Te Kokoaua ao te Etieti

Te Kokoaua ao te etieti “e kainnanoa te aomata bwa e na kakaraoia ke n taekina te bwai ae eti n aki tabe ma te bwai teuana ke tera aia iango tabeman,” e taku Unimwaane Christoffel Golden Jr. man te Itingaun n te beeba ni kaongora n iteraniba 48–49 n te beeba n te namwakaina aei.

Te beeba ni kaongora e taekina te bwai ae riki ni maiun Unimwaane Joseph B. Wirthlin (1917–2008) man te Kooram n Abotoro n te Tengaun ma Uoman. Ngke ngaia ataein te reirei n te reirei ae rietata, Unimwaane Wirthlin e tatakaro n te kabo irouia tiambion n te butibooro n Amerika. E anganaki te booro, e mwaing ni waerake, ma e toki uoua te inti (5 cm) te kerikaaki man rainin te kouru. Mai buki ibuakoia taan takakaro aika mwaiti, imwain are e uotarake te booro, e uring ana taeka tinana are e riai ni n tainako ni kakaraoa te eti. E katuka te booro n te tabo are e mena iai.

Aikai oti inano, n ikotaki ma oin am katoto, e kona ni buokiko n reireiniia am ataei taekan reirein te euangkerio aikai.

Iango ibukin Reiakinaia Kairake

Warekia ma am ataei te tiekition iaon te kokoaua ao te etieti inanon Ibukin Kakorakorakiia Kairake. Maroroakin kakabwaia n te kokoaua ao te etieti.
Iangoia n tuangiia am ataei bwa a na ibuobuoki ni katauraoa te “Tera ae Ko na Karaoia?” kamwaninga ibukin bootakin te utu n te tairiki. Kabongana Ibukin Kakorakorakiia Kairake bwa te kairi ao koroi ni karinani kanganga are e na angan temanna te tai ni katea kain te kokoaua ao te etieti. Karaoa te kamwaninga n te utu ao maroroakin mwiia.
E a tia Beretitenti Thomas S. Monson ni kaokiokia n taekina taekan te kokoaua. Karaoa teuana mai buakon ana rongorongo ao maroroakinna ma am utu. Aika oti inano tabeua aika kona n riki:

“Te Burabeti Iotebwa Timiti: Teacher by Example,” Liahona, Nobembwa 2005, 67.

“Happiness—the Universal Quest,” Liahona, Maati 1996, 2.

“In Search of an Abundant Life,” Tambuli, Aokati 1988, 2.

Iango ibukin Reiakinaia Ataei

E raonaki te etieti ma bwainakin te kokoaua bon mai roum. Ni kamatataan aei, iangoa karaoakin reirein bootakin te utu n te tairiki ma ni katukaki imataia ataei te amwarake. Tuangiia bwa aki kona ni kanna ni karokoa ae ko tauangiia. Ngkanne kamatui matam ke ni kabaea matam ao titiraki, “E raoioroi ibukim bwa ko na kana te amwarake ngkai, ti ibukina bwa I aki noraba?” Maroroakin bwaai aika raoiraoi aika a kona ni karaoi ngkana akea temanna ae taraia, n aron te tataro. Kauringiia bwa te Tama are i Karawa e kona n noriia n tainako.
Iangoa kabonakin te kamwaninga ae karaoaki ma am ataei (tara eeta), ke karaoa te kamaninga ae karaoaki ibukiia ataei aika uarereke are e buokiia n ata te bwai ae koaua ao ae aki koaua. Kariaia bwa ana taekina aia kaeka. Ngkana iai am ataei aika tebwitabun aia ririki ao am ataei aika uarereke, iangoia bwa a na buokiia ataei aika uarereke ma te kamwaninga.