Iango Ibukin Bootakin te Utu n te Tairiki

“Oki Rikaaki ma te Karineaki,” iteraniba 50: Imwiin warekan te karaki, ngkoe ma am utu kam kona n taunroute te witeo “Honesty: You Better Believe It!” man te youth.lds.org (tauraoi n te Ingiriti, Portuguese, ao Spanish). A kona kaain te utu n tibwaua te bwai ae a tia n reinakinna man te karaki ke te witeo. Ko kona naba ni warekia inanon Ibukin Kakorakoraia Kairake taekan te kokoaua ao te etieti (iteraniba 19). Ibukin te mwakuri ni kakukurei, a kona kain te utu n iangoa te tai ike e kataaki iai aia kokoaua. Koroi taai ake a kataaki iai aia kokoaua iaon te mwakoro ni beeba, katikui inanon te boora, ao tuangiia aomata ni kabane bwa ana katika te beeba. Karekei aia tai, bwa ana wareka te kanganga ao taekina te bwai ae riai ni karaoaki ibukin te kanganga anne ni bwainakin te kokoaua.

“Karakinan te Kie,” iteraniba 66: N te karaki aei, ao Katy e titirakina Nana te bwai ae tangiria ni karaoia ibukiia ana utu ngke e uarereke. Tera ae taekinna Nana ni bwaai aika a tangiri ni karaoi? Ngkanne Nana e rereina Katy te rabakau ae boou, ao a uaia ni karekea te ururing ae tikiraoi. Iangoia ni wareka te kaitiua ni barakarabe n “Te Utu: Te Katanoata nakon te Aonaaba.” E kanga n taekinna bwa taian mare ao utu aika a nakoraoi a tei? Rinea teuana mai buakon iango aikai, n aron te mwamwannano, ao maroroakinna n te utu. Ibukin te iango aei, ko kona ni kaoia utu bwa a na karinani kawai ae a kona iai ni kaota te mwmwannano nakoia kaain te utu ao tabeman. Ko kona ni katei kouru ibukin te wiiki ni kaota riki iai te mwamwannano ao maroroakinna bwa ko kanga ni kakoroa nanon am kouru ni bootakin am utu n te tairiki are imwiina. Ko kona ni motika am reirei man anenean “Families Can Be Together Forever” (Anene n Taromauri, nambwa 300).