Nadasig pinaagi sa Hugot nga Pagtuo

Dili gyud nako makalimtan nga naglakaw sa nataran sa Winter Quarters, Nebraska, USA, diin ang mga pioneer nagpuyo kaniadto. Ang dapit ingon nga sagrado, daw sama nga anaa ko sa nataran sa templo.

Ang akong mga mata napuno sa mga luha, nakapahanap sa akong panan-aw. Nakakita ko og estatuwa apan dili nako maklaro. Sa dihang akong gipahiran ang akong mga luha, nakakita ko og lalaki ug babaye kansang dagway napuno sa kasubo. Sa dihang ako kining giklaro, nakakita ko og porma sa gamayng bata nga nagbuy-od sa lubnganan sa ilang tiilan.

Nasanapan ko niini nga eksena: kaguol, kasuko, pasalamat, ug hingpit nga kalipay. Ganahan kong hupayon kadtong mga Santos, apan mapasalamaton usab ko sa ilang sakripisyo para sa ebanghelyo.

Ang akong kasinatian sa Winter Quarters nakapaamgo nako nga gihatag sa Langitnong Amahan ang ebanghelyo ngadto sa Iyang mga anak ug nagtugot kanila sa pagbuhat sumala sa ilang gusto. Ang mga ginikanan niining bataa makapili unta og mas sayon nga dalan. Ang pagsunod sa propeta ug pagpakabuhi sumala sa ebanghelyo nanginahanglan nga kining mga pioneer magpadayon bisan kon nagpasabut kini nga ilubong ilang anak. Apan sila mipili sa pagsunod sa ebanghelyo sa ilang kinabuhi ug gidawat ang ilang mga hagit. Akong nakat-unan nga ang pagkamapahinunguron sa mga Santos ngadto sa ebanghelyo ug ang ilang determinasyon nga magpadayon nadasig sa hugot nga pagtuo ug paglaum—paglaum para sa hayag nga kaugmaon ug hugot nga pagtuo nga ang Ginoo nakaila kanila ug mohupay sa ilang kasakit.