e bibiria Nana.
“Ko uring ni kabane taekan te kunnikai ake inanon te kie aio?”
E moangare Nana. “Ko taku bwa I karaoia! Te mwakoro ni kunikai ae uraura aei bon man au kunnikai are I kabongana ngke ko bungiaki. I uringa I taotaona bwairiu n te winto te kiraati n te neetiri bwa N na kaaniai n taraiko. Ko taraa ni binke ao ni manunu.”
A uaia ni ngare Katy ao Nana ngkai e reitinako Nana ni karakina rongorongon te kie. Ngke e roko ni mweengana Katy n te tairiki anne, ngaia ma Mama a kararoai kunnikai ake a maan ake e kabonganai Katy.
Te bong are imwina, E anaa te kunnikai Katy nakon ana auti Nana. Nana e kaotia nakon Katy bwa e na kanga ni korea te kunnikai nakon mwakorokoro aika abwabwaki, e bibirii, ao n itui bibiri ni kabane.
Ni katoa bong imwin te reirei, e nako Katy ni mwakuri i aon ana kie n ana auti Nana.
Teutana imwin teutana, e rikirake te kie. A nako boong ma kanoaia, Katy e reiakin angiin ana karaki Nana man ana ururing. Tabeua boong boni ngaia ae taua moan te karaki nakon Nana.
Te bong teuana, imwin reitan mwakoron te kie ae buruu are e riki ngkoa bwa ana kawaerake te rii ae mamaten nanona, Katy e bubui nanon baina i aon taian bibiri ake a kirimatamata.
“N am iango e a kan tia te kie anne?” E titiraki Nana, e tararake mai aon ana mwakuri.
“E tuai raoi,” E taetae Katy ma te moangare. E aki tangiria bwa e na toki ana tai aei ma Nana.