Espirituhanong mga Superhero

Karong tuiga kining talagsaong mga superhero mibisita sa among panimalay sa mga gabii sa Lunes! Ang kada superhero mao ang usa ka sakop sa pamilya, adunay espesyal nga gahum, ug nagtudlo og importante nga mga leksyon nga makapalig-on sa pagpamatuod nga nag-awhag namo sa pagpalambo sa among mga relasyon sa usag usa.

Pananglit, usa ka semana si Media Man mitudlo namo unsaon sa pagtabon sa among mga mata gikan sa dili angay nga mga sine, mga salida sa TV, ug mga magasin. Sa laing semana si Fit Miss mipasabut unsaon nga makapalambo kami og hilabihan nga kusog pinaagi sa pag-ehersisyo kanunay. Ang Bee Still, usa ka superhero nga nagsinina sama sa bumblebee, mitudlo kanamo unsaon sa paghunong sa pagsaba-saba ug mag matinahuron diha sa simbahan ug sa panimalay. Si Word Girl mipasabut kanus-a ug unsaon nga makahatag og komplimentaryo ngadto sa usag usa. Sila si Thankful Girl, Do It Yourself Dude, Scripture Scholar, No Sass Lass, Missionary Man, ug ubang mga superhero mitambong usab sa among mga leksyon sa family home evening.

Mapasalamaton ako nga gihunahuna pag-ayo ug nag-amping ang mga sakop sa akong pamilya kon unsa nga problema sa pamilya ang ilang sulbaron isip usa ka superhero. Maghandom gyud mi sa family home evening, ug malingaw gyud mi sa pagbisita sa kada superhero. Mapasalamaton ko nga sa kada higayon nga kami mamalandong og usa ka problema sa among pamilya, ang Langitnong Amahan midasig namo og epektibo nga ideya nga itudlo sa usag usa. Mao kini ang superhero nga mga handumanan nga pasalamatan gyud namo sa kahangturan.