Booto n te Maiu n Tamnei

N te ririki aei ao bon iai ara boto aika a kamimi aika roko ni kawara ara auti n tairikin te Moanibong! Booto aikai a ikotia kaain te utu, e korakora mwakaia man onoti, ao n reiakina te koaua ae kakawaki bwa -te reirei e kaungaira bwa ti na katamaroa ara reitaki i bon imarenara n tatabemanira nako.

N aron te katoto, te wiiki teuana te Tia Kareke Rongorongo e reireinira bwa ti na kanga ni katani matara man taian tamnei, kamataku n te TV, ao maekatiin aika a aki riai. Te wiiki are imwina Ao te tia ka Marurung ae akea n ai arona e kamatata bwa ti na kanga ni karikirakea te korakora man te kataneiai ni kamarurung ni katoa bong. Te maniberu ae Teimatoa, te boto n te mwenga e kunnikainna n aron te maniberu ae bubura, e reireinira bwa ti na kanga ni katoka te rongoa ae katobibira kanga ai aron te maniberu e karinerine n te taromauri ao n te mwenga. Te Taeka Ae Ataeinaine e kamatata bwa ningai ao ti na kanga n anga taeka ni kimarimari aika a bati ni bon nakoira imarenara. Te Ataeinaine ae e Kakaitau, e Kaungaia Ana Utu bwa a na Karaoia I Bon Irouia, Te Tia Rabakau ni Booki aika a Tabu, te ataeinaine ae e kaungaia ana utu bwa a na aki taetae ni kamatauninga, Mitinare Mwaane, ao booto ake tabeman a ira naba ara reirei n ara botaki n utu.

I kakaitau bwa au utu a iango mwaka ao ni karaurau bwa tera te kangaanga n te utu are a na maroroakinna n aron ae ngaia te boto. Ti bane n ingainga nakon botakin te utu n te tairiki, ao e na reke ara tai ae kakukurei n tain rokoia booto akekei. I kakaitau bwa ni katoa te tai are ti iangoa raoi ara kangaanga n ara utu, te Tama are i Karawa e kaungai nanora ma te iango bwa ti na kakorakoraira n reireinira riki i bon imarenara. Aikai kanuringaia booto ake ti na kawakin n aki toki.